香港婚後事｜探討不同「愛情及婚姻」議題 四大主持恃熟賣熟狂派花生 

《香港婚後事》首集，主持之一、有「女神收割機」之稱的羅天宇就因這封號而遭另外三位主持陳自瑤、賴慰玲及黎諾懿連環逼供。

全新綜藝節目《香港婚後事》，將由4月25 日起、一共十集逢周四及周五晚十點半於翡翠台播映。無綫劇集《婚後事》早前播出時掀起連番熱話，不少網民對於劇中探討的婚姻、愛情、家庭、不忠及出軌等問題都大有共鳴，連帶六位主角陳自瑤、羅子溢、賴慰玲、黎諾懿、王敏奕及羅天宇亦人氣急升。

四位主角跳出劇集、跳入glamping同大家喺勁relax嘅環境，深入探討「婚後事」！

左起：黎諾懿、陳自瑤、羅天宇、賴慰玲

有見及此，無綫即緊貼劇集帶出的熱度及討論點推出《香港婚後事》，由劇中四位主角陳自瑤（Yoyo）、賴慰玲（Winki）、黎諾懿及羅天宇擔任主持；為了令觀眾看得更過癮及有新鮮感，四位主持將相約glamping，以半talk show半真人騷形式帶出不同的「愛情及婚姻」議題，小至婚前戀事、婚後夫妻意見不合、冷戰，大至精神及肉體出軌、離婚等等均有作全面真情討論。四位主持先後邀得羅子溢、連詩雅、張振朗、朱敏瀚、單立文、胡蓓蔚、吳若希、龔慈恩、姚子羚及李丞責等性格、年齡層及身份都各有不同的嘉賓參與討論，務求擴大每個議題討論時的角度及多元性。

呢個節目嘉賓陣容都好豐富，有吳若希（上排右一）。

龔慈恩（前排中）。

張振朗（前排中）、朱敏瀚（後排左一）

姚子羚（前排右二）

豹哥同豹嫂（中間）

連詩雅

羅子溢

李丞責

齋睇相都知氣氛有幾熱鬧。

齋睇相都知氣氛有幾熱鬧。

齋睇相都知氣氛有幾熱鬧。

齋睇相都知氣氛有幾熱鬧。

齋睇相都知氣氛有幾熱鬧。

齋睇相都知氣氛有幾熱鬧。

齋睇相都知氣氛有幾熱鬧。

有真人騷元素，就自然有任務架啦。

其中一個係打麻雀！

原來是次是Yoyo及天宇「露營初體驗」，二人甫抵達拍攝現場即表現雀躍，四出探視不同型號的glamping房，Yoyo大玩滾床單、童心大發；至於Winki更搞笑，當她見到全玻璃打造的房間時，即對私隱問題大感擔心，最後遭Yoyo「有窗簾架嘛」一句KO；另當Winki看到玻璃屋中的浴缸時，竟第一時間想起諾懿兼笑作一團，還未進行訪談環節已氣氛勁熾熱。

黎諾懿節目一開始就係咁啄住天宇。

黎諾懿節目一開始就係咁啄住天宇。

黎諾懿節目一開始就係咁啄住天宇。

阿賴一見到浴缸就諗起諾懿。

阿賴一見到浴缸就諗起諾懿。

阿賴一見到浴缸就諗起諾懿。

由於四位主持拍劇期間變得熟稔，四人無論閒談定訪談均「百無禁忌」、「一針見血」，天宇更慘淪「人肉箭靶」，無論主持或是嘉賓均忍不住處處「啄住」天宇，其中諾懿便就「女神收割機」封號對天宇進行連串逼供，包括追問戲假情真次數，及與另一半glamping會否分床瞓等；而天宇每次均會害羞至面都紅晒兼口吃之餘，還會出現萌爆「尷尬呆」，絕對是本個節目重要「喜感擔當」。

大家room visit時好開心。

大家room visit時好開心。

Yoyo仲玩埋滾床單。

問到諾懿為何對天宇如此殘忍，他笑言：「咁都係熟先至敢問得咁到肉，學子溢話齋，我哋平時拍劇都係咁樣窒嚟窒去，笑吓大家啲新聞咁，無論係真定假都好，我哋都會攞嚟玩，大家都唔會介意嘅。」對於成為「眾人玩具」，天宇則謂：「其實都冇所謂，玩吓，我反而最在意係大家會唔會因為咁樣覺得我係冇努力工作嘅人。」眨眼已入行十五年的天宇，透露在節目中有承諾之後會繼續努力做好每一個演藝角色：「希望可以透過我嘅努力，令大家記得多啲我嘅工作。」

佢哋仲會自拍執行李嘅情況。

佢哋仲會自拍執行李嘅情況。

佢哋仲會自拍執行李嘅情況。

佢哋仲會自拍執行李嘅情況。

這集氣氛熾熱，主辯雙方大致分為「夢幻派」Shiga及「緊張大師」諾懿及阿賴

一共十集的《香港婚後事》逢周四及周五晚十點半翡翠台播映，節目主持為陳自瑤（Yoyo）、賴慰玲（Winki）、黎諾懿及羅天宇，第四集嘉賓是陳自瑤好姊妹之一的連詩雅（Shiga）。為好好照顧懷有六個月身孕的Shiga，諾懿與天宇窩心合力炮製營養豐富又均衡的營養餐給Shiga品嚐，天宇更大晒不為人知的煎魚神技，令Shiga大感驚艷。

估唔到羅天宇煎魚技術幾好

談到結婚半年左右便造人成功，Shiga坦言是在計劃之內，並謂到現在仍只有她和老公陳家樂知道BB性別，連老爺奶奶也不知道。談到得悉懷孕後心情，Shiga坦言由於當時激動過籠，破壞了原本安排好給家樂的驚喜：「佢放工返嚟打開門，我就喊到傻咗，嚇到佢…」Shiga又透露當家樂得悉將做爸爸後，回了一個反應令她大感意外，並透露家樂直到產檢一刻才落下激動的淚水。Shiga續指家樂自始變成緊張大師：「就算今日嚟拍嘢，佢都會問：『咁你使唔使行山、安唔安全？』」Yoyo即忍不住在旁補充：「連去廁所都要摻扶架。」Shiga聞言更正：「沖涼！沖涼！」又謂即使處理家中狗仔大小便，家樂現在也變成「爭住做」：「我係覺得有啲感動，你會見到佢真係有個轉變、好似成長咗咁。」Shiga又分享了老公的「男女有別湊狗」大法，並笑言家樂將來一定是嚴父。

連詩雅今晚呢集不但暢所欲言、仲真情流露。

佢大談自己當時點樣因為忍唔住爆喊，而搞禍咗原先準備好畀老公嘅驚喜。

佢話家樂第一次為個小朋友落淚，係喺產檢嘅時候。

今晚一集繼續氣氛熾熱，主辯雙方大致分為「夢幻派」Shiga及「緊張大師」諾懿及阿賴。小時候目標是生四個小朋友的Shiga，坦言不害怕生小朋友會影響夫妻感情，阿賴及諾懿聞言即大撥冷水，並異口同聲指自己已有六年「冇好好咁瞓覺」。之後諾懿更訴說升呢爸爸後的各種可怕經歷：「我（老婆生）第一胎嗰時，我頭十日有幻聽，成日feel到有小朋友喊…」之後還指女人生得B多會甩頭髮，嚇到Shiga大叫「好驚」，Yoyo見狀邊抱著Shiga邊教訓諾懿。阿賴則忍淚自嘲兒子出世後慘變「大喊十」，除了第一次見到兒子時感動爆喊，兒子所有的「第一次」都能令她落淚收場，包括第一次將飯放入口，相當誇張。

黎諾懿同阿賴原來一個係「緊張大師」、一個係「感動大師」。

阿賴話佢連見到阿仔第一次爬啖飯落口都有喊。

諾懿愈講愈興奮嚇親Shiga，搞到Yoyo忍唔住出手幫個friend定驚。

Shiga話有咗BB後，感受到老公緊張咗又長大咗。

Shiga為羅天宇激動到「動胎氣」？！

今集最精彩環節，繼續是圍攻羅天宇環節。眾人談到婆媳關係時，Shiga竟向天宇說：「我唔係話你唔好，你畀我感覺有少少似媽寶！」天宇聞言雖然極力否認，卻因而慘成圍攻對象，遭諾懿及阿賴連環以各式各樣的情境題「盤問」；最終天宇因不小心說錯了一句，遭Shiga指證：「咁即係媽寶！」全場隨即陷入爆笑狀態，天宇更著激動的Shiga小心「動到胎氣」。欲知詳情，密切留意節目。

佢哋傾傾吓，個矛頭又好自然咁去咗天宇度。最神奇係，連Suppose同天宇未係好熟嘅Shiga，都忍唔住係咁玩天宇。

睇吓個樣幾激動。