壹傳媒創辦人黎智英與《蘋果日報》3間相關公司涉串謀勾結外國勢力案,第七十七日聆訊下午續審。證人國安處偵緝警署警長黎國勇續接受辯方盤問。黎國勇承認把判詞交給張劍虹後,與其聊天談及「獄中日常」,沒特別原因,亦非上級指示,但不同意在逾3小時的會面中是要游說對方做控方證人。另黎國勇同意曾於2022年8月11日至11月9日期間,探訪另一從犯證人陳梓華14次,進行了3次錄影會面,但期間陳沒提過其供詞不準確。
辯方問及,為何黎國勇沒有遵從上級指示,送達判詞後便離開?黎國勇答稱「冇特別嘢其實」。就其供稱張劍虹閱讀判詞20至30分鐘後,兩人再於會見室內靜默10分鐘,辯方問到有何目的?黎稱沒有。
黎國勇指離開收柙所時有簽署「流水簿」 惟不知張劍虹有否簽署
黎國勇指於當日下午2時45分完成探訪後,張劍虹先離開會見室,他再離開,辯方指正常做法應是探訪者會先離開,其後再由懲教人員帶扣押人士離開,黎國勇稱「我當日唔係,係佢走先我再走⋯我淨係知道(懲教人員)將佢帶離會客室之後,由同一位懲教同事帶我離開個閘」,強調不清楚懲教署安排。
辯方問到,黎國勇有否在張離開前,告知懲教人員有文件給他?黎國勇指,他本人沒說過,但懲教人員有問張「警察有冇嘢畀你」。法官李運騰問及,張劍虹最終有否帶走判詞?黎國勇指「佢畀懲教署職員睇,就係呢啲(文件)啦,懲教署人員就將張劍虹帶離我視線範圍」,同意自己離開時,判詞在張劍虹手上。
辯方續問,黎國勇及張劍虹有否簽署「流水簿」(occurrence book),記錄交收判詞一事?黎國勇指,離開時有簽署,並提交「閘紙」,但沒留意張有否簽署。辯方問到,黎國勇需否在「閘紙」上簽署?他稱「唔肯定,應該係唔需要」。辯方指,黎國勇是否知道將未經授權的文件引進監獄是刑事控罪?黎稱知道。
黎國勇供詞以「獄中日常」涵蓋與張劍虹對話內容
辯方提到,黎國勇今早在庭上稱,張劍虹閱讀判詞約20至30分鐘、及後思考約10分鐘;其後黎國勇問張劍虹「你無特別嘢嘛」、及「無特別?咁不如我哋傾下計」。辯方指,上述證供在黎國勇的供詞、警員記事冊和調查報告均沒提及,黎國勇同意,並稱「呢啲唔需要」。辯方問到,黎國勇和張劍虹當時的對話內容,黎國勇稱,其供詞中用「獄中日常」涵蓋了全部。
辯方問到,與張劍虹傾談獄中日常,是否上級的指示?黎指「張劍虹講嘢我冇阻止佢,我由得佢講嘅,其實係一個正常嘅交談」。辯方指,黎國勇指是「交談」,即是他有份說話?黎國勇指自己是「回應」。辯方續問,他回應了甚麼?黎國勇稱「佢一問一答,其實好詳細點對話,我真係唔記得,隔咗咁耐,係圍繞住佢嘅獄中日常」。辯方指,黎與張的對話,不是與調查刑事控罪、認人手續有關?黎同意。辯方形容,兩人聊天更像朋友關係?黎指「唔講得上係朋友交談」。
黎國勇同意沒原因與張劍虹談及生活日常
辯方問及,黎國勇是否同意,他獲得的指示僅是傳遞判詞,他沒有原因與張劍虹談及其生活日常?黎同意。辯方又問,黎與張的交談是警方職務之一?黎同意。
辯方提到黎國勇的警員記事冊,只記錄了早上10時往荔枝角懲教所,下一個記項已是下午4時返回辦公室,問及為何黎國勇不記錄完結聊天的時間?黎答稱「我自己認為唔需要」。辦方指,黎抵達辦公室後,向警長4081劉永玉(譯音)講述探訪張一事,當時僅表示「『喂,我返嚟啦』,就係咁多」,否認曾向對方報告。
辯方問到,劉永玉是否負責保存紀錄?黎國勇稱「我相信係,因為佢唔係我直接下屬,唔確實知道」。辯方問他知否劉當時負責張劍虹的案件?黎國勇稱「淨係知道佢嗰隊,邊個處理我唔知」,又指自己與劉均隸屬C1隊,惟屬不同小隊。法官李運騰問到,黎國勇不是記錄會面完結,而是紀錄整個工作完成?黎確認。
辯方問及,黎國勇事隔很久仍可記得當時情況?黎稱「因為當時我都覺得時間都長嘅,張劍虹未食飯,而我都未食午飯,好肯定當時睇睇個錶,記得個時間係3點前」。辯方問為何黎不記錄面談完結的時間?黎稱「我覺得未必需要,因為我離開懲教署,懲教署會有我離開嘅時間」。
否認想游說張劍虹成控方證人
辯方又指,黎與張劍虹聊天逾3小時,因黎想游說張成為控方證人?黎不同意。黎國勇又確認,首次探張劍虹後翌日、即2021年11月12日再與偵緝警員4315往荔枝角懲教所探望張,但當時有人正探張,故黎在外面等候一會。辯方指,當張與黎見面,表示想做控方證人,是否使他感驚訝?黎稱「會呀」,但不同意辯方指,黎游說他成為控方證人,並著他想一晚。黎國勇重申「我唔係喺新聞聽到(張的供詞),冇刻意去聽呢件事喎,亦都唔會影響我嘅紀錄、記憶」。
黎國勇探訪陳梓華14次 進行三次錄影會面無提及供詞不準確
辯方另問及黎國勇探訪從犯證人陳梓華的情況,指2022年8月11日首次往小欖精神病治療中心探訪陳,黎國勇稱「應該係」。辯方指由2022年8月11日至11月9日期間,黎探訪陳14次,會面約670分鐘,曾進行三次錄影會面,陳梓華從沒提過他曾在三次錄影會面中說謊。辯方問及,在14次探訪期間,陳有否告知黎,其早前證人供詞是不準確?黎稱沒有﹐又指兩人會面時,陳沒取出供詞閱讀。