COLLAR在新歌中性感上陣,大騷女人味!
由Marf邱彥筒、Gao沈貞巧、Day許軼、Candy王家晴、Winka陳泳伽、Ivy蘇雅琳及 Sumling李芯駖組成的本地女團COLLAR,於昨日(27日)推出年度第三首團歌《Speak Love》,顧名思義歌曲以愛情為主題,帶出敢愛敢認的訊息,展現現代女性對愛情的態度;今次團歌除了破天荒邀請Serrini填詞外,又首次在MV中安排大隻型男及導演陳健朗客串演出,不過最大膽創新,莫過於COLLAR在新歌中性感上陣,大騷女人味。
點擊看圖輯
COLLAR推新團歌《Speak Love》,分享現代女性愛情觀。
Winka笑言今次造型女人味大足,在性感上亦挑戰了尺度!
Marf透露今次MV製作,雲集《那年盛夏我們綻放如花》、《和解在後》及電影《風景線》製作班底。
Gao自言本身是性感擔當,笑言平時在家亦衣着性感,對今次MV造型未有不慣。
Day負責的主唱段落充滿活力、高亢纖細的唱腔,表現出她們近期的進步。
COLLAR推新團歌《Speak Love》,分享現代女性愛情觀。
Ivy以低胸裝上陣!1
Day
Winka笑言今次造型女人味大足,在性感上亦挑戰了尺度!
Candy
Day露背嗌正
新歌《Speak Love》MV當中,COLLAR破格以性感造型亮相,總動員短裙示人之外, Marf與芯駖騷小蠻腰、Day穿上大露背、Ivy與Winka則以低胸裝上陣,令人熱血沸騰,對此,她們異口同聲指是拍攝MV有史以來,最性感的一次,Day表示:「好正,見到大家今日咁着,平時大家多數着褲,今日大家都着裙。」Winka認為今次造型十分有女人味,在性感上亦挑戰了尺度,而芯駖指:「着咗呢套衫同呢對鞋,個人行路都好有儀態,就算企喺度都要有女人啲嘅感覺,唔可以好似平時咁。」不過Gao就「唱反調」自言本身是性感擔當,笑言平時在家亦衣着性感,對今次MV造型未有不慣。
Marf透露今次MV製作,雲集《那年盛夏我們綻放如花》、《和解在後》及電影《風景線》製作班底。
Gao自言本身是性感擔當,笑言平時在家亦衣着性感,對今次MV造型未有不慣。
COLLAR在新歌MV中性感上陣。
導演陳健朗客串演出。
芯齡衝擊心理
難得以性感登場,未知COLLAR在拍攝前可有積極進行身型管理?Day即搶答表示:「我哋每日都有互相帶食物畀大家,因為拍MV之前都要排好多舞,消耗好多體能,所以食多啲嘢都唔驚。」Marf認為事前最重要是整理好心情:「聽完首歌之後,嘗試去平衡番個感覺,唔想過份女人味,想中和番。」芯駖則笑言最主要是心理上的準備,準備如何突破心理關口。
Day負責的主唱段落充滿活力、高亢纖細的唱腔,表現出她們近期的進步。
Candy在拍攝期間夾在兩位大隻型男中間。
Marf透露今次MV製作,雲集《那年盛夏我們綻放如花》、《和解在後》及電影《風景線》製作班底,太多熟悉的面孔,所以在拍攝過程中,令她多了一份尷尬,但講到尷尬之最,莫過於Candy在拍攝期間夾在兩位大隻型男中間,Ivy更踢爆表示:「佢(Candy)話『好想走、好想離開呢個地方』。」對此,Candy直認不諱:「真係硬晒軚!太壓迫,佢哋操到好大隻,然後又好貼近我,然後我又有啲緊張。」難怪Candy提到愛情上的看法,她笑言:「大隻佬唔係好啱我!」
性感指數爆燈!
Winka笑言為防漁佬走數,會開IG帳號公開向對方追歌。
樂隊Nowhere Boys(NWB)與陳泳伽(Winka)@COLLAR早前合唱《異人之野望》外界反應熱烈,早前在Chill Club首度玩Live Band演出後,夾Band夾上癮,最近將此歌編成「激昂版」,同場再將Winka獨唱慢歌《一手造成》重新編成Punk版,拍攝Studio Live在YouTube上架。期間Winka非常欣賞Nowhere Boys琴鍵兼小提琴手「漁佬」作曲才華,主動邀歌,更即時「抄牌」交換聯絡方式,Winka笑言為防對方走數,會開IG帳戶公開追歌,非常搞笑。
Nowhere Boys與Winka夾Band夾上癮。
觀看相關影片按連結:https://youtu.be/3ruEtFf76PY?si=cqz27tn8rFPHsd7h
又將慢歌《一手造成》重新編成Punk版。
觀看相關影片按連結:https://youtu.be/UTd0n83kwC0?si=wP3UezTDoMSN3Z4m
主音Van說:「今日錄嘅特別版真係好特別,因為完全沒有program(程式)協助下,全部靠我哋即場演奏樂器、憑即場感覺去玩,樂器與人聲要好夾。好開心呢度有座Grand Piano(三角鋼琴),所以我哋都著得斯文啲。今日特別版將《異人之野望》重新編曲,變成『激昂版』,而呢個激昂來自『漁佬』彈嘅鋼琴,以及鼓手Nate加咗Jass Drum(爵士鼓),所以同大家聽嘅原裝版好唔同。」夾一首歌當然不夠喉,所以他們另外再為Winka的《一手造成》重新改編,因為是二次創作笑言是「二手版」名為《雙手造成》。
合作《異人之野望》「激昂版」。
主音Van
Van指「激昂」時來自漁佬彈的鋼琴。
舊作改頭換面後,Winka表示耳目一新,可以作為這首歌面世一周年的紀念版,「我覺得好正,因為我真係無諗過《一手造成》 大家印象中嘅慢歌,可以變成令到大家都好Hyper(亢奮 )、一齊跳嘅歌,我頭先跳到幾乎唔夠氣唱!」Van說:「最初因為尊重原創,無改動太多,點知夾極都無突破,直到結他手Ken提議:不如玩Punk佢啦!」結果就成了搖滾版,而且他們玩得太落力,連結他線都被彈斷。
Winka直言無想過慢歌都可以變成令到大家都好Hyper、一齊跳的歌。
更因為玩得太落力,連結他線都被彈斷。
Winka認為這首傷感情歌經過一年後,重新編曲和演釋,已昇華「釋懷版」。她說:「我已經幻想出騷時可以有呢個新版去玩,仲可以一齊夾Band表演!我相信吸引力法則,成日話要做Bandshow和戶外表演,講講吓就有架啦!」
開心自拍。
Winka的吸引力法則除了希望做Bandshow,還向「漁佬」施法,她說:「頭先大家休息嘅時候我見到『漁佬』彈琴,我問佢係咪作緊新歌,然後叫佢幫我作首歌,佢靦腆地答應⋯⋯」Nowhere Boys成員即起哄。Winka揚言:「我怕佢走數,即刻『抄牌』,如果佢唔寫歌畀我,我就喺IG開個account叫做『漁佬交歌』日日追佢交歌!」
Winka笑言為防漁佬走數,會開IG帳戶公開向對方追歌。
大合照
大合照