主播呢個稱呼無疑令人有種專業既感覺，新聞主播更加好似有D高高在上咁，不過當前面加上左「娛樂」兩個字，成件事普遍嚟講係會大打折扣！！！好似自動會卸去光環，有D人更可能將佢同專業劃清界線。第一個post唔係想攞自己同新聞主播比較，只不過介紹自己點都要講下自己工作生涯做得最耐既一個崗位既。

娛樂新聞的確係大家茶餘飯後，搭嗲既好材料，唔係想自我吹噓一番，容許我從個人角度出法講下其實娛樂新聞主播都有專業既一面架。 雖然問既野唔多唔少係圍繞住八掛野，但係我地都有去國際影展採訪大大小小既電影幕前幕後。問出嚟既問題明確清晰唔失禮都一樣係需要做足功課，當然我都撞過唔少板既。不過每次去到康城威尼斯柏林奧斯卡呢D大型電影盛事，兩個禮拜無間斷睇戲；採訪；SET問題；抽內容；傳片；一腳踢，攰得嚟係好有挑戰性同滿足感。所以我想講娛樂新聞主播一樣值得尊重，我亦為自己做過十年多主播／主持而自豪，眼界大開，呢D經驗同回憶拎唔走。

講左咁耐，講到份工咁正，咁有成功感，又見到咁多唔同既大明星。。。近距離接觸喎，靚仔型男Oppa都有得見，不過。。我唔係喺度大招募，叫你加入主播行列，因為我已經轉左工，搵到份更筍既工！係咩？下次再講。

 

 




Elaine

** 博客文章文責自負,不代表本公司立場 **