家燕姐一個問題險考起李思捷　冀一家人齊齊整整食飯暗藏玄機？

Captain Nancy做主角，薛家燕演技大爆發重演《食神》經典場面

由李思捷主持及監製的《思家大戰》第三季，逢周日晚8時30分翡翠台播映。10日晚播出一集，有「Captain Nancy」薛家燕、「三姐」蕭秀香任雙隊長，二人率領楊潮凱、林正峰、「名廚」許美德師傅合組「溜走的真味」隊，對戰由隊長「二嬸」亞芳帶領的「東莞友二嬸」隊，與侄子HUGO、妹妹Aimee、朋友益華及女兒婷婷齊齊玩。思捷透露過往與王祖藍、阮兆祥到東莞為「福祿壽」開騷獲二嬸送上雞、乳鴿、荔枝等地道美食給他們及工作人員探班，令他回味無窮。

「溜走的真味」隊成員有家燕姐（左起）、蕭秀香、許美德、楊潮凱、林正峰。

「東莞友二嬸」隊有二嬸（右起）、HUGO、Aimee、益華及婷婷。

家燕姐與三姐合作的全新飲食節目《溜走的真味》即將推出，家燕姐透露在潮州、汕頭拍攝期間嚐盡美食，更自封「食神」。家燕姐更問問題險考起思捷：「你唔覺得我好似肥咗啲咩？」一向轉數快的思捷醒目回答：「冇呀冇呀，好窈窕呀！」他隨後問現場人士：「家燕姐靚唔靚呀？」全場旋即報以熱烈掌聲，一招化解危機。此外，曾在電影《食神》演活經典角色「味公主」的家燕姐，應思捷要求神還原戲中超經典對白：「嘩！嘩！我未食過，咁好食嘅叉燒呀！」七情上面的家燕姐演技大爆發，未玩遊戲已炒熱現場氣氛，思捷也忍不住高喊「I love you」。

「味公主」傾情演出，每個表情都勁入戲。

家燕姐輕鬆帶起全場氣氛。

二嬸玩遊戲都好投入。

今集問答環節繼續勁多笑位，問到「乜嘢日子要一家人齊齊整整食飯」，兩隊輪流答對「中秋節」、「過年」、「做冬」等答案；「溜走的真味」隊的薛家燕卻驚爆「真心話」暗藏玄機，連思捷也大讚答案有創意，究竟乜嘢事咁緊要？另一條問題，「演藝界有地位嘅男藝人會畀人叫阿哥，例如有『乜』哥？」五個參考答案看似容易，兩隊卻結果僅答中「叻哥」、「發哥」，思捷大爆其餘答案全部都是家燕姐朋友，究竟她能否答中威多鋪？此外，其中一條問題「除咗細路哥同細路仔，上一輩點樣叫BB仔？」「溜走的真味」隊的兩位隊長家燕姐、三姐先後答錯，潮凱一擊即中答啱答案，更在眾人面前自嘲是長輩，認真大膽！

思捷今集差啲被考起。

家燕姐搶答時也面向鏡頭，果然識玩。

潮凱成為今集「頭腦擔當」。

思捷自爆去東莞曾獲二嬸厚待。

家燕姐同三姐雙劍合璧，先贏氣勢！

林正峰答乜嘢問題咁認真？

「溜走的真味」隊成員個個都勁精靈。

大合照

睇吓家燕姐影相幾風騷！

蕭秀香

蕭秀香

林正峰

王祖藍指每個人都有難過心情的一面。

祖藍日前以歌手身份應好朋友薛家燕邀請，接受新城《開心大派對》節目錄音訪問，主持還有范振鋒及思敏，節目今日(5月11日)播出。祖藍感謝家燕姐邀請：「很久沒接受電台訪問，見下朋友又玩下，又可以帶給聽眾歡樂。」

王祖藍接受新城《開心大派對》薛家燕、范振鋒、思敏訪問。

家燕姐讚祖藍的TVB扮嘢真人Show《福祿壽訓練學院》，令到好多有天份但沒有機會表演的學生，終於有機會發揮，並且恭喜祖藍推出新歌。祖藍馬上開心力Sell：「我首新歌叫《小小丑》，有兩個版本，廣東話版及國語版。」范振鋒即謂：「好似我們《開心大派對》節目，娛樂大家。」祖藍半搞笑答：「我們有時對人歡笑，背人愁！（有難過心情一面？）每個人都有！上一代不會讓人家知道不開心事，但呢一代完全不同，可以大家分享。」

祖藍宣傳新歌《小小丑》。

家燕姐大讚祖藍的TVB扮嘢真人Show《福祿壽訓練學院》。

祖藍指稱《小小丑》正是講出喜劇演員的內心世界，坦言心裡面都會有抑鬱。祖藍今次更親自為廣東話版填寫歌詞，普通話版本則與內地一位朋友一齊寫，作曲則是內地真人騷《披荊斬棘的哥哥》的一位歌唱指導，希望統一風格，所以同一首歌，推出國、粵語兩個版本。

王祖藍坦言內心抑鬱對人歡笑背人愁！

更多精彩內容，請重溫5月11日，下午3:00 – 4:00，新城知訊台《開心大派對》節目 ，重溫網址：https://www.metroradio.com.hk/MetroInfo/