有食客於上水小食店買了$22燒賣，以八達通付款後看單據才知付了$33，店家更著他再拍一次卡，事主這樣做免被騙。
（資料圖片）
食客買$22燒賣被收$33
該食客於Facebook群組「中伏飲食報料區」發文，表示日前到上水港鐵站某小食店購買了兩份燒賣，價值$22，當他使用八達通付款後，再看單據，竟發現自己被收取了$33。他立即向店員查詢原因，但店員卻堅稱自己並未按下$33的支付金額「我問點解收$33？佢話我按了$33？我都冇按」。
FB圖片
店員聲稱未過數，要求再拍卡，食客機智應對
後來，店員將收費金額調整為$22，並要求樓主再拍卡付款，但樓主拒絕，於是店單拿出單據表示沒有過數「拎住一疊機出既紙，在沒給我看的情況下說沒有$33條數」。樓主不虞有詐，拿出手機查看八達通App的消費紀錄，顯示$33已過數，店員看到後才同意將多收的$11退還。樓主懷疑店員存心詐騙「街市式博大霧昆食客$」。
圖片來源：八達通官網
網民狠批：慣犯！
帖文引熱議，不少網民認為店員是慣犯「慣犯手法，朝早自己姓乜都唔知買完早餐就走啦」、「慣犯手法喎」、「騙徒手法層出不窮」、「唔係上水店，油塘店都係，所以而家少咗食，而且又加咗價」。
網民籲：看清楚先好拍卡！
有網民則勸告「現在太多這種搏懵。真是要每次拍落去之前望清楚銀碼」、「最好看清楚銀碼是否正確才拍咭」、「太多奸商，保障自己，睇清楚先好啪」。
(Getty圖片)
帖文來源：Facebook群組「中伏飲食報料區」
港媽到大埔茶記買三文治外賣，囝囝「食食下卜一聲」再吐出異物，於是致電投訴，店家竟咁回覆惹公憤，網民揭：呢間一向西。
示意圖。設計圖片
大埔茶記外賣三文治出現異物
該港媽於facebook群組「大埔人大埔谷」分享中伏經歷，表示日前到大埔昌運中心一家茶餐廳購買外賣「芝士火腿三文治」，豈料回家後囝囝「食食下卜一聲」，再吐出一塊「硬膠」。從照片可以，小朋友吐出來的「硬膠」為白色、呈不規則三角形，驟眼看好像一顆掉下來的牙齒。
（FB圖片）
店家態度惡劣「大聲過我，差到無朋友」
樓主見狀即致電店家反映，店方得悉後竟未有即時道歉，還大大聲「我地而家好忙，唔得閒送過比你」，然後更冷冷地問了一句「想點？」樓主氣憤表示「呢個明顯係佢地責任，仲大聲過我，真係差到無朋友」。
（FB圖片）
網民建議報食環
帖文一出，不少網民批評店方不負責任「直接剷落去同佢講啦！你唔好講到想呃多你份三文治咁，小朋友食架，唔小心吞左咁點呀？」、「吞咗後果不堪設想，咁嘅態度，建議報食環」、「報食環可能會令佢有所明白」、「吞落去大鑊，大人細路食倒都唔好啦」、「如果係我就會即時報警，攞埋檔案編號，再報食環」。
（FB圖片）
街坊揭：呢間一向西
有街坊則指該店員工一向態度惡劣「一向西地方，冇吃6年以上」、「個女人不嬲係咁」、「這個店根本不值得去，收銀及服務員態度奇差！」、「不嬲西，仲西足幾廿年」、「入咗黑名單好久了」、「尤其收銀個女人之前都唔係好語氣，最近更加乜都唔滿意」、「呢幾年一次都冇去過，佢忙佢既事，遲早佢哋會好得閒」、「幾個月前去食早餐，聽到個女樓面數D過年冇俾利是既客人」、「態度超西，從此發誓永不幫襯」。
帖文來源：facebook群組「大埔人大埔谷」
