相信不少人都有去街市買完餸後,懷疑被呃秤的經驗。日前就有一位新手好爸爸,在荃灣街市買了兩棵西蘭花懷疑被騙,事後在社交平台發帖無奈問到「我有無俾人呃?」
兩棵西蘭花買咗$63
這位自稱是新任爸爸的網民,在社交群組分享指老婆想食西蘭花,於是他到荃灣街市買,心想買個西蘭花的價錢大約都是10至20元左右,怎料「結果買兩個買咗$63……話係澳洲……」由他上載的一張西蘭花的相片見到,膠袋內的兩棵西蘭花與一般的西蘭花大同小異,沒甚麼分別,很難辦別是否來自澳洲。
提醒樓主下次買餸要格價
爸爸的帖文一出,即引來不少熱心市民的回應,他們分分教授自己的買餸技巧,「勇敢啲同佢講,咁貴我唔要啦,然後走!」、「如果打算買外國蔬菜一定去一田、AEON之類嘅超市買。」又各自匯報不同地方的價錢以供參考、「不過中國出嘅,去惠康睇12蚊應該有2-3個」、「惠康同百佳都係賣九個九」、「街市唔洗$10個。Btw,大家男人,加油」、「楊屋道街市,$12/3個」,並提醒樓主下次要行多幾間才買,就不會覺得買貴了。
獲讚好爸爸 網民鼓勵買多啲就會叻啲
不過亦有不少網民大讚樓主是好爸爸好老公,並為他打氣「應該都俾人呃咗…算啦,下次買返本地嘅菜啦!(但開心嘅係,你係好好爸爸好好先生,你太太好幸福)」、「澳洲係咁貴,街市好似以磅計,不是以斤計算,新任爸爸當交學費買餸,買多啲望多啲就會叻啲,加油!」
海外網友證實此西蘭花是鬼佬貨
更有身在海外的網民證實樓主買的,的確是外國貨。網民回覆,「我在海外,呢個西蘭花確實似鬼佬貨,柄比較長身,質地比中國貨硬,要煮耐啲,不過呢度買西蘭花都唔使咁貴。」