孖布志綸黃妍為酒吧騷獻唱 林德信婚後首演當擺酒

久違的酒吧騷終回歸香港，一連4場The Singleton Sip or Speak邀請林德信、布志綸、黃妍 、孫曉賢、力臻、周卓盈、Mansonvibes、葉巧琳參與其中！

布志綸（Alan）就話佢第2次參加The Singleton 音樂活動，希望與Fans淺嚐把酒言歡，「其實過去幾年都冇咩去酒吧，大家生活習慣都有啲唔同咗，過去我好享受酒吧演出，因為大家距離好近，可以望真啲佢地，甚至演出之後可以同佢地碰碰杯，所以對呢次表演都幾期待。

布志綸

黃妍 （Cath）就話自己較少參與酒吧演出，希望會有「另類」體驗比觀眾，「因為我啲歌都可能會靜態啲，但係都好啱收工過嚟聽聽放鬆一下。雖然我酒量麻麻地，不過都約好朋友見面時都會飲少少，試過一次飲醉酒朋友話我會勁唱歌，返到屋企搞到父母勁擔心，從此都唔敢飲太多。」

而林德信婚後首次參與音樂活動，笑言邀請Fans「早啲到」、「飲多杯」，「因為結婚都唔想太公開，所以呢次音樂活動可以同Fans見吓面，聽吓我啲歌。其實Fans都係我家人之一，咁希望佢地『早啲到、飲多杯』，最多我Encore多幾首歌，千萬唔好灌醉我。」

林德信

至於周卓盈（Mic）、力臻、Mansonvibes屬樂壇新力軍，力臻盼透過演出累積「經驗值」，「其實唱咩騷我都好期待，只要係唱Live就期待，我地呢代歌手比較少唱現場嘅機會，所以呢次都會好認真揀歌、練歌！」

周卓盈

力臻

Mansonvibes

孫曉賢（Kendy）

葉巧琳（Mischa）

黃妍透露今年的歌曲風格跟過往完全不同。

女歌手黃妍（Cath）今日（26日）到新城廣播接受黎莉節目《勁爆樂勢力》訪問，大談新歌《黃言》，Cath透露完成上個project之後，花了半年時間去沉澱及寫歌，希望快將推出的新作品，能給予大家煥然一新的感覺。

黃妍（Cath）接受新城《勁爆樂勢力》節目主持黎莉訪問。

至於新計劃會帶出甚麼訊息？Cath笑言無可奉告：「我啲同事喺我過嚟宣傳時，千叮萬囑我唔好穿橋，想大家好似剝洋蔥咁，逐層逐層剝，有朋友已經開始估緊喇！」

黃妍自爆好快再有新作！

希望快將推出的新作品。

黃妍與主持黎莉合照。

Cath指今年的歌曲風格跟過往完全不同，對她來說是一個新挑戰，Cath表示：「我會不斷去挑戰自己極限，當然要我一步登天梗係唔得啦，但我都有不斷去學唱歌裝備自己，可以應付到唔同嘅嘢。」

詳細精彩內容，請重溫4月26日，中午12-1時，新城知訊台《勁爆樂勢力》節目 ，重溫網址：https://www.metroradio.com.hk/MetroInfo/