可宜誕下Baby George分享家庭相 感謝老公：成個孕期到BB出世都將我服侍到成個女王咁

恭喜晒！

可宜早前已誕下Baby George，日前已出院並回到家中。

Baby George已出世

超可愛

齊齊派心

爸爸笑到見牙唔見眼

全家福

可宜做媽媽了

可宜表示：「BB出世返到屋企，成日都好鍾意笑，日頭係小天使，夜晚係小惡魔，成日扭計唔瞓，不過好彩爸爸係神隊友，BB仲一定係留返啲popo俾爸爸換，更加試過凌晨噴到爸爸成手都係poopoo ～～ 我每晚負責泵完奶，餵完奶，就休息，全部交俾老公 。而且BB個樣都開始慢慢改變，變得越嚟越鬼仔👶🏼 Baby George 喺香港港安醫院—荃灣平安出世啦❤️  回想BB出世一刻真係好感動，好多謝婦產科張智醫生好快手又安全咁拎bb出嚟(好記得臨開刀前,我仲捉住醫生隻手話：好驚啊🥹🤣) 一出世個仔就喊得超級大聲，但最驚嚇都係見到佢個樣十級似爸爸😱個口仲要大過我👄…….好彩而家都慢慢開始似我😌特別係對眼👀  成個孕期，都有張智醫生專業細心嘅照顧，每次產檢醫生都詳盡解釋我嘅情況，令我好安心❤️ 阿仔出世就有兒科楊萬鋒醫生幫佢做檢查，醫生仲話BB手腳👐🏻🦶🏻所有”部位”都特別大😏🤫喺醫院我除咗餵奶，其他時間可以全程休息，夠瞓幫到我好快上奶，休息得好好，所以我身體復原得快🥰感謝每一位關心同祝福我嘅朋友！ 感謝荃灣港安醫院所有婦產科門診同病房護士，特別係高級護士長Ruby，每位都溫柔貼心咁照護我同BB。仲要好多謝Gigi😘😘每一次複診都湊住我哋，冇妳真係搞唔掂😛仲有最錫我嘅媽咪，由生產嗰日開始寸步不離照顧我🥰最後當然多謝我老公，由成個孕期到BB出世都將我服侍到成個女王咁 👑」

鄭啟泰和可宜7月15日現身灣仔香港藝術中心壽臣劇院為兒童音樂劇「屋簷下」演出。現年56歲的鄭啟泰表示今次與一大班小朋友一齊演出音樂劇，令他有很大感觸，同時亦泛起生B的慾望！

鄭啟泰（Eric）和可宜為兒童音樂劇「屋簷下」演出。

兩人表現合拍！

兒童音樂劇「屋簷下」故事大綱講述七十年代的香港活力四射，機遇處處。當時許多人相信香港是一個令夢想成真的地方，只要刻苦耐勞就能夠克服重重難關，實現人生目標。像大多數年輕氣盛想出去闖蕩一番的年輕人一樣，李氏長子和他的妹妹也對未來懷抱著美好的憧憬和願望。但是，由於父母的期望和家庭的責任，他們被迫隱藏起内心的想法和欲望。作爲李氏涼茶舖的第十一代傳人，父親希望兒子能夠保留傳統，繼承衣鉢。長子和妹妹們會爲了家庭而放棄自己的夢想、或是他們會不顧社會期望，打破傳統家庭觀念的桎梏，堅定不移地追逐他們渴望已久的生活嗎？

兒童音樂劇「屋簷下」

鄭啟泰表示今次能夠同一大班小朋友一齊演出音樂劇，令他有很大感觸，同時亦泛起生B的慾望。

《屋簷下》這齣音樂劇是對香港懷舊和地道文化的致敬，而劇本、歌曲、歌詞、編舞和導演全都是由香港本地藝術家創作。故事講述在急速變遷的時代下，家人、朋友和鄰居之間不同世代的人如何面對觀念發生碰撞而爭吵，最終能用愛融化，互相包容、體諒和理解。

黃建東同瑪姬亦有到場欣賞。