唔知大家有冇試過有咁o既情況？？
。
。
。
起身o既時候？
。
。
。
洗完頭o既時候？
。
。
。
吹完頭o既時候？
。
。
。
撥頭髮o既時候？
。
。
。
仲有。。。。。。。
。
。
。
你o既另一半投訴你成地都係頭髮？
。
。
。
如果你五樣都中晒，肯定每日甩超過100條頭髮，咁就要正視脫髮o既問題，因為我已經持續o左呢個情況好耐，話說三個禮拜前實在頂唔順自己甩咁多頭髮，係可以去到為o左呢個問題同十二少嗌交。講真，你估我想o既咩，咁一段關係裡面唔係話撻一句黃子華o既定律：〔係咁架啦！好出奇呀～？〕就大晒家嘛，咁想做o的o野話比佢知我係有付出過，所以就的起心肝諗辦法改善問題囉。一路都唔敢同人講，又唔知點醫，唯有上網爬下相關文章啦。
因為自己個頭係超油o既人，朝頭早洗完頭夜晚就會立，要一日洗兩次頭，所以第一件事就係諗住換番隻洗頭水。去到間鋪頭問佢有冇o的防脫髮o既洗頭水介紹比我，佢就介紹左一隻比我啦，係含咖啡因o既防脫髮洗頭水，百零蚊大大支又唔係話太貴。唔理三七廿一就買啦，點知佢就sell我買一隻精華比我，佢聲稱話用o左一個療程之後脫髮情況減少最少50％，但用o左防脫髮產品之後用o左差唔多有一個月，情況已經有好大情況改善。
呢隻o野我覺得都幾貴下，所以我買o左一個月o既份量尼試下。（對～我係好容易心軟，好易比人sell o個o的人＝＝”）佢就一盒有12支，每日用一支，質地係水狀，淡香。洗完頭搽落頭皮度輕輕按摩至吸收就得。唔好以為好容易，雖然我頭髮少，之不過我係長頭髮，所以吹完頭搽落頭皮都幾「嚟計」o下，係用手指分開個界再倒o的精華落去按。仲有幾次因為搽呢隻o野攪到遲o左出門口。支o野係用唔晒o既，頭先都提o左我一日洗兩次頭，所以如果正常尼講一支係可以搽兩次o既。到而家用o左差唔多一個月，情況改善o左，最明顯o既效果係你洗頭同吹頭係甩少o左頭髮，見倒去水位同洗手盆比之前少o左好多頭髮，最驚喜o既係某o的位係你冇諗過佢會生倒o的頭髮出尼。
紅筆圈住個位係原本係冇頭髮，係得o的好似面毛咁幼o既白毛仔，而家開始變胎毛。因為原本冇諗過呢隻o野除o左防脫髮之外仲會生髮，所以冇影到相去做before，不過唔緊要，而家做番，我一個月後再同大家匯報一o下個效果。大家一齊見證。btw一個療程係三個月的。好想同o的有呢方面煩惱o既人講，呢個問題千其唔好怕尷尬，因為上網爬過文，話如果毛囊壞死的話就用咩方法都冇辦法生番條頭髮出尼，所以要趁毛囊未壞死o個陣就要諗方法去補救。
如果你o地喜歡我呢篇o野就like 下佢啦，想知更多我o既日常事的話可以去我專頁度follow我。由於唔諗住o係呢度賣廣告，所以如果你o地想知我究竟用緊邊一隻精華的話，去我專頁度讚好，然後再inbox 問我。c ya！
小資女Ms . Kat<~~~~~~~~~~㩒呢度
＊以上文章只屬個人分享而並非專業建議，如有需要，請尋求專業範疇人士建議及協助。
Ms Kat
** 博客文章文責自負,不代表本公司立場 **