大埔有食店貼「休養一天」告示，原因是「老闆被老闆娘打」，更指如留言慰問更可獲謝禮一份。
(FB圖片）
大埔食店「休養一天」告示，原因是「老闆被老闆娘打」
有網民於Facebook專頁「D18 - 大埔友」投稿，表示日前經過大埔墟一食店時，見該店落閘沒有開門，閘上更貼出一張告示聲稱要「休養一天」，原因是「老闆被老闆娘打」。
電影《功夫》劇照
留言慰問可獲肥腸一份
告示更附上一張有人被紗布完全包裹，猶如木乃伊的假圖。告示下方甚至有「留言慰問區」，讓客人慰問老闆的傷勢，並承諾留言後可獲得一份肥腸作為謝禮。
路人親筆留言慰問
更有趣的是，果真有人親筆留言慰問「早日康復，唔好再激嬲老婆。打親邊度呀？斷味呀？小弟弟都打？！做咗咩事呀？打到成木乃伊，下次注意點」。
（FB圖片）
網民爆笑留言：已經報警
帖文引熱議，有網民爆笑表示「已經幫佢報佐警，警察好快去救人，大家放心！」、「老闆娘確實係話事嗰位，老闆都唔敢得罪佢」、「劏咗老闆？送嗰碟腸係咪老闆嘅腸？」、「電腦排版影印，似乎係有預謀and/or成日有」、「留句：抵x死」、「想知傷勢如何呀！係咪詞堂都爆埋？」、「小份肥腸，係咪老闆娘由老闆條腸切出嚟？」
示意圖。設計圖片
帖文來源：Facebook專頁「D18 - 大埔友」
日前有的司司機在FB群組爆料，指半山客打的往往無公屋客打的咁疏爽，指如27元的士費，付30元，十個半山客九個都要求找返3元！
示意圖。設計圖片
車資$27，十個有九個半山客都要找$3
有的士司機日前在的士司機facebook群姐發文，指「公屋客$27，十個有七八個$30免找、半山客$27，十個有九個都要找$3」其後更留言大爆還遇到豪爽的公屋客，寫到「馬鞍山公屋嗰班朝朝早搭舊幾水的士都排晒隊，私樓果班只係搭馬鐵」。
行家和應：連5毫子都拎埋出來畀我
這位的司司機帖文一出，即引來不少行家迴響。有駕駛新界的士行家附和，指接到有客人由元朗千色店去青年綠洲（青年宿舍），車費$23.5，客人給了40元說不用找續。但是諷刺的是「鳳琴街去世宙（私樓）$23.5佢連5毫子都拎埋出來畀我」。有另一位行家亦留言大呻接載過半山客「佢知道差唔多要跳錶就嗌落車㗎啦，唔會俾個錶超過$27」。
帖文亦引發了不少網民揶揄「私樓果d全部負資產」、「所以話住公屋D人，仲豪x過你班所謂半山有錢人」、「香港係咁，消費力最高，係住公司嗰班25-60歲的既人」、「你唔明？要你找返3蚊嚟供樓......」亦有人指出「得公屋，得天下」「呢句嘢唔係流的 」！
示意圖片
分析：公屋客及半山客價值觀大不同
不過有網民對此現像，從理財觀念上作出分析，並認為是公屋客及半山客在價值觀的不同，而出現如此不同！他們留言「就係因為看重錢，佢可以成為有錢人，嗰啲視$3如糞土嘅，繼續做窮人啦」、「公屋人窮不志在那幾元，豪畀你哋，中半山個個計算過怎同呢」、「冇錯，啲窮人搵$1000使$800，有錢人搵$1000萬一日，唔會使$800萬......」、「錢應駛得駛，所以人哋咪住半山囉」、「人哋住有錢地方就係將錢使喺值得嘅地方，識得理財先有今日」、「所以人哋咪住半山囉！錢係1蚊1蚊慳返嚟！有錢人點會益我哋一個素未謀面嘅的士司機啊」等。
資料圖片
網民：只有窮人先有同理心
也有網民認為最主要是一個是租公屋，一個是供樓的分別，「都係打工仔，住公屋個個月多萬幾兩萬使呀！」、「住公屋畀幾千蚊租，供樓就供2萬、3萬，邊有得講」亦有些網民認為公屋客較有同理心，「重點是……他們不知民間疾苦，一般都比較離地，我相信若果他們知道業界這苦況，他們也不介意付齊頭數」、「有錢嘅人只會剝削我哋依啲窮人，只有窮人先有同理心，所以窮人通常都畀貼士啲窮人，曾經窮過嘅都會」。
示意圖，《降魔的》劇照
網民一句講晒：越有錢越孤寒
亦有網民以一句老生常談的說話解釋這現像「越有錢越孤寒」，「孤寒先至會變成有錢」、「孤寒等於理財有道，闊佬等於亂使錢」。
