林奕匡登The First Take 大唱十周年代表歌《高山低谷》

林奕匡在家模仿The First Take錄音環境瘋狂綵排。

適逢林奕匡（Phil）的經典歌曲《高山低谷》推出十周年，他早前應邀參與日本著名音樂頻道The First Take（TFT）的一鏡到底一次性錄音演出，演繹了全新編曲的《高山低谷》。Phil昨晚更與歌曲監製Edward Chan，以及作詞的陳詠謙開Live，談及參與TFT的感受，以及即將為人父的心情。

林奕匡登上The First Take。

大唱十周年代表歌《高山低谷》！

今次Phil是繼陳柏宇及MIRROR後，第3個歌手單位成為香港代表，參與The First Take錄音，他為此作出了周詳的準備，他道：「我哋重新度過首歌嘅編排，同埋唱法都唔同咗，會諗下受眾係邊個，唔想一模一樣嘅感覺去唱，因為都事隔十年，自己嘅人生同經驗會令自己有唔同感受。我都有練習多啲，仲特登買咗喺正式錄音時會用到嘅Headphone喺屋企練習，又會睇下唔同嘅表演者喺TFT佢會點唱，台風係點，又研究下鏡頭擺位，自己喺屋企事先預演一次，希望可以減低緊張程度。」

相關影片可以按以下畫面觀看：

影片連結：https://youtu.be/lhfOVgSiFoc?si=EbNmp2tyVv0EIONV

林奕匡是繼陳柏宇及MIRROR後，第3個歌手單位成為香港代表。

在家模仿The First Take錄音環境。

不過進入錄音室時，Phil還是免不了緊張，他道：「進入錄音室嘅時候，緊張一定有，但估唔到原來大家平時見到個畫面好似只有自己一個人喺度，但入到去其實鏡頭後有最少接近30人喺度做準備，所以有啲意想不到，不過到正式錄音時，大家就會全部離場。」從錄影片段可見到Phil初時以一貫的微笑表示：「Okay I’m Ready!」然後他便完全陶醉於音樂之中，中段唱到肉緊之時更緊握拳頭呢！錄音過後，Phil也即是鬆一口氣，他道：「當下第一時間諗到『Oh My God! 錄完喇！』因為籌備期間練習幾多次都好，正式嘅時候係有好多Pressure，但完成嗰一下成個人即刻放鬆，可以真係Enjoy The Moment多啲，我仲同每個同事都擁抱，哈！」能夠在《高山低谷》推出十周年登上TFT，Phil坦言這是莫大的榮幸，更道：「能夠唱廣東歌實在太好，希望可以俾全球認識廣東音樂。」

《高山低谷》對於Phil來說別具意義，因為當時這是一首決定Phil歌唱事業的一首作品，所以他一直銘記歌詞內容，他更道：「《高山低谷》記載住我人生好重要嘅一刻，由最唔開心到我企得返起身，而家呢首歌成為咗鞭策我嘅歌，佢唔係淨係講低谷要點樣面對，佢仲可以講到喺人生唔同期間，都會遇上唔同高山低谷，會時刻提醒我，要繼續行落去，個終點依然未達到，所以唔可以停唔可以放棄，就好似歌詞咁講：腳下路程難以削短。」

另外，在昨晚開Live的時候，陳詠謙特別提到〈高山低谷〉歌名的由來，他說：「本身未有歌名，係先寫咗『你界定了生活　我侮辱了生存』呢句，但前面加多句『你快樂過生活　我拼命去生存』，令成份歌詞有一份推進。後來見副歌前有三連音的部份，想到『高的山低的谷』呢幾隻字，加上香港好多山，有錢人又多數住喺半山，配合埋前面歌詞，就有《高山低谷》〉呢個歌名。」昨晚TFT首播，加上早前宣布太太陀B，今年準備當爸爸，正值人生美好的時光，但Phil分享心情道：「我唔覺得自己而家喺高山，因為覺得可以再好啲，同時亦都會提醒自己唔好俾自己入到低谷，繼續鞭策。」不過當談及BB的時候，Phil仍難掩將為人父的喜悅，他笑著透露：「今（昨）日開Live前啱啱陪太太睇完醫生，BB又大咗好多，今（昨）晚 又有另一個BB TFT出世，的確係開心！」

《高山低谷》對於林奕匡來說別具意義。

多種樂器演奏自彈自唱，Phil驚喜首唱從未曝光新歌

林奕匡（Phil）的代表作《高山低谷》推出至今已經10年，這段日子，樂迷陪伴他經歷人生不同的階段，個人演唱會、唱作人男歌手獎、唱作人金獎、結婚及準備當爸爸等不同的經歷，一路上Phil的真摯與對音樂的熱情，讓他走出低谷邁向高峰。迎來過去週末（27及28日），Phil於東華三院東蒲胡李名靜體育館舉行一連兩場 agnès b.呈獻「高山低谷 10週年 Special - Phil Lam The Great Decade Live」的首場演出，繼續以最鍾愛的音樂，與樂迷重溫過去10年的美好時光，並為下個10年的音樂旅程啟航。陳柏宇、布志綸、小塵埃、區子琳、力臻、KING@C AllStar、梁文禮、倪安慈及小薯茄成員肥蚊到場欣賞，Phil的太太李靄璣當然亦有現身為老公打氣。

Phil於東華三院東蒲胡李名靜體育館舉行一連兩場 agnès b.呈獻「高山低谷 10週年 Special - Phil Lam The Great Decade Live」的首場演出

Phil的太太李靄璣當然亦有現身為老公打氣

相當恩愛

是次音樂會由agnès b.贊助服裝，Phil穿上罕有露出胸前肌肉的紅色西裝，以Gentlmen的造型悠閒地坐於化妝枱上，邊吹奏色士風邊獻唱音樂會主題歌《高山低谷》開場。充滿懷舊感的舞台設計，讓樂迷耳目一新，瞬間帶樂迷時光倒流到10年前，然後再演唱改編成充滿玩味感的《孤獨的對岸》。唱畢，Phil與樂迷打招呼：「《高山低谷》聽晚就啱啱好推出十年，唔通真係唱足成晚咩，其實更重要係呢十年經歷嘅嘢。」分享他曾經以成為爵士歌手為目標，可惜世事未如人意，爵士歌手做不成，Phil笑謂現在偶爾於台上吹奏色士風亦很滿足。

Phil穿上罕有露出胸前肌肉的紅色西裝

分享他曾經以成為爵士歌手為目標，可惜世事未如人意，爵士歌手做不成，Phil笑謂現在偶爾於台上吹奏色士風亦很滿足

接下來，Phil唱出《時間的囚犯》及《榮辱戰爭》，再走到鋼琴前自彈自唱《安徒生的錯》。Phil自言是理智的人，然而選擇做歌手可能是人生最不理智的決定：「但係係最啱嘅決定。好多謝我嘅屋企人，我要多謝埋我太太，無論幾時都冇放棄我，遇到《高山低谷》係好難得嘅緣分，遇到你都係好難嘅事，我知道我未來要造更多好歌畀你哋。」Phil隨後送上充滿暖意的《頌讚詩》、《一世同學》及由他親彈奏木結他部份的《有淚多好》，緊接的《買不到的快樂》節奏輕快，讓整個會場迅即升溫。

Phil自言是理智的人，然而選擇做歌手可能是人生最不理智的決定

輪到音樂會的嘉賓環節，Phil邀得兩位同門黃妍（Cath）及葉巧琳（Mischa），仨人獻唱於日本大型音樂平台THE FIRST TAKE合唱的《藝術 與 科學》，三位靚聲之人的演出讓樂迷沉醉其中。老友鬼鬼的他們，在台上分享趣事，Phil自爆經常要為兩人做攝影師影相，Mischa大讚Phil有眼光，娶到又靚又好的太太。Cath與Mischa驚喜合唱由Phil作曲的《一表人才》，女聲版的組合別有風味。

hil邀得兩位同門黃妍（Cath）及葉巧琳（Mischa），仨人獻唱於日本大型音樂平台THE FIRST TAKE合唱的《藝術 與 科學》

Phil換上橙黑色high street fashion造型再次登場，為他添上活力的氛圍。Phil帶來《查無此字》，再度吹奏色士風送上《Goodman》及《雨落大地》，Phil與Micheal C 於台上以樂器battle，兩人各自演奏色士風及電結他，讓全場熱血沸騰，其後還有《台前幕後》，每首歌都道盡他的心聲。Phil指外界經常認為他是好人：「我覺得自己唔算好人，好人應該再好我好多。不過人愈大覺得唔可以乜都得，都就嚟做爸爸啦，有啲嘢都要硬淨啲，相信啱嘅事就去做。」然後送上他的情歌系列《關於愛的碎念》及《難得一遇》。Phil感謝樂迷多年來的支持，並為他們送上驚喜，現場首唱還未正式推出的新歌《波希米亞 (沒有) 狂想曲》及《有人共鳴》，他說：「就算只係淨低一個人與我共鳴，都足夠陪我走過高山低谷。」接下來再唱出特別編製的十週年版《高山低谷》，台下一遍燈海，更貫徹整個音樂會主題。

橙黑色high street fashion造型再次登場，為他添上活力的氛圍

來到音樂會尾聲，Phil獻唱《愛情小品》時走到台下與樂迷握手：「希望再一齊過下個十年！」最後他唱出《一雙手》，又與樂迷影大合照，場面温馨。尾場樂迷更大表依依不捨，不肯離場瘋狂叫Encore，最終Phil再次驚喜出台，並自彈自唱沒有於歌單中的《第一個早晨》，最後與樂迷一起大合唱《安徒生的錯》結束演唱會。

大合照