陳志雲、王喜、胡諾言及葉童等為舞台劇《雷雨对日出》綵排,陳志雲謂劇中跟葉童有親熱戲,葉童會捉住他隻手摸心口,又會幫他抹汗同撥扇。問到有何感覺?葉童笑言好硬淨,不過陳志雲笑謂:「去到個心又唔落低啲。」
陳志雲同王喜晒腳毛後,就自爆同葉童有親熱戲。
陳志雲大爆王喜排戲後沒有落妝便乘搭地鐵,不過無人望過半眼;王喜笑謂返到旺角都無人理感覺好沮喪。陳志雲透露為演出該劇經常要跪地,江美儀就建議他應戴護膝,最搞笑當他拉起褲管時被發現腳毛不多,王喜即謂:「大家睇下,佢無腳毛㗎!你係咪自己剃?」陳志雲即還擊指自己天生麗質。
葉童、陳志雲和王喜
胡諾言表示尾場會加插打陳志雲戲份,陳志雲即叫對方小心點會還擊。談到該劇既加時又加動作,陳志雲表示該劇好抵睇,王喜指首次演舞台劇可演得較誇張,陳志雲又笑對方一直咁誇張。
《雷雨对日出》綵排。
葉童之前曾與陳志雲合作舞台劇。(資料圖片)
胡諾言與陳琪的二女Jacey不但外貌標緻,還暴風式成長,已長高到胡諾言下巴位置。
胡諾言(Jack)與陳琪(June)於2009年結婚後先後誕下兩女一子,分別是現年14歲大女胡芷苓(Jay)、11歲二女胡芷悠(Jacey)及7歲細仔胡澔錕(Jayden)。陳琪於2017年離開TVB後主力照顧家庭,之後更成功轉型做親子及美容KOL,而胡諾言亦於2022年與公司改變合作模式,主力做《流行都市》主持,其餘時間就陪伴家人周遊列國。兩公婆不時在社交平台分享家庭照,近日二女Jacey一張近照更令網民驚為天人!
胡諾言與陳琪結婚15年。
一家五口。
全家經常一同去周遊列國。
兩公婆又不時在社交平台分享家庭照。
陳琪的直播工作做得有聲有色。
陳琪日前在Facebook貼出一張老公與二女的合照,並留言:「Jacey北京遊學團開始,爸爸陪同一起親子體驗中華文化,媽媽先回家湊囡湊囝,因為屋企仲有兩個麻煩友,感謝學校安排!」相中可見,紮起孖辮的Jacey外貌標緻,而且暴風式成長,已長高到胡諾言下巴位置,網民紛紛留言大讚:「囡囡越大越靚女」、「Jacey妹妹越大越靚女!好快可以參加香港小姐喇」、「囡囡清純可愛,樣子甜美」、「好靚女,又是個小美人兒」、「真係超靚女,越大越靚女」、「囡囡越大越靚女,清秀可人,似媽咪呀」、「個女簡直係你兩個混合體,好靚女吖」、「真係好靚女,越大越靚,星味十足!」
二女Jacey好靚女!
事實上,陳琪兩個囡囡都越大越靚女,早前陳琪曾分享帶三名子女出席朋友婚禮的照片,可見兩個囡囡都穿上吊帶裙,打扮極有少女味,14歲的大女Jay長得更高䠷,而且比較斯文端莊,而11歲的二女Jacey則較時尚,陳琪還曾大爆踏入少女階段的Jacey已變得十分貪靚,試過為了黐假眼睫毛,而一早起床不斷練習。
兩個囡囡都越大越靚女。
早前陳琪曾分享帶三名子女出席朋友婚禮的照片。
大女Jay長得更高䠷,而且比較斯文端莊。
二女Jacey則較貪靚。
又熱愛打扮。