有市民搭乘港鐵見車廂內三名壯漢「3個人霸4個位，叫都唔郁」，拍下三人照片公審。網民不撐反咁評論。
有乘客公審港鐵車廂內三名壯漢，斥責「3個人霸4個位，叫都唔郁」。（Getty圖片）
該乘客於Facebook群組「香港交通及突發事故報料區」上載照片，事發地點為港鐵屯馬線車廂內，從照片可見，有三名身型健碩的中年漢坐在兩車門之間的卡位，其中二人低頭睡覺，一人則四處張望，三人之間只有非常狹窄的空間。由於當時車廂內的座位已滿，有乘客亦要站立著，樓主不滿三人佔用整排位置，指責「3個人霸4個位，叫都唔郁」。
三人身型健碩，他們之間只有非常狹窄的空間。（FB圖片）
樓主拍下三人的照片放上網公審，但圍爐不成反被諷「佢讓畀你都費事坐埋去啦」、「坐少陣會死？咁都要迫埋去」、「三個咁肥無計！除非第四個好瘦」、「坐落去都好逼，其他人唔會坐落去，因為自己都唔舒服」、「有得坐咪坐，冇得坐咪唔坐囉，雞毛蒜皮嘅事都攞嚟講」、「三個件頭有番咁上下，冇乜好嘈吧！」
（Getty圖片）
有人則指坐位本身設計好窄，很難容納四人「而家d位有問題，唔好講三個咁大份，我自己都叫細粒，有時四個位坐左三條個瘦底女仔，我都唔敢坐」、「啲位設計得好細，佢地咁大份，俾個瘦既都坐唔落啦」、「其實現在的位真係好窄」、「而家d位真係窄咗，坐得落咪坐，坐唔落都冇計，點解一定要坐4個」。
不少網民認為只是小事一樁，沒必要放上網公審。（FB截圖）
帖文來源：Facebook群組「香港交通及突發事故報料區」
