人夫王浩信近排頻爆緋聞，搞到傳出婚變咁件事，好彩最後兩公婆出來澄清。不過，王浩信似乎繼續緋聞纏身，被傳與爆乳陳偉琪有染。他就話唔識對方，緋聞係無中生有。
近排話題人物王浩信同李佳芯（Ali）出席手袋品牌活動。王浩信揀選手袋送給太太陳自瑤（Yoyo），他坦言甚少時間陪太太，送手袋是借花敬佛，多抽時間陪太太才是重要，太太亦很理解。不過他指Yoyo不太喜歡收手袋：「有段時間我送手袋佢有少少反感，可能顏色唔啱，佢好實際，唔崇尚名牌，最緊要財政同精神上畀多啲支持，佢照顧小朋友學業好辛苦。」
被指與陳偉琪有染，王浩信話唔識對方。
對於婚變傳聞剛平熄，又傳他與爆乳陳偉琪有染。指他在將軍澳住所同幢多租一個單位，表面上是工作室，實質是私竇，方便招呼朋友。面對新一單傳聞，王浩信一於懶理，並在社交平台上載昨日出活動的合照，向揸機自拍的陳敏之笑問：「家姐！點解你send俾（畀）我啲相隻眼好似大左（咗）咁嘅」。
王浩信又說：「唔知佢係邊個，唔識呢個女仔，希望大家唔好傷害其他人。（你曾與對方於《溏心3》合作。）唔係我條線，冇同場合作。（最近很多桃花。）希望將呢啲桃花轉為Fans力量…無中生有，做呢行咁耐明白，亦唔需要向太太解話。」
王浩信讚太太慳家。(資料圖片)
另外，王浩信與Yoyo財政獨立，但不介意交給太太管理財政，讚太太慳家，並指Yoyo自稱是「智慧女神」。快將升讀小學的囡囡面臨面試，浩信必會度期陪囡囡，他指第二輪面試要接見父母，為表達誠要互相配合，分擔小朋友事務。
