洪永城陳星妤上演深情吻戲　真係咀足6個鐘？

「阿喱」被封世紀渣男，連洪永城自己都睇唔過眼：呢種男士真係唔好！

由鍾澍佳總監製、黃國輝監製、陳翹英編審的台慶劇《馬百良安宮牛黃丸呈獻：香港人在北京》，周一至五晚9點半翡翠台播映結局篇。昨晚（31日）劇情繼續高潮迭起，與老公港仁（陳展鵬飾）鬧矛盾的Helen（吳若希Jinny飾）被狗仔隊發現與張帥（梁漢文飾）「同居」，港仁為了保護Helen遂答應出席記者會，澄清太太與張帥關係清白；雖然緋聞得以平息，惟港仁與Helen的夫妻關係進一步破裂！另邊廂阿喱（洪永城Tony飾）、Funny（傅嘉莉飾）和淼淼（陳星妤飾）的「愛情三角錯」亦變得更複雜，昨晚阿喱終於發現淼淼原來是他朝思暮想的「小夢老師」，淼淼亦驚訝阿喱是一直課金給她的鐵粉，兩人情到濃時忍不住咀嘴，仍深愛阿喱的Funny目擊整個過程…

Tony終於知道星妤就係小夢老師喇！

喺咁浪漫嘅環境之下，兩人情不自禁咀嘴。

暗戀Tony嘅傅嘉莉目擊成個過程，勁慘豬。

Tony和星妤這場咀嘴戲非常浪漫，星妤早前出席活動時笑言該場吻戲拍了6小時，對此Tony受訪時解釋：「當日係拍咗6個鐘，不過錫嗰場只係佔好少部分，最終拍出嚟效果非常浪漫，大家都好滿意。」Tony透露拍攝親熱戲前有向太太梁諾妍備案：「佢都明白嘅，因為佢都係一名演員。」講到不少網友鬧爆「阿喱」是世紀渣男，Tony都搞笑地鬧埋一份說：「我都覺得阿喱係一個隨波逐流嘅渣男，冇咩人生目標，我都覺得呢種男士真係唔好！演呢個角色其實都幾難處理，但都覺得幾好玩嘅。」至於阿喱最終會揀Funny還是淼淼？Tony大賣關子：「希望阿喱嚟緊會做番一個啱嘅決定，揀啱人生伴侶係人生最重要一環！」

Tony和星妤這場咀嘴戲非常浪漫，星妤早前出席活動時笑言該場吻戲拍了6小時

Wow～好Sweet呢！

昨晚一集尾聲，婚姻亮起紅燈的港仁借酒澆愁，蘇菲（蔡潔飾）送他返回文創園家中期間，被港仁嘔到周身都係，蘇菲只好借Helen衣服更換，剛巧Helen此時回到文創園……今晚（1日）一集，Jinny和蔡潔再次上演正面交鋒戲碼！當看見蘇菲穿上自己的衣服時，Helen即爆Seed說：「即刻同我除佢落嚟，你係咪聾㗎？」蘇菲脫下衣服還給Helen，Helen接過衣服後再狠狠拋落地說：「呢度唔係你屋企，唔該你即刻走。」蘇菲臨走前則不忘挑機說：「如果你有當呢度係你屋企，你就唔應該去其他男人屋企過夜，仲要畀人影到！」火藥味十足。另邊廂受盡情傷的Funny在青年旅社邂逅背包客方晴（付嘉飾），兩人非常投契，後來Funny因方晴轉帳失誤，導致銀行戶口被凍結，到底Funny是否禍不單行受完情傷再誤墮騙財陷阱？密切留意《香港人在北京》結局篇。

梁漢文同Jinny鬧出緋聞。暗戀Tony嘅傅嘉莉目擊成個過程，勁慘豬。

雖然展鵬願意出席記者會幫老婆解圍，但兩人關係進一步惡化。

Jinny見到蔡潔着住自己件衫，當然眼火爆！

Jinny叫蔡潔即場除衫。

火藥味濃。

到底傅嘉莉係咪受完情傷再被呃錢呢？

梁諾妍透露自己因為疏於泵奶，導致患乳腺炎，更連日發高燒要入院。

梁諾妍（Inez）與洪永城於2021年結婚，同年誕下大女「Sir Face」洪靖嵐（Amber），今年3月尾再誕細女「Sir Face 2.0」Beryl。梁諾妍平日不時在社交平台分享一家人的生活點滴，但自上周貼出「Sir Face 2.0」與老公洪永城童年的餅印相後就一直沒有更新IG，直到今日（5月9日）才在IG Story親解「失蹤」原因，指因為疏於泵奶，導致患乳腺炎，更連日發高燒要入院。

細女「Sir Face 2.0」Beryl於3月尾出世。

兩姊妹一樣樣。

洪永城基因好強大！

熱愛運動跑步的梁諾妍聽取醫生建議在產後六星期才開始嘗試慢跑，近期亦都開始嘗試行山。

但近日卻因為疏於泵奶，導致患乳腺炎，更連日發高燒要入院。

梁諾妍表示：「失蹤咗幾日嘅我終於返嚟，我去咗邊？去咗發高燒」，並透露由星期六（5月4日）晚開始發燒，而是半夜瘋狂發冷、骨痛又超攰，星期日更燒到39.2度，但五合一檢測結果仍呈一線，「諗嚟諗去都唔知點解，直到一位媽媽朋友話係唔係乳腺炎，omg我星期四同五真係太忙有試過2次過咗7個鐘先泵，又因為我量多嘅關係，應該已經塞咗。」

梁諾妍指上星期四同五太忙，曾2次過咗7個鐘先泵奶，而且她量多，所以應該已經塞咗。

梁諾妍又指，右上胸其實早已痛了多日，周日黃昏更因持續高燒不退才去醫院睇急症，「姑娘再幫我探熱已經燒到39.7度誇張，醫生睇完右胸又脹又腫又紅又咁高燒，建議我留院3日打抗生素，然後我話我想返屋企，所以當日我抽咗血，睇吓啲菌有冇入血，打咗抗生素針同高燒止痛針。」

雖然醫生建議留院3日打抗生素，但她最後只打了抗生素針同高燒止痛針。

不過，到昨日（5月6日）病情依然反覆，梁諾妍表示：「我努力做晒我可以做嘅，埋身親餵、2-3個鐘泵一次、準時食藥、休得就休、餵前用熱毛巾敷、餵得用凍椰菜敷、食supplements、食得清淡、飲好多水＋通草etc.」，直到今天終於沒有發燒發冷，但胸部依然又紅又腫又痛，並苦中作樂的表示：「冇發燒我已經覺得打贏咗一半，因為如果太嚴重要用針抽膿／做手術開開個乳頭放膿，omg希望冇呢一日。」

梁諾妍指如果胸部太嚴重要用針抽膿或做手術。

之後，梁諾妍又貼出在醫院自拍，並照寄語各位媽媽：「各位媽媽千祈唔好好似我咁，辛苦到唔多識形容，個胸都痛到唔識形容。過來人建議：有得親餵就餵，餵完最好再泵清佢，泵都唔好過4-5個鐘，真係會好易塞，定時要按摩，吃都要吃得清淡嘟啲（我肯定係星期四食完糯米出事）。」

梁諾妍以過來人的經歷寄語各位媽媽。