Kelly_Discovery~影相一流嘅芭堤雅酒店

今次係芭堤雅入住嘅酒店係Cape Dara Resort Pattaya~~

 

 

 

位置 ♥♥♥

 

酒店位於芭堤雅北面，比起Amari、Hard Rock再遠少少，優點就係可以遠離煩囂，但缺點就係從鬧市行番酒店都要15分鐘，不過酒店都有安排免費shuttle往返酒店同Dolphin Circle (迴旋處)，但要睇下彩數遇唔遇到。

 

 

 

服務 ♥♥♥♥

服務黎講，職員有禮亦樂意提供協助，係五星級酒店應有的質素，但未有令人覺得好特別。

 

 

 

房間 ♥♥♥♥

雖然係最平嘅Deluxe Room，但空間很大，有望海嘅私人露台。浴室有浴缸又有淋浴間，適合唔同習慣嘅客人。唯一不足就係浴室塊鏡前面左右各有一盞射燈，變相中間位置會暗掉，很不適合化妝，一個不留神就會化得很重手。。。(抱歉因為早出晚歸沒有拍攝房間布置)

 

 

 

飲食 ♥♥ (自助早餐) ♥♥♥♥ (自費食物)

至於早餐都係一貫自助餐，水準一般。但最令我感覺不適嘅係自助餐範圍係半戶外的，原本這設計可以看看海吹吹海風，但引來很多蒼蠅係食物上面飛，又陪你一齊食，除左唔衛生，仲覺得好厭煩。。。。我地食左一日就無再食喇。。。。

 

但係自費食物水準很好！連續兩日都係大堂cafe買左麵包同蛋糕，真係好好食！如果俾我book同一間酒店我會揀唔包早餐，買佢地嘅麵包同蛋糕仲好！！

原本仲想食佢嘅afternoon tea，可惜唔夠時間。。。

最後一日係泳池旁飲左welcome drinks 同食左chips and burger，即叫即整的，也很好味！！

 

 

環境 ♥♥♥♥

酒店環境雖然唔係行氣派風，但與自然融入嘅效果，影相的確係唔錯，佢有私人沙灘(雖然唔係水清沙幼)舉辦沙灘婚禮，有帳幕床俾你曬曬太陽。

而且酒店泳池係連海的，影相效果一流。仲有好多人係泳池嘆添~~

 

 

整體黎講，酒店都勉強有♥♥♥♥~~如果可以改善到蒼蠅嘅問題會好好多！~

 

 

 

 

 

Facebook page: Kelly Discovery

Instagram: Kelly Discovery

kelly_discovery

** 博客文章文責自負,不代表本公司立場 **

旅遊網站Tripadvisor近日公布2024全球十大最佳酒店，冠軍由南美國家的一間酒店摘奪，馬爾代夫一間酒店列第二。

2024全球十大最佳酒店出爐

Tripadvisor今日公布了2024年全球最佳酒店名單。令人驚訝的是，全球最佳酒店並非坐落在國際大都會，也不在被譽為「人間天堂」的馬爾代夫。

冠軍酒店被巴西格拉馬杜Hotel Colline de France摘奪

今年的冠軍酒店是位於巴西格拉馬杜的Hotel Colline de France，該酒店在Tripadvisor上獲得了滿分5分的評分，並收到了多達4,246條評論。旅客對酒店的地點、衛生程度、服務和性價比等方面給予了4.9至5分的高評價。

酒店提供34間套房 服務態度優秀

Hotel Colline de France被形容為一個迷人舒適的地方，是探索格拉馬杜的完美住宿選擇。酒店提供34間套房，每間套房都採用獨特的設計，房間裡散發著個性化的香氛，由知名品牌L'Occitane提供。浴室和床上用品則使用豪華的埃及棉，品牌為Trussardi。酒店的早餐也受到了高度讚賞。許多旅客稱讚酒店的服務態度優秀，房間寬敞，氛圍優雅，讓人感到放鬆愉悅。

Hotel Colline de France官網圖片

亞軍是馬爾代夫OBLU SELECT Lobigili 充滿浪漫氣氛以自然為靈感

而亞軍是位於馬爾代夫的OBLU SELECT Lobigili。雖然它同樣獲得了滿分5分的評分，但評論數相對較少，只有1,977條。Tripadvisor稱它是一個「成年人專享」的酒店，充滿浪漫氛圍。酒店的設計以自然為靈感，與熱帶美景相融合，打造出一種與世隔絕的感覺，是情侶度假的理想選擇。

其他上榜酒店分別是越南La Siesta Hoi An Resort & Spa、印尼Adiwana Suweta、古巴Iberostar Grand Packard、馬爾代夫Emerald Maldives Resort & Spa、越南La Siesta Classic Ma May、墨西哥Secrets Akumal Riviera Maya、印尼Padma Resort Ubud和墨西哥Sofitel Mexico City Reforma。