娛圈事
有網民鬧爆又做伸手黨。
有「離婚KOL」之稱的張致恒（Steven）與老婆區燕雯 （雯雯）四年抱四，加上有3隻狗狗，生活開支龐大，兩公婆不時在社交媒體呻窮，想盡辦法搵錢養家，亦曾指去到絕境，求人幫助。上月底，雯雯又發千字文訴苦，透露親人患病、兩隻愛犬身體出狀況、其中一個囝囝更被診斷出患有自閉症及過度過躍症等，令她心理和情緒上面臨極大考驗，更罕有地感謝老公Steven。
二人試過開YouTube Channel 搵錢
上月底雯雯發文訴心聲，更罕有多謝老公
昨日（1日）雯雯再發文表示不勝負荷：「問題已經步向解決，但我過不到現在，究竟怎辦？不會有奇蹟，我該怎樣走下去」到晚上，Steven亦於IG限時動態貼出支付平台的收款二維碼，乞求網友伸出援手協助渡過難關：「我知道呢個唔係一個明智嘅決定，但係我真係已經去到頂唔順嘅地步，過埋呢個月所有嘢都可以回復正常，所以真係求大家幫吓手」。
先是老婆雯雯指「不會有奇蹟」
張致恒直接求捐助
雯雯還表示不介意苦主向《東張西望》公開一切。
39歲的張致恒（Steven）與區燕雯（雯雯）婚後一直是話題人物，又「熱愛」在社交平台公開家事，不時鬧離婚，又經常呻財困，因而被網民封為「離婚財困界KOL」。雯雯在母親節當天除了再在IG Story鬧爆老公「廢」，還透露即將要行「最後一步」，才可重新生活，想不到一波未平一波又起，一名患癌網民近日就在她的社交平台公開追數。
Steven與雯雯於2019年奉子成婚。
一家六口。
雯雯於本月初公開過去一周家中發生連環不幸事件。
母親節當天又發文數臭老公張致恒。
透露要「行到最後一步」。
又指「其實都係一個行業」。
該名網民在雯雯的社交平台留言：「雯雯，我係Cat，你想點呀？畀咗幾個月時間你，爭我嗰萬六蚊一蚊都收唔到，包多春魚都收唔到，之前免費送咁多嘢畀你哋，你哋咁對我？！你好快啲還錢，最多畀你分兩期，分兩個月每次還$8000，所有Payme過數記錄同埋Whatsapp對話我都有keep，唔好逼我公開晒。我真係諗住搵《東張西望》，標題係：寧願呃癌症病人錢，都唔願意出去打工嘅前偶像夫妻。唔好逼我！」並表示預料會被對方刪留言兼封鎖。
苦主留言
不過，雯雯沒有刪除留言，更親自回覆：「首先，我好多謝你當初主動出現幫我哋。我從來冇諗過呃你，只係我而家未有鬆動可以還到畀你，就算其他人我同樣都係未還，當初你主動企出嚟幫我哋嘅時候，我都有同你溝通我冇咁快有能力可以還到錢，你亦話你明白。至於你兩包多春魚，我冇咗你地址，你block咗我，我根本聯絡唔到你。」更耍無賴的表示：「就算你公開一切，我都尊重你，當中亦可以證明到我有講清楚我冇咁（快）還到畀你，所以不存在呃你錢。最後希望你unblock我，畀返你地址我寄畀你。亦祝你健健康康。」
雯雯回覆。
事件引起網民熱議，不少人都譅為兩公婆「個低咁花」都仍有人會借錢給他們是自作自受，「真係會有人俾錢呢對老千夫婦」、「全香港都知呢兩公婆有借冇還，仲要懶好心借俾佢哋『渡過難關』，收唔返根本基本操作」、「個時都知佢2公婆搞唔掂借錢唔還啲X嘢出晒名，咁都可以比錢佢做生意，有今日都係自己做成」、「兩個個朵臭晒，仲幫佢哋真係冇得救，人哋周圍借錢開心使錢，結果仲有人施捨」、「大種乞兒呃錢仲呃埋人哋同情心，勸各位有心香港人，唔好再理呢2公婆啦」。
不少網民都認為被兩公婆呃錢是自作自受。
