經典「紙戒指」求婚重現強攻網友集體回憶!
由劉家豪總監製、陳志江監製、岑國榮、孫浩浩擔任編審的《逆天奇案2》,本周一至周五晚八點半翡翠台播映結局篇。昨晚(6日)一集講到森Sir(陳展鵬飾)被陷害入獄後,阿Wing(林夏薇飾)前往探望;二人經歷過各種患難後,阿Wing終發現原來心底一直都放不低森Sir,她隔着玻璃向森Sir說:「你出返嚟之後,有件好重要嘅事要做,明明我成日叫你『同事』,原來有啲嘢係呃到人,但呃唔到自己,今次呢件事我發現我哋都唔可以冇咗對方,你心入面有我,我心入面都有你。我睇到你條路變得好難行,我好心痛,我想話畀你聽,我好想同你一齊行。」
點擊看圖輯
薇薇同展鵬經歷咗咁多嘢後,終於發現自己其實放唔低展鵬。
薇薇喺展鵬最艱難時期都冇離棄佢不特止,仲調番轉頭向佢求婚,女友力Max!
蔣祖曼態度明顯軟化,由「以後唔好同我提結婚兩個字」演變成「唔好提結婚住」,唔怪得黃智賢咁開心啦。
「國民女友」 薇薇返嚟喇,佢向展鵬求婚!
薇薇同展鵬經歷咗咁多嘢後,終於發現自己其實放唔低展鵬。
薇薇喺展鵬最艱難時期都冇離棄佢不特止,仲調番轉頭向佢求婚,女友力Max!
紙戒指求婚靈感源自陳展鵬親身經歷
之後阿Wing戴上當年森Sir向她求婚的紙指戒,並說:「許浚森,你仲願唔願意娶我呀?我諗咗咁耐,鼓起咁大勇氣先敢向你求婚,你唔係諗住Say No呀嘛?」森Sir即說:「娶,我梗係娶你啦!」最後兩人隔着玻璃做出定情Finger Cross手勢,配以展鵬獻唱的插曲《後悔萬年》做背景音樂,浪漫指數爆標。上輯被封為「國民女友」的薇薇,昨晚一集大晒最強女友力,不單對陷入人生低谷的森Sir不離不棄,更主動向他求婚,絕對是患難見真情。而薇薇戴上紙戒指一幕,則引爆上輯森sir摺紙戒指向阿Wing求婚的浪漫集體回憶!其實紙戒指求婚情節靈感來自展鵬親身經歷,他曾經公開現實中亦是以紙戒指向太太單文柔求婚,相當浪漫。
冧豬指數爆標。
薇薇於笑臉跌出淚水呢個樣無敵!
網友諗番起上輯展鵬用紙戒指求婚一幕。
網友諗番起上輯展鵬用紙戒指求婚一幕。
「麻煩老爺」李龍基出招補鑊 黃智賢蔣祖曼婚事有轉機
另邊廂,Nic Sir(黃智賢飾)和Hazel(蔣祖曼飾)的關係亦有所進展!原本Hazel因Nic Sir爸爸福伯(李龍基飾)要求簽婚前協議書煞停婚事,來到結局篇,知衰的「麻煩老爺」福伯急急出招補鑊,與Nic Sir和Hazel吃飯時,透露睇相時被批印堂發黑將面臨劫數,借意催兩人結婚沖喜,講明不用再簽婚前協議之餘,更賣口乖謂:「我搞個龍捲風出嚟你哋都頂得順,一段感情經得起波折,一定打風都打唔甩!」Hazel聽畢態度明顯軟化,由「以後唔好同我提結婚兩個字」演變成「唔好提結婚住」,看來二人關係柳暗花明。
「麻煩老爺」李龍基出招補鑊。
再向黃智賢同埋蔣祖曼逼婚。
蔣祖曼態度明顯軟化,由「以後唔好同我提結婚兩個字」演變成「唔好提結婚住」,唔怪得黃智賢咁開心啦。
張頴康:「我要全香港同我老婆陪葬!」
由劉家豪總監製、陳志江監製、岑國榮、孫浩浩擔任編審的《逆天奇案2》,今晚(10日)八點半翡翠台播映大結局。昨晚(9日)一集高潮迭起,冠峰(方力申飾)Big Boss身份終被揭穿,Ana(馮盈盈飾)成功解密未婚夫Daniel(高鈞賢飾)電腦,以Daniel研發的軟件發現冠峰真正身份便是Perses!森Sir(陳展鵬飾)和Nic Sir(黃智賢飾)隨即帶隊到大學拘捕冠峰,冠峰藉住和學生做羊群心理實驗時,成功變裝逃過追捕。及後冠峰被之前救過的流浪狗小白帶到廢棄教堂,得到新的啟發……
小方嘅底牌終於被揭穿!
盈盈成功破解高鈞賢電腦嘅密碼,利用高鈞賢研發嘅軟件發現小方就係Perses。
小方使計逃避追捕。
狗狗小白帶小方去到一間教堂,小方因而得到新啟發……
另邊廂,被魏子樂(張頴康飾)禁錮的悠倩(劉佩玥飾)出盡辦法終於成功逃走,但其實是子樂故意放走她。後來森Sir和Nic Sir接報到中環核心地帶某大樓天台處理懷疑炸彈案,該炸彈是攜帶核輻射物質的骯髒彈,一旦引爆隨時造成大規模傷亡。與此同時,Big Boss子樂在網上上載影片承認責任:「今日係我老婆死忌,為咗紀念呢一日,我預備咗個骯髒彈送畀大家!」最後更瞪大雙眼對着鏡頭怒吼:「我要全香港同我老婆陪葬!」
張頴康故意放走劉佩玥。
Big Boss張頴康癲到放骯髒彈,誓要炸爆中環為太太報仇!
此外,飾演女主角阿Wing的林夏薇亦有亮眼演出,與展鵬重修舊好的薇薇,大晒冷一次過換上三款婚紗,有前後Deep V婚紗、露肩婚紗和入膊式露背高衩婚紗。出名身材好的薇薇完美Carry三款不同類型婚紗,大晒白滑香肩、完美玉背和無敵長腿,非常搶眼。
薇薇靚靚婚紗三連環:第一套前後Deep V婚紗。
露肩婚紗。
最後呢套婚紗,露背又露長腿,咁索得唔得㗎?
兩大IP《逆天》x《法言人》夢幻聯乘
今晚(10日)一集大結局亦睇頭多多,先講劇情,由於骯髒彈的輻射量實在太大,負責拆彈的兩位專家不敵輻射當場斃命,在大家一籌莫展之際,Ana於暗網找出拆彈方法,可是負責上天台拆骯髒彈的人一定會中輻射身亡,森Sir和Nic Sir為了拯救香港決定以身犯險,兩人最終決定擲公字決定誰做「死士」!
陳展鵬同黃智賢究竟邊位會做死士呢?
家豪哥同太太梅小青驚喜客串,更會對簿公堂。
馬國明化身《法言人》「金師爺」亂入!
大結局還會有三位重量級人馬驚喜客串,分別是《逆天2》總監製劉家豪、家豪哥太太梅小青和視帝馬國明。《逆天2》是家豪哥的榮休之作,家豪哥拍攝時亦早已埋下彩蛋,繼早前仔仔一家客串演出後,來到大結局家豪哥和太太小青姐爽性攜手上陣送驚喜!現實中恩愛到爆的兩公婆在劇中竟然「擘面」對簿公堂,火藥味十足!至於視帝馬國明將化身《法言人》「金師爺」玩亂入,兼重現《法言人》經典金句「掂呀」,兩大IP劇《逆天》X《法言人》夢幻聯乘,驚喜指數爆標。