旅發局在今次財政預算案中獲得支持，政府俾足資源去推動旅遊，但要做的內容亦多咗好多。
煙火、無人機表演將於5月開始推出。
大家都比較關心的煙火、無人機表演，預計5月份響頭炮，旅發局更致力拓展多元旅遊。
幾百人同時在維港兩岸做瑜伽，體驗都幾特別。
活動仲有星級 KOL 導師坐陣。
近日旅發局就成功推出「HK Great Outdoors Festival」，將運動教學、城市體驗、郊遊結合為一，逾200名南韓遊客參加香港主題遊，體驗在維港兩岸瑜伽和夜跑，又到石澳龍脊遠足，城市郊遊一網打盡。活動亦邀得星級 KOL 導師坐陣，同時委聘專業攝影師，替團友打卡留念。
香港很適合搞運動、健康主題旅遊。
Sebastian聽業內人士講，這類特色深度旅遊吸引的大多都是高消費的遊客，而針對如今好興的運動、健康主題旅遊，其實香港是一個好適宜的旅遊目的地，可以大大力推廣「綠色+健康」的特色旅遊項目。
旅發局將進一步推廣香港成為「穆斯林友善」旅遊目的地。
另一方面，旅發局亦不斷開拓新的客源，包括跟業界合作進一步加強穆斯林旅遊的基礎設施，進一步推廣香港成為「穆斯林友善」旅遊目的地，以及開拓具潛力的市場。
旅發局將進一步推廣香港成為「穆斯林友善」旅遊目的地。
「一帶一路」沿線共有65個國家，其中近半數為伊斯蘭國家。據透露，旅發局邀請認證機構制訂穆斯林認證準則，並邀請穆斯林地區媒體代表親身訪港，參觀本港的「穆斯林友善」設施。
旅發局網頁上，亦會整合一系列為穆斯林旅客而設的香港資訊，包括美食、酒店住宿、本地文化以至適合穆斯林旅客參與的活動。另外還將邀請本地穆斯林組織為業界舉行簡報會，協助業界掌握更多清真友善的體驗。
Sebastian
** 博客文章文責自負,不代表本公司立場 **
旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。
Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。
收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。
Agnes話，每當想起這段回憶，自己能夠幫老人家完成心願，好有滿足感。
退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。
由新加坡回流香港發展的Marco，透過參與「旅遊義工」計劃重新認識香港。
Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。
由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。
做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。
最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。
各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。
