謝賢（四哥）接受有線節目訪問，透露與狄波拉（拉姑）辦完離婚手續後竟在街上擁抱！四哥笑道：「因為太開心，我仲抱住佢轉咗三個圈，睇到我地雙方律師都呆咗，哈哈！」他和狄波拉結婚25年後離婚，至今依然是好朋友，與拉姑現任老公的關係都不錯，又細數一生五段情。
四哥細數與嘉玲、蕭芳芳、甄珍、拉姑及現任女友Coco的戀事。
四哥同拉姑仍是好朋友（資料圖片）
除了拉姑，四哥還細數他生命中其餘四位重要的女人：「第一個係嘉玲（息影女星），同佢失敗咗，係因為當年我太貪玩，因為細個無錢，後來有錢咪出去喪玩囉，玩到有日佢突然同我講要結婚，然後就嫁咗去泰國！」
四哥不想誤了芳芳，決定放手，覺得自己做咗件偉大的事。
蕭芳芳係四哥第三個女朋友，四哥愛惜地說：「芳芳好乖，係我決定要離開佢嘅！因為有日佢提議我去學英文，我心諗，我連玩都唔夠時間玩，你仲要我去學英文？不過我從而知道佢係個好女仔，咁我就唔好害人啦！最後決定退出，我覺得自己做咗件好偉大嘅事！」
四哥與現任女友已拍拖十年有多，佢坦言不會再婚。
四哥和甄珍的結合是在光藝年代，二人拍拖四年，結婚一年便分開。四哥憶述：「簽咗離婚紙後，我揸車上咗山頂喊咗15分鐘，然後我同自己講，過講咗去啦，唔好再諗，然後就放低咗！」
