Skip to Content Facebook Feature Image

邀陳蕾上唱歌節目變瘀事分享會 鄧小巧自爆曾血濺泳衣

娛圈事

娛圈事

娛圈事

邀陳蕾上唱歌節目變瘀事分享會 鄧小巧自爆曾血濺泳衣

2023年09月20日 17:00 最後更新:17:12

鄧小巧主持的音樂節目《Singaholic》9月19日晚播出第二集,今集請來好友陳蕾任嘉賓齊齊飲酒吹水兼jam歌。

二人先以王菲的《悶》熱身,唱完後,小巧問陳蕾知否節目名「Singaholic」的意思,然後說道:「Sing即係唱歌,通常啲人咩『holic』,譬如酗酒就係Alcoholic,『Singaholic』就係對唱歌上癮嘅人,所以你都係。」誰不知陳蕾立即認真否認,「我真係唔係!」嚇得小巧連忙說:「呢段cut咗佢,你歌手嚟。」隨後陳蕾便解釋,「我應該係聽歌擺第一,跟住寫歌跟住先到唱歌。」

更多相片
鄧小巧邀請陳蕾上她主持的音樂節目一齊齊飲酒吹水兼jam歌。

鄧小巧邀請陳蕾上她主持的音樂節目一齊齊飲酒吹水兼jam歌。

小巧指節目「Singaholic」的意思是對唱歌上癮的人。

小巧指節目「Singaholic」的意思是對唱歌上癮的人。

二人合唱了多首歌曲。

二人合唱了多首歌曲。

陳蕾分享屋企人誤食「番梘」的故事。

陳蕾分享屋企人誤食「番梘」的故事。

小巧亦分享了血濺泳衣的𤓓事。

小巧亦分享了血濺泳衣的𤓓事。

鄧小巧邀請陳蕾上她主持的音樂節目一齊齊飲酒吹水兼jam歌。

鄧小巧邀請陳蕾上她主持的音樂節目一齊齊飲酒吹水兼jam歌。

小巧指節目「Singaholic」的意思是對唱歌上癮的人。

小巧指節目「Singaholic」的意思是對唱歌上癮的人。

節目中二人合唱了多首歌曲,包括:《凝容》、《同類》、《萬一你是個好人》、《伸縮自如的愛》、《遺書》及《螢光》,二人邊飲邊唱,小巧突然醒起陳蕾的醉酒瘀事,「嗰陣慶祝你加入新公司,買咗枝香檳三個人share,枝香檳好易入口,你好似飲咗一至兩杯,嗰吓係飲得好快,咁就開始要嘔啦喎。我就去攞背心膠袋笠住佢耳仔,佢喺廳嘔完之後佢話:『我唔得啦,我真係好醉啦,我要返房瞓。』然後佢自己喺房擺咗個膠袋,第二日佢發現個膠袋係穿窿嘅。佢啲嘔吐物成地都係,哈哈。」

二人合唱了多首歌曲。

二人合唱了多首歌曲。

爆開有條路,陳蕾又自爆瘀事,因為疫情關係,陳蕾今年終於可以跟廣州家人在港共渡農曆新年,農曆新年過後,陳蕾便將客戶送給她的禮物給家人帶回廣州,「一盒好似番梘咁嘅朱古力定係好似朱古力嘅番梘,佢有晒牛油紙,suppose真係係朱古力嚟嘅,但嗰吓我就覺得,呢盒一定係番梘!我就同阿妹講:『呢盒俾你返去洗手,千祈唔好食呀!』佢哋方咗廣州後,有一日睇屋企個group message彈咗出嚟,我阿姨食咗個番梘,然後喺group話:『又幾好食喎呢個!』跟住我好嬲,我話:『我咪講咗話係番梘唔食得㗎囉!』好嬲好忟!我阿妹話:『我而家即刻去幫佢扣喉,帶佢入醫院。』嗰吓我覺得:『好心你哋唔好咁為食得唔得……』之後即刻上網search,食番梘係冇事嘅,爸爸問番我:『等等先,你確唔確定呢盒真係番梘呀?』後尾confirm係朱古力,虛驚一場,之後大家笑到癲咗!」而陳爸爸的反應亦十分錯重點,「佢嘅反應係:『唉,都好啲,不過嘥晒啲蘿蔔糕囉。』哈哈,因為嘔晒上一餐啲蘿蔔糕出嚟,呢個先係重點。」

陳蕾分享屋企人誤食「番梘」的故事。

陳蕾分享屋企人誤食「番梘」的故事。

見陳蕾講得興奮,小巧亦分享一件從未向外提及的𤓓事,唱歌節目頓成瘀事分享會。事綠小巧在拍攝《強弱》MV時有一場落水的戲份,開拍前十分鐘突然出現狀況,「我『大姨媽』嚟探我!因為要落水,我哋都着住泳衣打底,由於『凡事路過必著痕跡』,拍完之後,我就喺租番嚟嗰間靚屋嘅浴室換衫走,我唔記得帶走套泳衣!」說到這裏,小巧停頓數秒,然後深呼吸續說:「之後屋主影咗張相問:『你哋係咪有人漏低咗呀?姐姐已經幫手乾淨咗啦。』跟住我哋就話:『唔好意思呀,你掉咗佢啦,我哋唔返嚟攞啦。』呢件事我覺得係我人生數一數二嘅尷尬,尷尬到係全場靜默,真係好尷尬。」故事說完,陳蕾便問:「因為有啲嘢仲喺(泳衣)上面?」小巧又再靜默數秒,「……係呀!凡事路過必有痕跡吖嘛!哈哈,有痕跡…… 大家get到㗎嘛。」爆笑全場。

小巧亦分享了血濺泳衣的𤓓事。

小巧亦分享了血濺泳衣的𤓓事。

觀看相關影片按連結:https://youtu.be/sC3GQraLMO0?si=03pK8EJ-0BTKo72q

Tags:

陳蕾

往下看更多文章

鄧小巧讀書勁唱《紅綠燈》 邀原唱鄭融做嘉賓感榮幸

2024年04月24日 21:00 最後更新:21:03

網上音樂節目《Singaholic》來到第六集,主理人鄧小巧這集找來鄭融任嘉賓。

一開場,小巧便唱出鄭融(Stephanie)的代表作《紅綠燈》歡迎鄭融,小巧表示讀書時期經常唱這首歌,「真係好榮幸可以今日請到呢首歌嘅原唱,因為讀書時期每一次去唱K,一定會有人點,我或者會唱,或者會多過一次嘅,阿融!」

小巧唱出鄭融的代表作《紅綠燈》歡迎鄭融。

小巧唱出鄭融的代表作《紅綠燈》歡迎鄭融。

小巧指讀書時期每一次去唱K,一定會有人點《紅綠燈》。

小巧指讀書時期每一次去唱K,一定會有人點《紅綠燈》。

觀看相關影片按連結:https://youtu.be/qF-gFDNP2vc?si=f6oaRHTQK8gxOA2o

節目傳統,歌手們都會一邊唱歌、一邊「㗳」番兩杯,不過外表看似野性的鄭融原來是非酒精人士,「睇唔出呢,我唔得㗎。大家想飲酒係因為覺得會放鬆、開心,但我唔會㗎,我會面紅同埋好易頭痛,所以我通常都係mocktail。」但她表示近年食飯都會飲番一、兩杯紅酒,但會放足一晚,「攤長飲,好慢,永遠都會飲剩。」

鄭融外表看似野性,但原來是非酒精人士。

鄭融外表看似野性,但原來是非酒精人士。

問到醉酒後做過最瘋的事,鄭融尷尬地說:「有一次飲咗少少酒,跟住撞到以前商台蔡冕麗小姐DJ Mini,咁佢紅色頭髮㗎嘛,我就好大聲:『喂!紅頭Min!』哈哈!但係佢未聽過我咁樣稱呼佢,勁唔勁啊!但都已經隔咗好多年,佢都唔介意嘅。其實唔係有啲乜嘢,但係我唔會咁樣稱呼佢。」

鄭融分享醉酒後做過最瘋的事。

鄭融分享醉酒後做過最瘋的事。

就是叫前商台蔡冕麗小姐DJ Mini「紅頭Min」。

就是叫前商台蔡冕麗小姐DJ Mini「紅頭Min」。

就是叫前商台蔡冕麗小姐DJ Mini「紅頭Min」。

就是叫前商台蔡冕麗小姐DJ Mini「紅頭Min」。

講到現今娛樂圈生態,小巧謂現在多了不同身型的藝人,不再是以往千篇一律的纖瘦,鄭融自爆自己的身高已說明一切,「我真係exactly五呎,五呎一都冇。」她又提到早前有朋友問她,如果整容的話想整甚麼,鄭融想也不用想便答道:「『駁高個人囉!哈哈,我又冇乜嘢想整。』係好痛,但係着高踭鞋都好痛,代價好大,好多時候我哋真係開工嗰下先着,一返到後台其實即刻轉拖鞋,嗰個痛係酸同埋麻。」小巧和議,「試過除咗鞋之後,我啲腳趾掂唔到落地,好痛!」鄭融接着說:「我有諗過如果可以嘅話,行落樓梯嘅時候,我真係唔介意我寧願爬!或者可以安排有架輪椅喺後台。」

小巧指現在多了不同身型的藝人。

小巧指現在多了不同身型的藝人。

鄭融自爆自己的身高已說明一切,「我真係exactly五呎,五呎一都冇。」

鄭融自爆自己的身高已說明一切,「我真係exactly五呎,五呎一都冇。」

小巧問如果整容的話想整甚麼?

小巧問如果整容的話想整甚麼?

鄭融直言想增高!

鄭融直言想增高!

你 或 有 興 趣 的 文 章