古佩玲為新劇《羅密歐與祝英台》獻出三個第一次，李爾晨強勁胸肌是亮點！
由陳維冠（Joe）監製、鄭成武編審的台慶劇《位元堂養陰丸呈獻：羅密歐與祝英台》（以下簡稱《羅祝》），逢周一至五晚8點半翡翠台播映，主要演員包括陳茵媺、陳豪、周嘉洛、游嘉欣、江美儀、蔣祖曼、鄭子誠、吳子冲、鄺潔楹及徐榮等。
點擊看圖輯
山伯喺危急關頭英雄救美。
佢同英台就係咁識咗。
呢吓意外嘅相擁。
令英台心如鹿撞。
「少女心事」拍得好有初戀氣氛，而日記裏面嘅語句，都係Kelly逐隻字親手寫落去。
英台同山伯有大量甜蜜互動。
Kelly嘅心心眼非常殺食。
呢幕「與靚衫共舞」原來淨係搵靚靚角度都花咗唔少時間。
伴隨住「少女心事」出現嘅，仲有女神光。
Kyle笑言由於自己唔識吹口琴，所以現場吹奏結果好難頂，搞到Kelly要忍笑焗蟹。
水管傳聲兼傳情。
都幾浪漫。
呢幕食飯戲咪以為好簡單，原來Kyle足足有成五頁紙對白要應付，佢話拍嘅時候都好緊張。
雖然只係回憶片段，但都有甜蜜錫錫場面。
Kelly女扮男裝分飾祝英喬，唔單止把聲壓到低晒，仲要連眼神都硬朗埋，網民對其男裝造型一致好評。
Kelly同一場口要同時演繹英台英喬。
仲要兩角情緒完全不同，甚考功夫。
英台同山伯相隔20年再無意間重複番當年同一套「跌倒」動作，英台明顯咩感覺都返晒嚟。
咪睇Kyle鏡頭前佻佻皮皮咁。
原來呢幕拍嘅時候佢係凍到震嘅。
山伯喺危急關頭英雄救美。
佢同英台就係咁識咗。
呢吓意外嘅相擁。
令英台心如鹿撞。
「少女心事」拍得好有初戀氣氛，而日記裏面嘅語句，都係Kelly逐隻字親手寫落去。
昨晚（24日）一集聚焦在祝英台（陳茵媺飾）與梁山伯（陳豪飾）20年前相遇相愛的時間點，二人年青版分別由古佩玲（Kelly）及李爾晨（Kyle）飾演。有婚約在身的英台，一次意外與山伯邂逅，經過多番相處，山伯利用「水管大廈」的獨特設計向英台示愛，二人終墮愛河。但因身世懸殊，祝英台媽咪（馬海倫飾）遂出手要山伯知難而退，反而令二人愛得更堅定並相約私奔。就在私奔前夕，殺手殺入祝家殺死祝英台爸爸（煒烈飾）及英喬（古佩玲分飾），為了祝家著想，英台臨危授命喬裝哥哥英喬打理祝家業務，「梁祝」之戀煞停…昨晚結尾一幕，英台（陳茵媺飾）與山伯（陳豪飾）再以與年青時同樣的方式在天台意外相擁兼跌倒地上，梁祝戀相隔廿載後似乎得以延續…
英台同山伯有大量甜蜜互動。
Kelly嘅心心眼非常殺食。
呢幕「與靚衫共舞」原來淨係搵靚靚角度都花咗唔少時間。
伴隨住「少女心事」出現嘅，仲有女神光。
Kyle笑言由於自己唔識吹口琴，所以現場吹奏結果好難頂，搞到Kelly要忍笑焗蟹。
昨晚佔戲甚重的Kelly，不僅以古典味十足的長鬈髮、配以多款少女味濃的洋裝上陣；每當涉及「少女心事」場口，畫面鏡頭不但格外唯美，Kelly身後更會出現「女神光」，配以Kelly無時無刻甜到漏的笑容、及一雙水汪汪的腰果眼，滲出陣陣粉紅初戀氛圍。Kelly劇中與陳茵媺一樣要一人分飾兩角英台及英喬，更要梳all back、著西裝兼壓低聲線分飾男兒身。首次一人分飾兩角的Kelly，無論男裝或女兒身均大獲網民正評：「古佩玲扮男裝仲靚」、「帥氣」、「好似千金小姐」、「演技喺新生代花旦中算好」。
水管傳聲兼傳情。
都幾浪漫。
呢幕食飯戲咪以為好簡單，原來Kyle足足有成五頁紙對白要應付，佢話拍嘅時候都好緊張。
雖然只係回憶片段，但都有甜蜜錫錫場面。
Kelly女扮男裝分飾祝英喬，唔單止把聲壓到低晒，仲要連眼神都硬朗埋，網民對其男裝造型一致好評。
Kelly受訪時笑言為劇集付出不少第一次，包括拍動作戲、一人分飾兩角及拍悲情戲。談到英喬與英台同時遭殺手入屋狙擊一幕，Kelly笑言有難度：「因為係同時拍，我又要好型、型完又要即刻喊，個情緒係比較難捉。」談到英台不少場口畫面均很唯美，Kelly感恩幕後同事付出不少心思：「好似我攞住件衫喺屋企跳舞嗰場，真係度咗幾次角度同埋係咁練轉圈，就係想件事再靚啲。」又謂沒想到連拍靜態的寫日記場口也滿是壓力：「本日記我真係一個字一個字咁抄落去，唔可以寫錯之餘，又驚啲字跡唔靚。」
Kelly同一場口要同時演繹英台英喬。
仲要兩角情緒完全不同，甚考功夫。
英台同山伯相隔20年再無意間重複番當年同一套「跌倒」動作，英台明顯咩感覺都返晒嚟。
感激Kelly予以鼓勵
另年青版山伯Kyle亦收獲好評，昨晚在出浴場口大晒強勁胸肌、麒麟臂及側腰肌肉線條的他，除了笑容充滿陽光氣息，身形更是弗到漏油，獲讚顏值高兼身形Keep得好。談到出浴場口，Kyle坦言只記得很冷：「拍沖涼嘅時候已經（清晨）五、六點，個廠啲冷氣好凍，仲要沖凍水。嗰場戲凍到口都震埋，講對白都Ng咗好多次。」反而拍攝打鬥戲當日則又早又熱：「但我要著皮褸上陣，淨係記得好熱。」Kyle又笑言談情場口其實很難：「我圍讀時好唔得，啲對白對於我有啲尷尬，因為我唔係好慣講啲咁深情嘅嘢，好彩Kelly好就得人，畀好多鼓勵我。」他指由於不懂得吹口琴，故拍攝時笑料連場：「出嚟啲聲好古怪，但我個樣又要好深情喎，搞到Kelly係咁焗蟹。」
咪睇Kyle鏡頭前佻佻皮皮咁。
原來呢幕拍嘅時候佢係凍到震嘅。
