隔空冧豬示愛嚇到李思捷嗌投降 陳茵媺自揭同陳豪一日唔止錫一次

最新播出一集，請來台慶劇《羅密歐與祝英台》一眾演員齊齊玩

由李思捷主持及監製的《日本喇叭牌正露丸特約：思家大戰》第三季，逢周日晚8時30分翡翠台播映。為配合11月台慶月，《思家大戰》由上集開始已廣邀台慶劇及台慶綜藝節目的主要演員、主持及嘉賓參與錄影，今晚（29日）播出一集，請來台慶劇《羅密歐與祝英台》（以下簡稱《羅祝》）一眾演員齊齊玩，分別有陳茵媺（Aimee）率領的「祝英台」隊，成員有「祝老太」馬海倫、「老闆娘」蔣祖曼、「祝小妹」古佩玲及「麗花」羅毓儀（Yuki）；對戰周嘉洛率領的「羅密歐」隊，成員有「密林」吳子冲、「密田」徐文浩、「密峰」邵展鵬及「Molly」鄺潔楹。

「祝英台」隊：（左起）隊長陳茵媺、馬海倫、蔣祖曼、古佩玲、羅毓儀

馬海倫

左起：蔣祖曼、古佩玲、羅毓儀

右起：周嘉洛、吳子冲、徐文浩

左起：鄺潔楹、邵展鵬

鄺潔楹

曾於《荃加福祿壽探案》中合作的思捷及Aimee，甫見面即以「Bro」相稱，思捷說：「我成日叫佢Bro，十幾年前我哋拍劇…」，Aimee隨即撒嬌：「唔好講十幾年前喇。」予人感覺嬌的的的Aimee，雖是首度上《思家大戰》，但全程古靈精怪兼表情多多之餘，轉數之快更不輸主持思捷，成為氣氛王No.1。問到「一對好恩愛嘅夫妻，每一日至少一齊做一次嘅嘢」問題時，Aimee即亢奮搶答「錫錫」，當思捷質疑：「一日一次喎！」Aimee先爽快回答：「至少吖嘛！」思捷即打蛇隨棍上：「咁你同阿Mo（陳豪）一日咀幾次？」Aimee聞言嬌俏大賣關子：「唔話畀你聽！」之後Yuki回答同一條問題時，經歷多重內心掙扎後害羞吐出「兩字」答案，惹來全場嘩然，思捷則借勢追問Aimee：「你同阿Mo係咪都一年做足365次？」豈料Aimee理直氣壯回應：「At least」，全場再度陷入盛典氛圍，到底咩答案咁震撼？之後Aimee順應思捷要求在鏡頭前向老公說：「I Love You Baby」，嚇到思捷腳仔軟大叫投降：「冧到我都溶呀。」

陳茵媺同李思捷私下以「Bro」相稱。

Aimee今集玩得好放。

Aimee嘅Open-minded，搞到思捷都冇晒符。

嘉洛仔原來係Chok爆長氣王？

氣氛王No.2及No.3則分別為Yuki及嘉洛，鑑於「兩字」答案太惹關注，Yuki打後回答每條問題時都「尷尬滿滿」，不時做出「嚇到吃手手」及「掩臉」等小動作外，更一度笑至拍枱。Yuki的「撒嬌害羞可愛三循環」令思捷亦不懂如何招架，每次走到Yuki面前均「未開口，先焗蟹」，現場氣氣相當歡愉。至於貴為本集「補中王」的嘉洛，在《羅祝》中飾演「愛情狂」的他、每次回答問題一定Chok到盡之餘，更喜歡將答案簡單複雜化；當回答另一半講大話小動作時，嘉洛便長篇大論謂：「我個人認為嗰啲講大話嘅人一定會係過份理直氣壯，字字鏗鏘，落地有聲嗰啲？話自己大聲唔代表佢冇禮貌嗰啲？…」聽到耐性告急的思捷即以「即係大聲呀？」一句KO嘉洛，場面爆笑。今集另一搞笑位，是當馬海倫上台搶答問題時，思捷望一望她的手後抵死地說了一句：「呢一粒（石）成層樓架喇喎！」即成功引來全場起哄。

Yuki唔單止可愛

玩遊戲仲要好盡情同投入。

馬海倫手上耀眼嘅戒指，吸引了思捷的注意。

Yuki今集瘋狂晒可愛，萬勿錯過。

其實Aimee嘅表情同動作豐富度，亦冇輸畀Yuki。

周嘉洛啲表情多到哩。

估唔到嘉洛原來咁長氣。

羅密歐隊團隊氣氛都好好架。

大合照。

羅毓儀預告劇集後段形象將180度大轉變！ 

由王偉仁監製、林麗媚擔任編審的《神耆小子》，逢周一至五晚九點半翡翠台播映，主要演員包括鄭則士、冼靖峰、蕭正楠、樊亦敏、曹永廉、傅嘉莉、羅毓儀、魯振順、吳子冲及袁潔儀等。

第三集焦點係Yuki。

仲有樊亦敏同吳子冲。

《神耆小子》昨晚（8日）播出第三集，暫居子勇（蕭正楠飾）及一鳴（冼靖峰飾）兩父子家中的錢大海（鄭則士Kent哥飾），與子勇繼續小學雞式連場鬥氣，期間子勇使出一招「古惑牛肉餅」，令大海辣到氣咳兼嘔吐大作，場面混亂又爆笑；Kent哥雙眼及滿面通紅的演繹，更令像真度倍升，盡顯功架。

Yuki一出場就大晒美好身段。

仲要一嚟就七情上面咁同Archie鬥氣。

仲要一嚟就七情上面咁同Archie鬥氣。

Yuki啲小動作勁Cute。

咁可愛又真摯又甜美嘅「道歉8連環」。

網民被Yuki嗲功折服：我一定原諒你
昨晚一集焦點，落在首度登場的羅毓儀（Yuki）及樊亦敏身上。飾演多多的Yuki，甫出場即講大話欺騙「迷你倉四子」冼靖峰（Archie）、關曜儁、邵展鵬及羅永健；不過由於多多樣子甜美、打扮Trendy身形又弗，再加上被踢爆講大話後以極真摯的「天真孩子眼」及「燦爛笑容」、配以既可愛又可憐、兼無敵甜美的「道歉8連環」，成功冧掂Archie以外其餘三子，更順利「入屋」與四子合作做生意，令Archie頗為不滿。對於Yuki的甜美道歉8連環，網民亦大為受落，並笑言：「超靚！超嗲！」、「我一定原諒你」；還有網民大讚Yuki美腿無敵、身形超Fit。

真係想唔心軟都難，睇下「迷你倉3子」嘅樣！（左起：邵展鵬、羅永健、關曜儁）

但係冼靖峰似乎唔多相信Yuki。

佢哋兩個之後有排鬥氣。

佢哋兩個之後有排鬥氣。

為連戲每次埋位前要狂夾粉色髮片
Yuki在劇中以「七彩背影」首度登場，極度吸睛；談到新鮮感十足的Shocking Pink Highlight頭造型，Yuki坦言很喜歡，皆因她本人也很喜歡粉紅色：「要多謝髮型設計師，佢哋畀咗好多心機。我頭髮本身係黑色，而且拍攝《神耆小子》時我有連住其他劇，冇辦法真係去染髮，⁠但因為監製、編劇同導演一致認為多多身為設計師，造型應該鮮明啲，所以最後啲粉紅色頭髮其實係髮片嚟。」Yuki續指每次埋位拍攝前，除了要逐片髮片夾回頭上，還要額外花時間紮辮，打⁠造需時。談到長期以牛仔褲及短打出場，Yuki解構指是想配合角色人設及髮型，希望打造出活潑醒目感。問到牛仔褲數目，Yuki笑指印象中至少有6至８件左右，並透露相關打扮與後續感情發展有關，兼劇透指之後因為一個原因，形象會有180度大轉變！

Yuki今晚一集嘅造型都好正架！

身形好弗。

坦言身邊人擔心童顏被定型
入行五年左右的Yuki，一直不乏綜藝及劇集演出機會，只是礙於生得太童顏，在劇集中多飾演學生妹或是女主角年青版，由於不止一次飾演林夏薇年青版，更有「御用年青版林夏薇」封號。談到今次跳出學生妹框框轉為飾演Trendy大話妹，Yuki坦言接到角色時很開心，也鬆了一口氣：「接到角色時真係超級勁開心，因為呢套劇都算係《下流上車族》之後最重戲份嘅劇！我覺得自己算係比較幸運，好多謝公司畀咁多機會我，又畀我嘗試跳出學生妹框框。之前一直都有好多台前幕後同埋觀眾朋友擔心我有機會被定型。雖然今次角色年紀都唔算大，但係層次比較豐富，希望可以有突破，畀到觀眾新鮮感。」

樊亦敏與吳子冲的關係耐人尋味。

唔單止傅嘉莉覺得唔妥。

錢大海直頭覺得成頂綠帽由頭戴到落腳。

吳子冲貼身白Tee晒巨胸令網民錯重點
另一戲肉則是因洪玫瑰（樊亦敏飾）與公司小鮮肉傑仔（吳子冲飾）過從甚密，玫瑰除對傑仔照顧有加，又公然摸傑仔手臂及在自己辦公室搣傑仔面珠，引發大海女兒有方（傅嘉莉飾）疑心之餘，亦令暗中全方位監察公司的大海因自覺被戴綠帽而暴跳如雷，在子勇家瘋狂掟嘢發洩。值得留意的是，飾演小鮮肉的子冲，除了以「送水傑」身份出場搶贏頭啖湯，在劇中經常出現的貼身白tee造型亦相當吸睛，白滑麒麟臂及健碩胸肌一覽無遺，令網民經常錯重點將焦點放在子冲美好身段上。

吳子冲以「送水傑」身份出場。

呢件緊身白Tee搞到網民錯晒重點。