朱鼎健搞跨界別快樂crossover

每屆觀瀾湖高爾夫球明星賽巨星雲集，集團主席兼行政總裁朱鼎健可謂功不可沒，搞咗呢個明星賽，唔經唔覺就嚟到第四屆，唔同界別的名人一起交流、切磋，歷屆以來都受到海內外傳媒關注。

朱鼎健（右）

朱鼎健喺開幕式上形容，參加明星賽的嘉賓都係健康、快樂、友善同和諧的傳播使者，佢覺得大家喺呢個平台上互相交流，不單在各自領域上發揮輝煌，亦走在一起crossover，發揮更大魅力。

朱鼎健（右三）

朱鼎健對於推動跨界別合作有獨特見解，並將佢同觀瀾湖發展結合起上嚟，真係幾有遠見，好似佢打造海口觀瀾湖度假區，除咗原有出名的高爾夫球外，仲有休閒的地方，亦有一個新城區，當中引入香港蘭桂坊，有一條酒吧街。

周杰倫與朱鼎健

更重要的佢喺建造呢個項目時，同中國一啲著名導演包括馮小剛合作，例如打造了一條1948的街，馮小剛喺呢度拍過戲，呢條街之後就成為旅遊景點，仲有南洋街項目落成，結合電影、消閒和運動的意念。而明星賽仲引入愈來愈多慈善活動，就更加令這些所的跨界別合作，就更有意義啦。

Sebastian

** 博客文章文責自負,不代表本公司立場 **

旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。

Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。

「旅遊義工」Agnes退休前任職跨國公司管理層。

退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。

收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。

因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。

Agnes話，每當想起這段回憶，自己能夠幫老人家完成心願，好有滿足感。

退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。

由新加坡回流香港發展的Marco，透過參與「旅遊義工」計劃重新認識香港。

Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。

由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。

做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。

最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。

各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。