娛圈事
阿佘以實際行動打破不和傳聞。
佘詩曼憑劇集《新聞女王》中「Man姐」一角橫掃多個獎項，成為三料視后。阿佘在頒獎禮的台上逐一跟同劇演員攬攬，唯獨未有攬何依婷，令不和傳聞甚囂塵上。
佘詩曼憑「Man姐」一角橫掃頒獎禮。
早前《新聞女王》宣傳活動上訪問期間，阿佘疑似有骨暗指何依婷唔識感恩兼反骨，令對方是非纏身。
昨日（1月19日）阿佘在IG出Po，上載多張跟《新》劇演員攬到實的合照，當中包括傳不和的何依婷，更一人獨得兩張相位。阿佘點名大讚何依婷：「想講吓呢個妹妹仔何依婷，第一日『新聞女王』圍讀俾我嘅印象係唔係好出聲，但係有主見嘅，跟住到第一日開工手揗腳震但係好俾心機嘅，忍唔住話俾佢聽應該點做，連續開咗兩日後佢同我講：「哦...原來演戲係咁嘅」果然係學霸，好聰明，依家出嚟嘅成績，大家有目共睹，唔錯吖我曾經都係新人，新人係需要大家嘅包容同埋慢慢接受，大家一齊俾啲時間佢啦！徐曉薇我期待你嘅蛻變唔好令Man姐失望，加油！」
阿佘點名大讚何依婷聰明。
攬到實！
佘詩曼有今時今日都經過唔少磨練。
三料視后佘詩曼憑《新聞女王》Man姐一角事業再創高峰，奠定在香港電視界的女王地位。近日阿佘接受鄭丹瑞YouTube Channel節目《健康旦》訪問，竟大爆曾被PA無理責罵！
《新聞女王》Man姐(佘詩曼飾)爆紅
憑《新聞女王》成三料視后（本網記者攝）
佘詩曼當年憑參選港姐季軍入行，但入行初期，有3次深刻被批評的經歷。第一次是阿佘仍未卸任港姐時客串劇集，她指當時準時到場現場，正在換衫的時候，竟被PA（助理編導）無理狂鬧：「佢話『你知不知今日係父親節呀，個個要趕住返屋企食飯，叫你早啲又唔早啲』一路鬧鬧鬧。」而該PA之後更責難只得一句對白的阿佘無帶劇本，更粗口連連，再一個劇本飛埋去。阿佘話﹕「我就覺得好侮辱嘅其實，但我就冇出聲，我忍住。唔想喊花個妝」完成拍攝工作後，劇務送她上的士，阿佘即時爆喊，回到家後又再繼續喊。她指，當時接到港姐保姆Rosa的電話，問到她應否開除該PA，而她則想息事寧人，因此公司最後安排該PA調離該劇組。
她說被PA狂鬧好侮辱
而第二次被批評則是她首次擔任時裝劇重要角色，當時被導演當眾大鬧：「而家唔係拍緊古裝呀。」阿佘直言好尷尬，但就開始檢討自己的演繹方法：「我好多謝佢嘅，雖然有少少瘀。」而第三次就是當年憑《十月初五的月光》奪獎後，阿佘認為自己已掌握了演戲的技巧，豈料一天突然被高層曾勵珍召見：「佢話『做咩呀，覺得自己好識做戲呀？好叻喇？做咩呀。12341234呀，滑晒牙呀你』」被當頭棒喝的阿佘即自我檢討：「由嗰一次開始我就好慎重咁樣，去研究我每一個角色嘅變化。」
阿佘表示自己好有自省能力
