51歲唱作歌手吳國敬，相隔18年再戰樂壇推新碟，碟名《AMPLITUDE》隱喻人生高低起落。身為澳門馬主的吳國敬形容自己是一匹高質馬，「之前因為有傷患要隱退一段時間，而家已好番晒，可以朝大賽出發。」
吳國敬形容自己係一匹超班馬，依家狀態大勇。
一生中最愛女友、馬匹及音樂的阿敬，自87年推出首張唱片《玩火》，到1998年出完《其實我深深愛著你》後轉做幕後，阿敬坦承一切來得不易，做幕後受好多打擊，之後想錄唱片又因市道欠佳難成事。
專輯名《AMPLITUDE》隱喻人生高低起落，當中會翻唱9首阿敬心頭好作品。
阿敬感慨直至遇上伯樂羅傑承夫婦，談到合作時阿敬手口並用，講到好興奮，「錄音過程又遇到問題，結果錄咗10個月時間，件事一波多折真係好曲折離奇，不過我好享受呢個際遇，控制唔到先叫做人生，我諗依家我嘅衰運都走晒。」
羅傑承夫婦幫吳國敬達成心願，做回唱作人。