男團Loong 9拍手簽名會被取消 官宣因不可抗力無法舉行：很遺憾無法與大家準時相見

Loong9 拍手簽名會取消了！

由奧利、李權哲、冼靖峰、江信熹、梁詩煜、白子奕、文佐匡、黃奕斌、陳梁、張鎬濂，郭殿甲和陳鑫昊組成的男團Loong 9原定於本周日（4月28日）舉行《wwwtc mall x Loong9 拍手簽名會》，但突然宣布因不可抗力而無法如期舉行。

Loong 9官方微博發文寫道：「各位粉絲朋友們，十分抱歉！臨時接到主辦方通知，4月28日的活動由於不可抗力無法如期舉行，具體退票事宜请關注主辦方公告⬇️很遺憾無法與大家準時相見，我們懷揣期待，希望盡快能在中國香港與大家見面！」

Loong 9官方微博又轉發了DoReMii娛樂的帖文，內容如下：「LOONG9超話各位親爱的粉絲朋友，原定於2024.04.28（周日）舉辦的 《wwwtc mall x Loong9 拍手簽名會》，由於不可抗力的原因，未能如期舉辦活動，對於此事，給大家造成不便，非常抱歉。鑒於本次活動的巨大變動及更改，Doremii 將就票務及活動事宜安排如下：（A）已取得2024年4月28日拍手簽名會門票的粉絲，您可保留門票資訊至新的活動日期中（將再行通知）使用，門票價值及福利均承諾保持一致。（B）如您計劃放棄参與本次活動，請留意我們本周内發布的退票公告。我們將盡力協調並加速各渠道的退票方式及退票時間，感谢您的諒解！」

爆笑位相當多！

由王偉仁監製、林麗媚擔任編審的《神耆小子》，逢周一至五晚九點半翡翠台播映，主要演員包括鄭則士、冼靖峰、蕭正楠、樊亦敏、曹永廉、傅嘉莉、羅毓儀、魯振順、吳子冲及袁潔儀等。

大海相信綁匪嘅話，覺得係家人策劃綁架事件。

大海相信綁匪嘅話，覺得係家人策劃綁架事件。

《神耆小子》昨晚（5月7日）播出第二集，錢大海（鄭則士Kent哥飾）被綁架後因交通意外僥倖脫險，並以100萬利誘碰巧路過現場的趙一鳴（冼靖峰Archie飾）協助調查其家人是否如兩名綁匪所言是策劃事件的真兇。經過一輪「講價」，二人以158萬達成協議，一鳴帶大海回家製造大海失蹤假象方便查出真相。豈料，一鳴爸爸趙子勇（蕭正楠Edwin飾）原來與大海有積怨，子勇懷疑大海是當年指示人打斷他雙腳的幕後黑手，雙方一見面即爆發激烈衝突…另邊廂，大海情人洪玫瑰（樊亦敏飾）及兒子繼來（曹永廉飾）在綁架事件中均相當有可疑…

大海原本諗住喺一鳴爸爸面前博取好感。

不過佢哋一見面就火星撞地球。

Archie呢個調解員兼主持演得頗有喜感。

Edwin同Kent哥搞怪表情同啜核對白大激鬥。

Edwin同Kent哥搞怪表情同啜核對白大激鬥。

阿蕭冼靖峰獲讚有「父子相」
昨晚一集內容雖以查案為主，但爆笑位相當多，無論是Archie與Kent哥的棟篤笑式一唱一和，或是Edwin、Archie與Kent哥的舌戰式對壘均火花十足。Archie在演戲方面雖然還是新丁，但喜劇節奏意外地好，其中夾在Kent哥與Edwin之間進行談判的場口，Archie不時以主持式口脗說出「咁你有咩回應？」、「冷靜啲呢位先生」等持平說話；配以Edwin變化豐富的搞笑式嬲怒表情，及與Kent哥句句有骨的互寸對白：「正所謂仙女下凡塵，點可以搵個普通人，仲要係個流氓」、「咩叫有啲乞人憎，係非常乞人憎」等，大大增加觀看性，難怪網民正評夠搞笑，還大讚Archie以新人來說演繹相當自然。網民：「好睇喎，肥猫演技100分爆分」、「喺蕭正楠屋企嗰場笑C」、「Kent哥喜劇感一流」、「Archie雖然唔靚仔，但第一次拍劇又咁重戲份表現都幾好」、「初初拍劇仲要咁重戲份算係咁啦」、「我都覺佢做得好好，聽講鄭則士教佢好多嘢。」另Edwin與Archie在劇中飾演兩父子亦引發熱議，網民更分為支持派及反對派，支持派認為以阿蕭真實年齡，絕對能升任飾演Archie父親；反對派則普遍認為Edwin保養得宜，與Archie雖有「父子相」，但感覺似兄弟更勝父子。還有網民發揮創意謂：「會唔會其實係養父？」對劇情後續發展充滿期待。

Edwin同Archie嘅對戲勁有火花。

呢場戲視覺效果好震撼吓。

甩牙呢個point，笑咗。

據知劇集對白之所以如此啜核，除了是編劇功力，亦是主角Kent哥即場爆肚功勞。Edwin受訪時坦言與Kent哥對戲雖然很好玩，但腦袋絕不能鬆懈：「熟讀劇本係首要，但係腦筋都要轉得快，因為好多對白Kent 哥都會用自己嘅方式去演繹，唔一定完全同劇本一樣。加上我同Kent哥劇入面係冤家，好多時大家會度啲啜核嘢去鬧對方同糟質對方，成件事感覺好似邊拍戲邊玩，都好開心。」

錢大海嘅家人因為大海被綁事件互相指責。

錢大海嘅家人因為大海被綁事件互相指責。

長達兩分鐘對白相隔三日依然滾瓜爛熟
另一場Archie與Kent哥咬耳仔討論調查進度的場口亦相當抵死，二人不但連環咬了六轉耳仔，更兩度幾乎「面貼面」，配以Kent哥及Archie一個若無奇事、一個奇尷無比的演繹，相當爆笑。Archie受訪時透露該場拍攝相當難忘：「因為Kent哥想做到一shot落嘅效果，但我第一日唔係好get到應該點演，所以我哋最後都要分shot拍。我哋之後都因為拍唔到想要嘅效果好唔開心，好彩後尾因為under咗有機會畀我哋補拍，我哋真係十分鐘內搞掂咗個一shot落，仲要兩次就搞掂咗。雖然隔咗成三日先再拍，但我哋竟然都冇唔記得對白，呢件事真係好有滿足感。」

Kelly呢兩集嘅喊戲都處理得好subtle，難怪獲監製讚演技進步。