Me&拍賀年片打造《Eye To Eye》花開富貴版 譚旻萱即興上演宮鬥劇橋段

Me&特意改編《Eye To Eye》的舞步以配合新年主題，加入更多手部動作營造「花」的元素！

由譚旻萱（Mandy）、黃淑蔓（Feanna）和連家穎（Vian）組成的女團Me&，最近為東涌東薈城名店倉的「蝶舞．花見」新春活動拍攝宣傳片。為配合新年主題，她們特意改編《Eye To Eye》的舞步，雖然排練時間只有短短兩日，卻難不到勤力的Me&，她們一有空檔便會跟排舞老師反覆練習。通宵拍攝亦無損三位女生的熱情和活力，順利打造《Eye To Eye》花開富貴特別版。

女團Me&最近為商場新春活動拍攝宣傳片，為配合新年主題，她們特意改編《Eye To Eye》的舞步。

Me&穿梭於多個賀年花藝裝置中。

突然上演宮鬥劇橋段。

拍攝期間，Me&穿梭於多個賀年花藝裝置中，並在過百朵色彩繽紛的年花以及蝴蝶的襯托下跳舞。當途經中式拱門，小橋和涼亭時，她們突然上演宮鬥劇橋段，非常搞笑。Feanna笑說：「場景好有古代感覺，我哋啱啱有好多小劇場，好好玩。」

Mandy工作中過新年。

Me&在過百朵色彩繽紛的年花以及蝴蝶的襯托下跳舞。

她們特意改編《Eye To Eye》的舞步以配合新年主題，加入更多手部動作營造「花」的元素。拍攝當日，三位女生提早到達現場練舞，她們亦趁着空檔與排舞老師到場邊反覆練習，非常勤力。大會更出動航拍機以多角度拍攝Me&跳舞的片段，成功打造充滿節日氣氛兼活力十足的《Eye To Eye》花開富貴特別版。Feanna坦言：「第一次收到要改舞步時差啲嚇襯，因為得兩日時間排，冇乜信心，好彩Vian有幫我補習。」Vian補充說：「今次隻舞嘅Concept係花開富貴，大家期待下。」

女團Me&成員：連家穎（Vian）、譚旻萱（Mandy）、黃淑蔓（Feanna）。

Mandy真係好靚呀！

農曆新年將至，三位有傳統的新年習俗嗎？Mandy表示沒有，Feanna說：「年初一唔可以洗頭，但真係跟唔到，所以每年嘅年初一，我一過12點就會衝去洗頭。」她續指每年的年三十晚，一家人都會聚在一起吃團年飯，更透露家中窩心傳統習俗。她說：「我哋會包餃子，屋企人會擺開心果喺入面，邊個食到粒開心果就代表今年順利。」Mandy聽後興奮地說：「我要去你屋企過年。」Feanna自信表示：「我年年都食到，因為我媽咪會私心擺三粒。我阿爸勁Sweet，有一年佢食到，然後佢夾落我媽媽個碗度。」

大會更出動航拍機以多角度拍攝Me&跳舞的片段。

Vian提早食大餐！

Vian表示會跟家人聚在一起吃大餐，更會親自炮製蘿蔔糕，但今年卻要提早慶祝。她說：「因為新年前要剝牙，聖誕節已經Miss咗一次食大餐，都係因為剝牙。呢排係我唯一可以食嘢嘅時間，我會盡力食。」Mandy則透露會於工作中度過新年，她說：「我喺香港冇乜親戚，同大家工作中過新年係最好，又唔使悶，又可以賺下利是錢。」

Feanna自爆窩心習俗。

新一代女神譚旻萱（Mandy）憑標緻的臉蛋、精湛的籃球球技，被冠以「籃球女神」稱號，最近Mandy獲護膚品牌NIVEA垂青，拍攝品牌全新防曬系列廣告。

Mandy為護膚品牌拍攝全新防曬系列廣告。

廣告以打籃球為主題，Mandy跟男演員在場單對單較量，以阻攻（block shots）來帶出防曬（block UV）的重要，一有籃球在手，Mandy 馬上精神抖擻進入狀態，全神貫注跟對手對打，誰知導演見Mandy打得太忘形，因面部表情太「狼死」而被叫停，惹來全場大笑！Mandy笑說：「我好鍾意打籃球，所以每逢工作時要打籃球都會覺得唔似做嘢，係好開心嘅。最搞笑係導演覺得我打波時個樣太凶狠，因為自己太投入冇注意到。」

廣告以打籃球為主題。

Mandy跟男演員在場單對單較量。

Mandy打得太忘形，因面部表情太「狼死」而被叫停。

Mandy笑指因為自己太投入，所以沒有注意到。

談到打籃球，Mandy開始滔滔不絕，更憶起初入行後比賽時險毁容的經歷，她說：「之前曾經同啲叔叔打波，對方要護住個波，就批踭批到我個嘴，撞爆咗個嘴，當時我都好痛，仲有喊，但我唔係因為痛而喊，而係驚毁容，覺得自己會玩完，要另謀生計……好彩爆嘅係嘴唇入面，自此公司就嚴禁我打波打得太狠，其實長大後我個人係文靜咗，但係打波習慣偏狼死，有啲難改。」

Mandy憶起初入行後比賽時險毁容的經歷。

當時被踭批撞爆嘴，幸好只是嘴唇入面爆了。

最近Mandy積極增值自己，瘋狂做gym、跑步、學戲與學武術等，為迎接新挑戰，她說：「為之後嘅工作做好準備，嚟緊會有新挑戰，一直上緊堂學緊嘢、勤力啲做gym，飲食都要節制吓，食得清啲，都想減吓磅，減吓而家嘅幸福包包面。」

Mandy最近為迎接新挑戰，積極增值自己，瘋狂做gym、跑步、學戲與學武術等。