推出首支Solo《喵喵厭世學》 Winky黃健怡自認性格似貓咁跳脫

Winky黃健怡笑言認性格像貓般跳脫，可以上一秒好正經地拍攝，但下一秒就在食薯片，還會嚇到工作人員。

新晉唱作女子組合「Beanies」於去年正式出道，雖然沒有大公司backup，但她們都憑實力於2023年度叱咤樂壇流行榜頒獎典禮中獲得「叱咤樂壇生力軍組合金獎」，為她們之後的發展打了一支強心針！繼組合於農曆新年前推出2024年首支全新歌曲《今晚抹掉你》後，成員之一的Winky黃健怡日前就推出首支個人單曲《喵喵厭世學》，並成為今年首位出歌的女新人。

Winky推出首支個人單曲《喵喵厭世學》。

本網記者攝

Beanies憑實力於2023年度叱咤樂壇流行榜頒獎典禮中獲得「叱咤樂壇生力軍組合金獎」。

新歌《喵喵厭世學》由Winky自己作曲，並請來Oscar填詞、Justin Yau監製及編曲，Winky指歌曲是由貓的視覺去看這個世界，「咁呢隻貓呢就唔係一啲好嬌嗲嘅貓嚟嘅，反而係一隻比較高冷、厭世嘅一隻貓啦，咁對佢嚟講呢，即使呢個世界係要天冧落嚟咁樣啦，但係佢最緊要就係有嘢食就得啦，咁當然啦呢個厭世呢其實只係一個佢嘅外殼啦。」Winky還向大家賣關子，「如果要知道背後究竟佢內心係咪咁厭世，就可以睇下個歌詞就會知道啦。」

觀看相關影片按連結：https://youtu.be/GYt60z-wVPg?si=V3FpTF5BhOMhbCMB

Winky指新歌是由貓的視覺去看這個世界。

而這隻貓是隻比較高冷、厭世的貓。

Winky向大家賣關子，指如果要知道貓內心是否真的那麼厭世，就要睇歌詞啦！（本網記者攝）

問到為何會選用「貓」來做歌曲的主題？Winky表示：「因為我本身自己都好鍾意貓，但係我自己屋企就冇養貓。咁所以對於我嚟講呢，我對於貓係有好多幻想，所以喺呢個想象嘅空間入面，我就可以嘗試用多啲唔同自己嘅諗法去代入。究竟如果我係嗰隻貓嘅話，究竟佢係一隻點樣嘅貓呢，佢會有呈現啲咩嘅姿態呢？」Winky亦自認性格似貓那樣跳脫，「即係有時又突然間跳到好hyper，有時又會突然間自己靜靜哋坐喺度。」

雖然新可以「貓」做主題，但其實Winky並沒有養貓。

所以Winky對貓有好多幻想有好多幻想。

以往錄音、拍MV都有Beanies的成員陪伴在身邊，問到今次只有自己一個有沒有困難的地方？Winky表示：「我覺得係好唔同嘅個感覺」，因為和Beanies成員在一起時氣氛好熱鬧，每一刻都有不同的事做，但自己一個時，雖然有時行為好跳脫，上一秒好正經地拍攝，下一秒就在食薯片，會嚇到工作人員，但今次拍MV的進度都幾快，「因為一嚟我都唔想耽誤個crew嘅進度啦，始終佢哋即係book咗車啊、各樣嘢......尤其是係想catch個日落，日落之前想完成咁，所以自己拍嘅時候，其實某程度上都會真係一roll機就會好專心想快啲做好嗰件事咁。」

雖然今次錄音和拍MV都沒有Beanies的成員陪伴在身邊，但對Winky來說都沒有太大難道。

只是她像貓一樣跳脫的性格會嚇新工作人員。

提到MV，Winky透露今次有排舞師幫她在chorus的部分排了少少舞步，對於平時比較少跳舞的她來說是一個好大的嘗試，而且最大的挑戰是她在拍MV前兩日才學會這些舞步，「基本上都冇乜時間去執或者去練，其實就直接要去拍囉，咁對我嚟講就係要好快學得識，仲要跳得好，咁我就盡力咁樣做咗畀大家睇啦。」Winky亦透露Beanies的成員都好好，非常支持她，還有問她拍MV時要不要幫手。

Winky在今次MV中還有少少舞步，對於平時比較少跳舞的她來說是一個好大的嘗試！

Winky表示在MV中有盡力跳得好給大家看。（本網記者攝）

Beanies將於3月7日（星期四）在麥花臣場館舉行與ILUB舉行《ILUBeanies聯校Live》，Winky透露已經開綵排，「到時除咗唱歌以外，都會有少少movement嘅東西去畀大家睇到唔同嘅面向。（會是怎樣的movement？）其實就配合返首歌係啲咩歌，咁到時就會知道有啲咩歌，我都覺得有啲歌都幾精彩㗎。」Winky又透露到時她和成員都會演繹自己的Solo歌，亦會合唱，還會和ILUB合作，「所以其實個show係都有好多嘢睇㗎！」

Beanies與ILUB將於3月7日在麥花臣場館舉行舉行《ILUBeanies聯校Live》。

問到對一年目標，Winky表示希望今年可以出三首歌，「同埋都希望，無論係Beanies，同埋自己，我都希望係會有更加多嘅唱live嘅機會啦，有多啲表演機會啦，同埋可以同到唔同嘅單位合作啦，無論係唱歌即係歌手，定係一啲製作人、音樂人，我哋都想有多啲嘅合作機會。」而Beanies之後亦會有新作品，「咁當然依家呢一刻就係好focus做咗個show先！」

Winky目標今年可以出三首歌！

Winky黃健怡：

服裝提供 @aalishk

除了爸爸，Jaime與媽媽和細佬感情都好好，平日一家人都會一同拍片玩。

張天穎（Jaime）早前推出全新廣東歌《低調》，更特別請來親爸爸為新歌featuring彈奏琵琶，Jaime指新歌《低調》的構思是來自爸爸經常教她做人要「低調」，因而有感而發，將爸爸教導的「低調做人，高調做事」寫成一首歌。

本網記者攝

Jaime早前推出全新廣東歌《低調》。

Jaime表示：「Instagram啱啱出嘅時候呢，我都成日share好多自己生活上嘅點滴、moments上去，咁每次影到爸爸嘅時候呢，爸爸都會對住個鏡頭就講：『唉，低調啦，低調啦，唉，唔好post我啦』咁樣咁樣，之後佢就話『低調做人高調做事呢啲唔使影我咁多㗎啦』，所以佢就有一個口頭禪就叫做『低調』啦。」

觀看相關影片按連結：https://youtu.be/rr0x8bu0nrw?si=S68ZmC5J0UR-b0Yh

本網記者攝

今次會邀請爸爸一同合作，原來Jaime一直有和爸爸Jam歌，爸爸彈琵琶，她彈結他及唱歌，曾中西合壁cover過AGA江海迦的《小問題》及BLACKPINK的《How you like that》，「我又覺得其實都幾得意啊，聲音上聽落，所以我就覺得會唔會，整一首咁樣嘅歌呢，咁我又想試下feature爸爸嘅talent，所以就膽粗粗問佢，因為佢不嬲低調，佢好難出鏡㗎其實，佢就肯咗囉，因為就係彈琵琶，即係通常其他佢唔肯，但係琵琶係一樣佢都好鍾意嘅音樂啦，佢都係中學開始彈琵琶，所以我諗佢都鍾意表演嘅，咁所以佢就『好啦，彈琵琶就幫你一次啦！』」

Jaime一直有和爸爸Jam歌。

曾壁cover過AGA江海迦的《小問題》及BLACKPINK的《How you like that》。

BLACKPINK的《How you like that》更是全家出動。

全家都玩得好投入。

問到與爸爸合作會否特別緊張？或者爸爸又會否特別緊張？Jaime直言完全不緊張，反而好興奮，因為一家人的關係一直好似朋友，平日都會一同拍片玩，但就擔心歌曲和MV推出後的回響，擔心爸爸會被負責留言影響，所以會先給爸爸心理準備，並和他說：「唔使理㗎，你have fun就得㗎啦，我哋盡力行好，盡力做好，你have fun就得㗎啦。」

Jaime對和爸爸合作完全不緊張，反而好興奮。

爸爸都樂在其中。

本網記者攝

Jaime亦覺得爸爸完全不緊張，而且好快上手，「佢都幾好、都幾玩得啊，錄琵琶嘅時候就因為係喺我自己studio錄嘅，之前都有同佢合作過，佢都喺我studio度錄緊音，所以佢就應該好舒服嘅啦。」Jaime又笑指爸爸在MV中對自己的衣著和髮型都有想法，但和造型師討論後，他亦會接納其他人的意見，「所以佢（爸爸）又冇緊張，我反而覺得佢幾have fun嘅。」

Jaime覺得爸爸亦完全不緊張，而且好快上手。

又笑指爸爸在MV中對自己的衣著和髮型都有想法。

至於其他家人，Jaime笑指當家人知道爸爸要上鏡，「好早就問我爸爸做咩衫呀？使唔使剪咩頭髮呀？化咩妝呀？」因為家人知道拍攝時間好緊張，就算有一個月時間準備，可能到最後計劃依然有變，所以一早做了很多準備。問到其他家人會否都會想合作？Jaime就表示媽媽和弟弟都比較低調，「我細佬讀緊書啦，我媽咪就真．低調啦，佢係怕醜添，唔係好鐘意出鏡嘅，仲罕有過爸爸，所以嗰一日拍BTS嘅時候，有鏡頭對住佢，佢都話：哎唔好啦唔好影我啦，影爸爸得啦』」咁。」

本網記者攝

本網記者攝

提到有和全家人一同拍片，媽媽除了有上鏡，還哼了幾個音讓Jaime創作出一首歌《LIAR》，Jaime表示：「我有一個series叫做《本故事不純屬虛構》，咁就係有街訪、有問唔同嘅人、有唔同嘅artist朋友啦，同埋屋企人我都有叫佢哋玩埋一份嘅咁樣，我係make sure咗佢哋OK，我先出條片嘅，咁咁啱因為媽咪話：『好啦，我又想玩佢咁樣』，佢自己講喎，『我使唔使畀幾粒音你啊』，佢講吓笑咁講，我話可以㗎，你肯唔肯啊？佢話：『好啦』，咁樣佢就畀咗啦。因為佢哋畀我㗎嘛個inspiration，所以我作好嘅時候呢，我就諗住播翻俾畀佢哋聽，睇下佢有咩feedback。」

Jaime有一個短片系列，叫《本故事不純屬虛構》。

其中她用了媽媽提供的幾粒音創作出《LIAR》。

問到今次和爸爸正式合作後，會否想再與家人，或與男朋友Ansonbean合作？Jaime笑指想和弟弟合作，「其實如果今年全部同屋企人合作都幾搞笑嘅，但係如果同男朋友就呢個順其自然啦，我覺得每人今年都有一個timeline，我自己都有一個小目標，我就係想希望呢一個series出30集嘅，最尾就揀8至9首歌嚟整一個album，所以都係一個幾繁忙嘅timeline，咁佢（Ansonbean）應該都自己有自己嘅timeline，如果夾到嘅話都唔排除嘅。」

Jaime話同男朋友Ansonbean合作順其自然。

不過，Jaime新歌推出後，都有同男朋友Ansonbean拍dance challenge。

提到《本故事不純屬虛構》這個系列，Jaime透露30集的內容及歌曲都已構思得七七八八，只是未拍片及剪片。除了拍片，Jaime今年亦計劃出碟，「因為我覺得30首歌，你再揀8、9首，話難唔難，但真係要用時間去做，而我覺得8首歌嚟講，如果我又有啲想拍MV呢，其實都真係差唔多，如果好彩嘅話，就睇下會唔會開一個mini concert，但係我覺得album為主，我覺得可能今年都爭啲啊，我驚係要橫跨到出年先可以推出到，所以我諗目標就係真係推出到個album先。」如果成功舉辦個人小型音樂會，她都希望邀請爸爸上台一同表演，「呢個係我夢寐以求嘅夢想啊，但係佢好低調啊......你唔知佢諗咩㗎，可能佢嗰一刻覺得：『唔好啦唔好啦，你第一次個唱，個光芒留畀你啦』，或者『嘩，你第一次過唱梗係要上台啦！」要睇下佢嗰陣時嘅狀態係咩囉，但係我一定會邀請佢。」

本網記者攝

本網記者攝

Jaime

髮型：Prudence @ Artify Lab
服裝：Sandroparis
造型：Natalie @ Fameglory
場地提供：怡紅院火鍋料理