不正常愛情研究所丨7位主持大集匯終極互數 Susuca為患病Koba送祝福哭成淚人

《不正常愛情研究所》今晚7位主持將會濟濟一堂講出當主持的感受，並在節目中終極互數對方。

《不正常愛情研究所》今晚（3月28日）播出第91集，7位主持麥惠琪（Susuca）、伍倩彤（Gillian）、金永衡（Kim）、文頌男（Koba）、及3位J2ers黃紫恩（Jojo）、胡敏芝（Karen）及陳國麟（Doniven）悉數出動擔任主持。

今晚（28日）終極篇（左起）Karen、Susuca、Koba、Jojo、Doniven、Gillian、Kim 7位主持齊集。

Doniven、Gillian以「有故事的人」身份加入成為主持。

今晚7位主持濟濟一堂講出當主持的感受之餘，在節目中終極互數對方。《聲夢傳奇2》出身的Kim是最後期加入節目的主持，他誇口雖然半途出家，但一直「驚都未驚過」。此話一出即時惹來其餘6位主持反擊，有片有真相被翻「黑材料」，回帶片段中見到Kim第一次擔任主持一職時，不只說話口震震，雙手又顯出非常不安。在避無可避之下Kim即刻認輸，兼轉風向話︰「係驚嘅，但當時好努力跟住Doniven個flow。」

Kim被各人爆初做主持時手震兼口震。

Kim被各人爆初做主持時手震兼口震。

Kim在今晚節目兩度中槍，節目中各主持間會隱名互傳訊息，Kim收到的訊息是「你好癲無顧型象，係冒住分手嘅risk嚟做節目。每集調戲女嘉賓，讚女嘉賓點樣點樣好，得閒暗示差唔多要搵個更好，令我懷疑呢度拍緊《非誠勿擾》，希望你女朋友睇唔到」。原來訊息是出於Jojo，她跟Kim說︰「剛剛你爭住打畀暉哥（林映暉），又不斷讚Gillian靚女，我係你女朋友真係想鍊死你。」

Jojo取笑Kim做每集節目，都冒分手危險。

各主持在終極一集言行都去到好盡，Gillian收到的短訊更加露骨「你好靚，真係好靚，靚就贏咗。最記得係Doniven話要食你嘅臭鮑魚……」。原來是出自Kim的手筆，他解釋「臭鮑魚」是指Gillian下廚煮給大家食的鮑魚有臭味。Gillian自言當日是以「有故事的人」身份加入節目，要數到最難忘一次，是一集題為「棉花糖女孩」，她認真的說︰「當日製作組幫大家P相，真係好多謝佢哋，畀我認識自己，我肥咗真係搞唔掂。」

Gillian被爆臭鮑魚事件。

Gillian難忘被製作組P圖成肥妹。

在「棉花糖女孩」一集製作組為各主持P了一輯肥仔肥妹相。

Karen及Jojo被翻出中學時期的黑材料。

除了「爆料」今集亦有令人感動的情景，Susuca與Jojo分別為患病的Koba送上祝福，Susuca講到對Koba的印象時表示︰「初初識你嗰個月開廠就傾偈，知你又拍拖又分手。有日見到你腰痛不停問你咩事，後來你公布患病消息，咁細個就要經歷咁多嘢，加油快啲好返，做你想做嘅事。」接住她在節目中哭成淚人，反過來要Koba安慰。

Susuca想起Koba的病況，忍不住喊起來。

Susuca想起Koba的病況，忍不住喊起來。

Susuca想起Koba的病況，忍不住喊起來。

Jojo祝願Koba做到1,200集。

Jojo祝願Koba做到1,200集。

各主持跳出錄影廠，到訪各主持的家居，揭開他們「behind the scene」私人一面。

周四晚10點05 J2（82 台）播映的清談節目《不正常愛情研究所》，已圓滿播映完畢。緊接播出「番外篇」，各主持跳出錄影廠，到訪各主持的家居，揭開他們「behind the scene」私人一面。18日播出《不正常愛情研究所》「番外篇」最後一集，今集黃紫恩（Jojo）與陳國麟（Doniven）將潛入《聲夢傳奇2》出身的主持金永衡（Kim）的豪宅作近距離直擊。Kim家居為一梯一伙設計面積非常大，Doniven與Jojo一踏入家門，就被金碧輝煌的裝修吸引。大廳放滿水晶及古董陳設，天花板一盞豪華水晶燈非常亮麗，Jojo笑言仿如到訪皇宮。Kim帶二人參觀時透露母親喜歡閃亮擺設，所以裝潢都是閃閃發亮，連相架都鋪滿水晶。Kim又爆母親喜歡整潔，搞到自己跟哥哥都不喜歡在大廳逗留，他解釋︰「媽咪要好整齊，出到廳我同哥哥都放鬆唔到，唔係好歎嘅地方。」

Jojo與Doniven到訪Kim家居。

Kim屋企為一梯一伙設計，Jojo形容豪華如皇宮。

Kim屋企裝修豪華。

Kim媽咪喜歡閃亮擺設，所以大廳跟客廳都非常blingbling。

大廳放滿Kim一家人的照片。

Kim在節目中自爆早於半年前已搬走，跟女友Karina在外築愛巢同居，今集女方大方出鏡。不過Kim原先打算分享二人浪漫史，但他「開口夾著脷」，劇情變成大迫供。話題先由Kim飲醉酒跟Karina相識，到二人同居分擔家庭開支、照顧貓咪等逸事開始。之後話題轉到Kim擔任主持工作，Karina直言很少看男友的節目，她解釋說︰「有時會睇到佢預備啲講稿，見到啲topic就已經唔想睇，我會介意囉。」接住開始Kim全程感受到「死神來了」的壓力。Doniven搶先為好友解畫，但越描越黑︰「節目入面佢講『好仰慕暉哥（林映暉）』，全部係節目效果……」話口未完明顯見到Karina已面色一變，接了說︰「No,no,no，嗰日佢先講完『眼女只有暉哥』，我真係𢲷晒頭……」死神再次降臨，老友Doniven再出招解釋是監製寫舉牌，迫Kim講「我love暉哥」搞氣氛。

Karina不停找男友錯處

Doniven跟Jojo不停為Kim護航。

本以為事件告一段落，豈知臨近節目尾聲，Kim自彈自唱節目插曲，原本以為氣氛會變融洽，不料Karina執住男友寫的歌詞，大興問罪之師說︰「我睇咗啲歌詞想揼佢添啦，『每次返屋企剷訊息，只想關係好一些』，我又問佢你有喺屋企剷訊息咩？」一旁的監製忍不住出手，表示是指嘉賓剷訊息。其後講到歌詞牽涉到「外賣店」，Kim不知死活的解釋「食完住家飯多，得閒都要食下外賣……」，嚇到Jojo同Doniven再度出手拆彈，過程絕對精彩。

Karina質疑Kim寫的歌詞「別有用心」。

Kim一句「眼裏只有暉哥」，令林映暉趟着中槍。

節目剪輯Koba擔任主持的片段。

節目剪輯Koba擔任主持的片段。

節目剪輯Koba擔任主持的片段。