新劇《本尊就位》玩轉傳統神仙傳說以及民間典故 1神仙加1神棍相生相剋,而又一起成長的故事
由梁耀堅監製、葉世康及鄭忠泰擔任編審的《本尊就位》,將於1月29日起、逢周一至五晚八點半翡翠台播映,主要演員包括孔德賢、謝東閔、陳嘉慧、黃嘉樂、韋家雄、李成昌、樊亦敏、甄采浠、黎燕珊及區明妙等。呂祖心經︰「欲善其身先治其心,治心如何即心治心」,意指只有改變心態、知足常樂,才能感受真正的快樂。臨近歲晚,無綫推出民初輕鬆小品式喜劇《本尊就位》,起用上位新人孔德賢及陳嘉慧擔正男、女主角之餘,並為「御用衰人」謝東閔「洗底」,飾演善心兼憨直無極限的神仙呂洞賓!《本尊》劇情講述借神仙呂洞賓之名騙取善信金錢的陳木昆(孔德賢飾),因負面評價太多觸怒呂洞賓本尊下凡算帳,可惜算帳途中殺出「尋仇吼天犬」,令呂洞賓滯留民間…原來呂洞賓與木昆曾有「宿世孽緣」,當年因呂洞賓對年少木昆不聞不問、釀成悲劇令木昆走上歪路,及後呂洞賓發現「被下凡」除了要化解與木昆的恩怨,還要一起成長…
點擊看圖輯
新劇《本尊就位》玩轉傳統神仙傳說以及民間典故 1神仙加1神棍相生相剋,而又一起成長的故事
呢場戲對於Brian嚟講,除咗要同空氣對打好難忘,吊威也吊到好高亦係難度之一。
Danny話Brian好似佢哥哥咁,好了解佢又教識佢好多嘢,大家性格仲要一樣又爽又直接。
對於升呢做男一,Danny第一下係開心到唔識反應。
希望自己能達到要求嘅Danny,因為各種壓力一個月內激瘦7.5公斤
為咗Make Sure盡最大努力,Danny當時近乎劇本不離手。
呂洞賓唔單止畫畫吟詩叻,身手亦有番咁上下。
呂洞賓其中一樣能力,係將啲壞人變豬。
為配合角色長戴假髮
是次是謝東閔(Brian)突破框框之作,拍劇經驗接近14年的Brian,近期較為突出角色均為衰人,包括《黯夜守護者》的Big Boss、《你好,我的大夫》的衰格偷食老公,及《旁觀者》中的加害者,三個角色均獲讚演得入型入格,並封Brian為「御用衰人」!這次Brian不但告別衰格飾演好神仙,更是一名反應慢半拍兼帶點天然呆的神仙,喜感十足。談到被封「御用衰人」,Brian笑言其實自己也有演過正氣角色,只是碰巧近期壞角色較多。談到演神仙,Brian指最大難題之一竟是髮型:「監製想我兩個造型嘅頭髮都長番少少,所以我兩個造型都有加到假髮。因為我哋拍嗰陣都幾熱,又要戴頭套又要黐鬚,都幾辛苦架。」
謝東閔原來呢兩個造型都有戴假髮。
謝東閔原來呢兩個造型都有戴假髮。
呂洞賓唔單止畫畫吟詩叻,身手亦有番咁上下。
呢場戲對於Brian嚟講,除咗要同空氣對打好難忘,吊威也吊到好高亦係難度之一。
與空氣對打感覺似拍Marvel
除了玩轉傳統神仙故事,《本尊》還將民間典故玩出無限創意,當中「尋仇吼天犬」的橋段便源自民間典故「狗咬呂洞賓,不識好人心」。事緣因為這個典故,吼天犬無辜被蒙上「惡犬」污名,心有不甘的吼天犬遂將矛頭指向呂洞賓毁其清譽,引發「神狗大戰」,呂洞賓更因而法力盡失。談到相關場口,Brian透露除要與空氣對打感到難忘,更是其從演以來首度「吊到咁高」:「嗰場我主要係同空氣對打,好似拍緊Marvel咁。同場係第一次吊威也吊到咁高,去到個廠個頂咁滯,仲要吊咗成晚,因為本身我有少少畏高,所以都幾驚。」
呢幕呂洞賓大戰吼天犬相當惹笑。
望演不同角色帶給觀眾新鮮感
至於首度升呢男一的孔德賢(Danny),則坦言收到角色第一下反應是「不懂反應」:「第一下真係唔識反應,好感恩公司畀呢個機會我。之後成個拍攝過程我都好開心、好期待,同埋同自己講要盡最大努力去做。之前兩、三年拍劇都係同同輩演員對戲多,今次接觸好多前輩,佢哋教我咩叫敬業樂業,就係無論喺邊個崗位,都要發揮自己最大嘅努力。」為了做好男一,Danny除「瞓覺都攬住劇本」,更一個月瘦了足足7.5公斤,十分誇張:「我本身都唔肥,嗰排真係生理同心理都好大挑戰,我知我演技一定未夠班,所以只能更加努力。我每日都攬住劇本瞓覺,每日起身都一邊擦牙一邊重溫劇本。」並續指希望盡最大努力把握今次機會。Danny又謂很開心近期推出的三部作品《你好,我的大夫》、《新聞女王》及《本尊就位》,是三個性格大不同的角色,Danny認為這樣才能帶給觀眾新鮮感。
Brian(左)同Danny拍劇前已經係Friend,有感情基礎拍起劇上嚟自然更加得心應手啦。
Danny話Brian好似佢哥哥咁,好了解佢又教識佢好多嘢,大家性格仲要一樣又爽又直接。
對於升呢做男一,Danny第一下係開心到唔識反應。
希望自己能達到要求嘅Danny,因為各種壓力一個月內激瘦7.5公斤
為咗Make Sure盡最大努力,Danny當時近乎劇本不離手。
戲外是足球Game隊友
是次Danny與Brian更是劇內劇外都充滿火花,劇內二人鬥嘴鬥智又鬥力,針鋒相對的同時又會偶爾並肩作戰,關係耐人尋味;至於戲外,二人同樣經常並肩作戰應戰足球Game,並因而建立了很好默契,加上拍劇時日見夜見,Brian笑言對到想嘔:「大家可以話每日都喺埋一齊,係好愉快,但有時真係對到想嘔,嗰陣屋企人同朋友反而完全冇時間見。我哋係熟到有時爭一場、半場,都會等埋一齊收工。」至於Danny則透露當正Brian哥哥,並感激Brian教了他不少東西,Danny說:「佢好正架,諗嘢好通透又好有經驗,又好了解我,好明白我依家嘅階段面對緊咩問題,佢教識我好多嘢。」
Danny同Brian之後夥拍同劇嘅利穎怡拍攝宣傳片,三個人都好搞鬼。
仲要拍到古裝版《東張西望》咁,絕!
仲要拍到古裝版《東張西望》咁,絕!
仲要拍到古裝版《東張西望》咁,絕!
仲要拍到古裝版《東張西望》咁,絕!
入行逾廿載,黃嘉樂珍惜機會全力以赴:每一個角色都係一個好嘅機會
由梁耀堅監製、葉世康及鄭忠泰擔任編審的《本尊就位》,今晚八點半翡翠台播映大結局。22日劇情講述穿山甲妖轉世的現任鎮長辛正義(黃嘉樂飾),用詭計偷去王母娘娘髮簪;為了搶回法力高強的髮簪,呂洞賓(謝東閔飾)要求雪花(陳嘉慧飾)釋出「牡丹仙子」(陳嘉慧分飾)元神四出感應髮簪下落。與此同時,木昆(孔德賢飾)遭正義設局踢爆神棍真面目,鋃鐺入獄兼被判死刑,最終獲直楠(鄭雋熹飾)幫忙成功逃獄。另邊廂,「牡丹仙子」元神在尋簪期間被正義捉走,及後「牡丹」元神雖趁呂祖與正義大戰期間逃脫,但卻因迷路未能返回肉身,令雪花生命危在旦夕,至於戰敗的呂祖則被正義封印在石堆之中...今晚(23日)大結局,呂祖、木昆及穿山甲妖將展開終極大戰,向來自私的木昆更會為顧全大局捨身成仁…
大結局對決相當精彩,萬勿錯過。
到底雪花最後同木昆會唔會開花結果呢?
《本尊》結局周劇情發展主要圍繞穿山甲妖轉世的正義,而飾演正義的黃嘉樂雖是奸角,但由於角色性格並非大奸大惡、只是過於執著,加上對雪花一往情深,嘉樂亦演繹到位,故正義自出場後一直吸獲不少正評。除了顏值獲讚,網民又讚嘉樂演技開竅兼「奸得有型過人」,封他為「民初版夜神月」。演技方面,日前正義為幫亡母(黎燕珊飾)報仇、邊哭邊追殺金爺(韋家雄飾)場口,嘉樂成功演繹出極憤怒同時而又極心痛的狀態,完全有「分不清是雨還是眼淚」的感覺。加上多幕冷眼、霸氣及奸險等不同表情突襲,令人看得心寒又肉緊。
黃嘉樂
黃嘉樂呢幕雨中爆喊戲一絕。
黃嘉樂演技顏值俱獲讚。
呢個樣又真係好陽光。
見到阿爸喊成咁都仲要咁冷淡,好心寒。
笑容好奸
黃嘉樂顏值一直係網民正評重點。
辛正義當面踢爆木昆神棍身份。
保養心得變愛妻宣言?!
談到角色獲讚,嘉樂坦言花了不少時間做功課,並感激太太無私付出:「好多謝大家有正評,對一個演員係非常之好嘅鼓勵。講到嗰場(雨中)喊戲,我覺得可能同我自身經歷有啲關係,因為我爸爸過咗身,所以情緒上嘅代入會比較容易,另外當然係全靠劇本賦予呢個角色唔少細緻位。拍呢套劇嗰時,我其實係準備緊婚禮,但太太為咗令到我可以安心演戲,佢同我講:『婚禮嗰啲嘢我會全程負責晒,你只要專心做好你嘅工作就得』,佢仲叫我要交足功課,把握好每個機會。作為一個演員,同埋都做咗成20年,我唔可以辜負人哋畀我嘅機會,要對得住自己,每一個角色都係一個好嘅機會,我係抱住咁嘅心態去Prepare角色、盡力做好。」談到顏值獲讚,嘉樂竟搞笑地發表愛妻宣言:「我要多謝我爸爸、我媽媽,同埋要多謝我太太令到我咁快樂。我覺得一個人開心,係容易啲保持到自己個外表嘅。」
辛正義做事雖然硬繃繃,但對雪花卻一往情深。
除了嘉樂,孔德賢(Danny)的喊戲亦大有進步,昨晚一場雪花及呂祖探監場口,木昆拿著饅頭狼吞虎嚥、兼邊食邊喊邊懺悔一幕相當有感染力,不但演活百感交集的內疚情緒,更哭至涕淚交連相當入戲;更誇張的是,即使不是主角場口,Danny也會根據劇情「話喊就喊」,以致在大wide shot中、亦能看到Danny兩行閃閃發光的眼淚。談到喊戲愈演愈好,Danny坦言全靠演《你好,我的大夫》後開了竅,並坦言自己也確實愈拍愈入戲:「嗰時係《大夫》同《本尊》疊住拍,我都斷斷續續喊咗成一、兩個月;同埋監牢場戲因為都拍到尾聲,我真係完全代入咗陳木昆嘅角色,覺得講咗咁耐大話好對唔住大家,同埋因為東閔同嘉慧都好畀到情緒我,所以啲眼淚係真情流露。」
孔德賢
孔德賢呢幕喊戲真係做得好好。
孔德賢啲眼淚話嚟就嚟。