九月份係本小姐o既生日月份，早o係一個禮拜之前就已經開始o左巡迴生日飯局，好多謝咁多位o既厚愛，巡迴生日飯可以食到聖誕。但係呢一餐真係好想同大家分享，因為我o係呢餐飯裡面飲o左支呢世人都未必有機會飲o既酒，就係Petrus 同Lafite， 趁我仲記得，寫落《巴士的報》度做番個record先。
點擊看圖輯
九月份係本小姐o既生日月份，早o係一個禮拜之前就已經開始o左巡迴生日飯局，好多謝咁多位o既厚愛，巡迴生日飯可以食到聖誕。但係呢一餐真係好想同大家分享，因為我o係呢餐飯裡面飲o左支呢世人都未必有機會飲o既酒，就係Petrus 同Lafite， 趁我仲記得，寫落《巴士的報》度做番個record先。
今次我地去o左帝苑酒店裡面o既意大利餐廳Sabatini 度食，其實呢間餐廳係我最喜歡o既餐廳之一，因為一尼我好喜歡佢o既裝修比較復古，二尼佢o既服務真係好周到，第三佢係有live band，份外浪漫。咁貴為食環境食裝修o既港女當然like o架啦！題外話，我係好鍾意食松露，一到冬天o既季節就會推出期間限定o既白松露，但今次因為時候尚早，所以得黑松露，唔緊要，食住先。
跟住就尼36個月o既parma ham 配哈蜜瓜，成日覺得呢兩樣o野大纜都扯唔埋，點解一齊食就會咁夾o既呢？一o的違和感都冇。側邊o個幾點係25年黑醋，但個人覺得就咁食已經好好食。
之後就尼我至愛，黑松露炒蛋，法式炒蛋下面襯塊多士，再片幾片法國黑松露，超香，食落好creamy兼有蛋香，但有塊多士去中和呢份膩，真係天衣無縫，冇得輸。粒帶子都好好食，不過就畫蛇添足o左囉。
跟住上主菜，呢碟意粉應該係佢地o既招牌菜，叫Linguine Sabatini ，海鮮新鮮煮得剛剛好。但我覺得最好食唔係d海鮮，而係o的扁意粉，8成熟，中間有咬口，Al Dente，正～
唔知係咪因為之前食麵包食得太多呢，去到呢個菜經已去到9成飽。由於本小姐唔食羊o既關係，分o左比朋友，自己就食呢塊M7 o既和牛，重牛味得尼又唔會太膩，5成熟超淋口感，但因為已經好飽o既關係，食唔晒囉！可惜可惜！
跟住到主角出場，Petrus 2006，齋見倒佢已經倒抽一口涼氣，好似見倒吳彥祖企o係你面前咁。當酒一開，倒落酒杯度，陣果香離遠都聞倒，好澎湃，呢下最深刻。顏色有o的似紅寶石，酒身不厚不薄。第一次飲pomerol 區（本小姐鍾情波酒，不過連左右岸都未試晒，有冇人陪我試酒？）好有果味，單寧有柔滑感，入口有漿果，草莓，而餘韻側有黑加侖子，車厘子。比我感覺petrus 就好似偏向女性化o既酒，本小姐真係好鍾意，好多謝呢位朋友可以比我試倒呢隻酒。
今次我地去o左帝苑酒店裡面o既意大利餐廳Sabatini 度食，其實呢間餐廳係我最喜歡o既餐廳之一，因為一尼我好喜歡佢o既裝修比較復古，二尼佢o既服務真係好周到，第三佢係有live band，份外浪漫。咁貴為食環境食裝修o既港女當然like o架啦！題外話，我係好鍾意食松露，一到冬天o既季節就會推出期間限定o既白松露，但今次因為時候尚早，所以得黑松露，唔緊要，食住先。
首先尼個開胃菜，黑松露火箭菜芝士薄脆配生牛肉，本小姐平時唔食生牛肉，但呢碟o野食落口真係好正，加埋個黑松露，成碟o野勁香，爭o的唔記得相機食先。
跟住就尼36個月o既parma ham 配哈蜜瓜，成日覺得呢兩樣o野大纜都扯唔埋，點解一齊食就會咁夾o既呢？一o的違和感都冇。側邊o個幾點係25年黑醋，但個人覺得就咁食已經好好食。
之後就尼我至愛，黑松露炒蛋，法式炒蛋下面襯塊多士，再片幾片法國黑松露，超香，食落好creamy兼有蛋香，但有塊多士去中和呢份膩，真係天衣無縫，冇得輸。粒帶子都好好食，不過就畫蛇添足o左囉。
跟住上主菜，呢碟意粉應該係佢地o既招牌菜，叫Linguine Sabatini ，海鮮新鮮煮得剛剛好。但我覺得最好食唔係d海鮮，而係o的扁意粉，8成熟，中間有咬口，Al Dente，正～
唔知係咪因為之前食麵包食得太多呢，去到呢個菜經已去到9成飽。由於本小姐唔食羊o既關係，分o左比朋友，自己就食呢塊M7 o既和牛，重牛味得尼又唔會太膩，5成熟超淋口感，但因為已經好飽o既關係，食唔晒囉！可惜可惜！
跟住到主角出場，Petrus 2006，齋見倒佢已經倒抽一口涼氣，好似見倒吳彥祖企o係你面前咁。當酒一開，倒落酒杯度，陣果香離遠都聞倒，好澎湃，呢下最深刻。顏色有o的似紅寶石，酒身不厚不薄。第一次飲pomerol 區（本小姐鍾情波酒，不過連左右岸都未試晒，有冇人陪我試酒？）好有果味，單寧有柔滑感，入口有漿果，草莓，而餘韻側有黑加侖子，車厘子。比我感覺petrus 就好似偏向女性化o既酒，本小姐真係好鍾意，好多謝呢位朋友可以比我試倒呢隻酒。
跟住到呢支，Lafite 2009，原本冇諗住開呢支酒，之但係比個侍應虎視眈眈，攪到佢「被開酒」。哇～！成個古天樂企棟o左o係度！開出尼冇頭先o個支咁powerful 。有花香味，飲落去好有傳統paulliac 區特色，即係dry。酒體偏厚，單寧成熟，可能因為時候未夠，所以酒身仲係好封閉。入口有皮革，橡木，煙燻，黑醋。餘韻就有香草，栗子。同petrus 好唔同，呢支就偏向型格o既酒。可惜支酒太新，未發揮到佢應有o既癲峰。
當我慨嘆我o既level 仲未夠去嘆呢d靚酒，心諗其實好多中價酒都有佢咁o既效果啦，原來第二日先至真正體會倒靚o野o既分別。第二朝起身係一d不適都冇，平時飲完酒第二日就會有頭痛，胃部不適，冇胃口，肚痛等不良反應。今次係除左有少少口乾之外就冇頭先所講o既感覺，真真正正對比倒靚o野的確係無語倫比。或者可以用拉麵湯底尼咁樣比喻：你味精都可以做倒用真材實料煲o個隻味，但係飲完你會有喉嚨痕，口乾，多痰咁o既情況出現，而用足料煲o既就唔會有呢d唔好o既反應囉！
再一次多謝朋友o既厚愛，令我可以試倒呢兩支酒王，真係覺得自己有高圓圓被寵愛o既感覺。好啦，今次分享係到呢度，o岩睇o既比個like，唔o岩睇o既就上一頁，想知我更多生活o野可以follow我。有o野問就先讚好我專頁，然後inbox我，c ya！
小資女Ms . Kat<~~~~~~~~~~㩒呢度
＊以上文章只屬個人分享而並非專業食評／酒評，如有得罪，都冇辦法。
Ms Kat
** 博客文章文責自負,不代表本公司立場 **