澳門出解放軍 趕在下個風前控制災情

澳門在天鴿侵襲之後搞到一鑊泡，除了死得人多之外，災後清理亦出現大問題，終於在今早向中央政府要求，批准解放軍駐澳部隊出動1,000人，協助政府救災。

搞到要出解放軍，都算罕有。香港評論家就猜測，中央是否借澳門災情，搞出解放軍出營的先例，順便做埋俾香港睇。

但澳門朋友就話，香港人想多了，而家已經係災後兩天，澳門仲係七國咁亂，好多街道亦然被樹枝垃圾阻塞，自來水又未回復供應，最新公布係暫停接待旅行團，幾大鑊可想而知。由於香港清理工作已經完成，唔知澳門有幾慘。澳門政府搞唔掂，唯有叫解放軍，而當地人對解放軍幫手甚為受落，覺得會有效率過政府好多。

佢話今個星期日另一個颱風又到，若不能在明天(周六)前清理好，道路未開通，衰起上又出事，消防都唔知點去救人，今次有些地方係消防5、6個鐘才到，俾人鬧到反艇，盡快清空路面，係最急需的事情。

澳門朋友又話，澳門9月17日舉行立法會選舉，距令只有3個星期，呢次風災勢成為立法會選舉的重要議題，政府搞得愈差，建制派的壓力愈大，阿爺見到都心急，出解放軍幫幫手，只係防止問題再惡化。

Ariel

** 博客文章文責自負,不代表本公司立場 **

匯賢智庫理事會主席葉劉淑儀又有新搞作，計劃在下月中港搞「2024全球繁榮峰會」，邀請全球近300個嘉賓來港，討論影響全球繁榮的議題。

葉劉淑儀計劃在下月中港搞「2024全球繁榮峰會」。

峰會邀請了諾貝爾化學獎得主、國際結構生物學權威羅傑．大衛．科恩伯格教授（Professor Roger D. Kornberg）擔任主題演講嘉賓，主講者甚有份量。

諾貝爾化學獎得主科恩伯格教授將擔任主題演講嘉賓。

葉太話希望外國朋友嚟香港睇睇，香港一切冇變，生活如常。佢話香港應有角色，應該是缓沖區而不是戰場，要推動民間交流。

峰會的演講嘉賓，還包括知名經濟學家、霍普金斯應用經濟學教授漢克（Steve Hanke）。

葉太又評估政治形勢，話23條立法已經軟著陸，美國暫時不會太強硬針對香港。她每日收到有關外國對香港的新聞簡報，發覺近日外國已不太關心香港政治，主要關心經濟問題，例如某些外資銀行裁員等等。

她認為，美國宣佈針對香港23條立法的行動，主要是國務卿布林肯話，要限制香港相關官員入境美國。但布林肯的限制名單不會公開，正如香港拒絕外國人入境也不會公開名單一樣。

她判斷美國今次對香港23條立法的回應，比上次2020年針對香港國安法的回應克制。當然仍然要鬧美國干預香港事務。