涂毓麟首次參與劇集拍攝即要「獻身被拮」,更是蔡思貝首度正式「落針」,僅20秒場口就被拮了接近50針,拍完後駐場中醫師都好擔心。
《你好,我的大夫》9月11日晚首播即有中醫急救場面,包括在飛機上為突發性心臟病乘客及為羊癎症發作同學急救,負責救人的分別是何廣沛飾演的辜清勁及蔡思貝飾演的程嘉應。包括急救場面在內,首集有不少施針場面,當中飾演接受針炙病人的涂毓麟(Oscar),更是首次參與劇集拍攝即要「獻身被拮」,施針部位是近肚臍部位,鏡頭所見更是針針到肉。對於劇集以中醫作題材,網民認為對於時裝劇來說相當新鮮:「以中醫行業做背景,提拔年青演員擔綱演出,充滿正能量,好清新嘅一套劇集!
點擊看圖輯
佢話佢亦咁啱得咁橋係思貝第一位要喺呢套劇入面「施針」嘅演員。
劇情一開始即有中醫急救場面。
觀乎廣沛的救人手勢亦相當熟練,有說服力。
利愛安閃現場口為網民帶來驚喜。
至於Oscar被施針場口,網民除了驚嘆不是以「豬皮」代替,更有人質疑是否本尊親身上陣。對此,Oscar受訪時解開謎團指導演跟他溝通時,確實表示過可找替身代替,只是Oscar堅持親身上陣:「都係拮幾吓啫,所以我就同導演講唔好嘥時間,直接嚟啦。」
雖然只係客串,但呢部係Oscar嘅處男劇。
佢話佢亦咁啱得咁橋係思貝第一位要喺呢套劇入面「施針」嘅演員。
談到拍攝花絮,Oscar透露由於拍攝當日也是思貝首度正式「落針」,難免有點緊張,並謂為了配合特寫鏡頭等拍攝,僅20秒場口就被拮了接近50針,Oscar說:「我係客串失咗聲嘅歌手,最難忘係我係思貝第一個施針嘅演員,佢可能仲有啲驚同未係太熟手,加上要轉Cam位,一個角度可能要拍好多次,又有特寫鏡頭等,我印象中都大概畀思貝拮咗成50針度。所以拍完後駐場中醫師都好擔心,即刻幫我敷番艾草舒緩番。」Oscar問到被拮時感覺,則笑言無感:「我冇乜感覺,由細到大我都唔驚打針,針炙嘅針又比較幼,所以冇乜特別。」由於場口的特寫鏡頭均以特別鏡頭拍攝,故此不但毛孔清晰可見,更連「少少毛都會睇到」。
Oscar獲網民讚有顏值。
就係為咗呢個場口。
Oscar被拮咗成50針。
佢仲要真係親身上陣架。
無綫截圖
無綫截圖
無綫截圖
無綫截圖
為了令所有中醫治療場面更像真,劇中的「中醫師六君子」思貝、廣沛、陳嘉慧(Erica)、游嘉欣(游游)、吳偉豪及孔德賢,與其他飾演中醫師的演員在劇集正式開拍前,一起接受中醫師指導學習針炙。觀乎現場表現,思貝及廣沛屬於冷靜派,吳建豪、Erica及游游屬於驚青派,吳建豪不但跌針、還邊施針邊瘋狂標汗,Erica猶豫很久才施針,但落針一刻手起刀落,只是落完針後再進入虛無,並大呼「好緊張好恐怖」。
思貝淡定有錢剩。
何廣沛落針快狠準。
吳建豪又跌針又嚇到狂標手汗。
陳嘉慧全程勁驚。
佢自拮練習時係咁嗌痛。
畀佢哋練習任拮嘅中醫師都未嗌痛。
最誇張的是游游,諸多猶豫又不斷喪笑的她;還未正式落針已尖叫:「嘩!好驚呀!」其間又因為太害怕喊驚喊至破音程度。整個過程「驚險」百出的游游,最終獲醫師安慰「冷靜啲」。搞完一大輪游游虛脫地表示辛苦,令駐場中醫師搲頭回應:「你Sure?」互動十分搞笑。由於游游劇中角色阿光同屬欠缺自信驚青型,現場台前幕後均取笑她「相當入戲」,令游游哭笑不得。
游游真人示範笑到標淚。
唔講仲以為佢拍緊苦情戲。
中醫師都畀佢笑死。
游游自拮嗰個樣都係勁爆笑。
總之佢全程喊驚喊到勁誇張。
由方駿釗(嘟嘟)監製、黎倩儀編審的《農本方25周年呈獻:你好,我的大夫》昨晚(13日)翡翠台播出大結局。昨晚兩大高潮位分別落在嘉應(蔡思貝飾)在清勁(何廣沛飾)幫助下解開多年心結,以及嘉應在法庭上為中醫發聲。
嘉應對於當年因瞧不起父親程醫師(陳嘉輝飾)選擇跟母親(黎燕珊飾)生活一直大感自責,久屈成病的她最終得了「睡美人症」,每逢重要時刻前夕便會被困噩夢無限Loop,最近一次病發更足足昏迷了兩日兩夜!昨晚嘉應被困噩夢時先後「假醒」三次,三次分別被困在洗手間、樓梯間及小巴上,去到第四次驚醒時才返回現實,並淚流披面向陪伴床側的清勁驚呼:「我唔知要去邊,但我有一個好重要嘅地方要去。」最終清勁發現一直困擾嘉應的心結、是其對亡父離世的自責,中醫成了嘉應與亡父的唯一連繫,所以嘉應才對中醫這個身份如此緊張。為幫嘉應走出心魔,清勁帶其返回亡父行山遇險地點,觸景傷情的嘉應即時淚崩、並將累積多年的鬱結一次過宣洩,場面感人。
第一次「假醒」,嘉應被困洗手間。
第二次「假醒」,嘉應先係發現部𨋢唔郁。
之後再重覆咁被困喺16樓梯間。
第三次「假醒」,嘉應先係喺街頭疾走狂奔。
上咗小巴之後,嘉應發現自己嚟嚟去去都被困喺同一條街,嚇到即刻嗌落車,但又不得要領。
思貝拍無限Loop場口搞到心跳加速?!
問到思貝劇中《降魔的》式的無限Loop場口有否特別意義,她說:「以我嘅理解,不停Loop嘅寓意係人生總有好多面對唔到嘅事情,呢啲事某程度上會以唔同嘅方式喺生命中不停出現,直到有一日你有勇氣去面對解決,先可以真正平靜落嚟好好生活。」思貝續指無限Loop場口不但代入了自己曾經歷的真實感覺、更拍至心跳加速:「我試過發夢有親人突然離開我,我好記得嗰種感覺係點,係真係會喊住咁驚醒,然後個心跳得好快好快。」
到第四次真係驚醒,大感驚惶失措嘅嘉應再次喊到淚流披面。
雖然喊到眼淚鼻涕,但思貝依然喊得不失美感,好嘢!
原來嘉應對於當年行山放咗爸爸飛機大感內疚。
佢覺得自己要為當年失足以致失救至死嘅亡父負責。
嘉應將屈喺心入面咁多年嘅鬱結,一次過喊晒出嚟,呢場戲又係演技考牌作。
另昨晚的法庭戲亦相當感人,過往醫療個案主角包括面癱小朋友芯芯(周珈慜飾)、關穎璇(關嘉敏飾)、一宇(姚宏遠飾)及太太阿Min(周麗欣飾)等現身旁聽為嘉應打,其中多年來備受不育問題困擾的一宇及阿Min更傳來懷孕喜訊,令人欣喜。應訊期間一直處於下風的嘉應,因中途被判成為研訊有利害關係一方,在出庭盤問證人期間反佔上風、直指證供漏洞之餘,並再度借機為中醫發聲:「死者接受完西醫治療後就出事,都唔關西醫事,咁點解中醫治療就關中醫事,咁樣唔係雙重標準咩?」、「我希望今日之後,中醫唔需要再以受質疑嘅身份企喺呢個庭度,我更加希望呢個社會可以對中醫多啲認識、少啲偏見,多啲了解、少啲誤解,等我哋中醫以後去行醫斷症嘅時候,唔使有任何顧慮,可以真真正正咁將病人嘅福祉擺喺第一位。」
結尾個案人物齊集:周麗欣、姚宏遠
關嘉敏、梁証嘉
芯芯(周珈慜飾)
嘉應最後親自出手盤問證人。
劇集多番為中醫權益發聲,獲網民大讚立意好。
接受盤問嘅分別係方醫生(甄采浠飾),網民對於方醫生落井下石都表現得咬牙切齒。
同埋死者病患家屬(林溥來飾)
另一亮點是之前與已故Ed師兄(孔德賢飾)發展了一段浪漫又短暫感情的麥寶(區明妙飾),雖然最終未有出席Ed師兄喪禮,但卻驚喜閃現大結局、以中醫義工身份為觀眾聲音導航中醫演變及歷史。值得留意的是,Ed師兄與麥寶拍拖期間,曾提及喜歡用相機拍下珍貴時刻,麥寶於結局篇拿著相機四處拍照,正巧妙地表達了她對Ed師兄的思念。另應勁CP最後一幕的日落接吻戲亦靚人靚景,獲網民大讚有CP感Sweet爆之餘,更有網民大嘆唔捨得大結局:「唔係為拍而拍,感情線交代得好好,中醫方面亦做足功課,劇情合理唔會拍到離晒地」、「近期好劇」。
區明妙閃現結局篇。
佢手持嘅相機,就係Ed師兄活喺佢心入面嘅證據。
關楓馨飾演嘅辛之桃終於可以喺路林醫館執業喇。
陳嘉慧及游嘉欣都係,呢一幕係代表住中醫嘅傳承。
游嘉欣
而清勁嘅婆婆,亦都順利完成咗小腸移植手術。
呢幕Ending真係又浪漫又唯美。