幫囡囡出聖誕碟 陳國邦羅敏莊錄歌享家庭樂

陳國邦和羅敏莊（MiMi）的五歲囡囡陳禛（Jan Jan）一向甚有表演天份，平日只一開心就會自動高歌又起舞。為了幫囡囡和自己留下美好回憶，阿邦與MiMi就碌盡人情卡，幫囡囡錄製聖誕雜錦歌和唱片，還邀請攝影師好友借出場地及操刀為囡囡拍攝新碟宣傳照，順道享受家庭樂。

雖然拍攝時間長達大半日，但向來「電量十足」的Jan Jan完全唔覺攰，加上拍攝現場擺設精緻，她全程仿如置身遊樂園，四處八卦探索及遊玩，玩得不亦樂乎，但每當正式拍攝時，她卻未能自然地釋出平時燦爛的笑容，這時候阿邦和MiMi便會伸出「神之手」為她搔癢，而每次都必定成功過關，場面溫馨又搞笑。

事後，MiMi一家三口受訪時，笑指幫囡囡錄歌是爸爸的意思，阿邦聞言即直言不諱謂：「呢個係一個美好回憶，尤其我哋都係藝人，要做呢件事好易，好似依家咁，有成隊人去拍我哋，出嚟效果會好靚好放心，對我哋嚟講，都係想為女留好特別回憶。」

MiMi亦直指不捨得囡囡大得這麼快：「阿女把聲成日都唔同，我老公就成日催我快啲幫個女錄歌，因為再大啲錄把聲又會再轉，真係好想留低佢咁得意把聲，會係我哋好美好嘅回憶。」

問到Jan Jan錄歌時的趣事，MiMi笑言是安撫囡囡和為囡囡首度踏入錄音室的阿邦，阿邦亦直認灌錄時有點忟憎，「做戲重複又重複冇問題，但唱歌真係唔得。」MiMi則謂：「陳禛錄嘅時候會嗌悶同攰，因為件事唔同唱現場，要重複又重複。咁個女會覺得好煩，會問我幾時走得呀，所以我就要集中訓練佢耐性咯。」　

宣萱近日去了泰國旅行，並在社交平台分享與好友「地膽」羅敏莊聚舊的合照及影片。

羅敏莊（Mimi）與陳國邦於去年攜10歲女兒陳禛移居泰國，陳國邦安頓妻女後便回港繼續賺錢養家，而羅敏莊偶然亦會短暫回港工作，但大部分時間都在泰國照顧囡囡。好友宣萱近日就去了泰國旅行，並在社交平台分享與「地膽」羅敏莊見面，可見到二人表現相當興奮！

羅敏莊一家三口

羅敏莊去年攜10歲女兒陳禛移居泰國。

宣萱近日去了泰國旅行。

宣萱與羅敏莊在曼谷開心吃喝玩樂，先到商場shopping，期間還睇到商場內有舞蹈表演，二人心情極，睇到擘大口大笑，又齊齊與打扮特別的舞蹈員自拍。難得有朋自遠方來，羅敏莊開心的留言：「姊妹來探我，有姊妹從香港來泰國探我，當然要聚一聚！#泰國的生活 #開心的一天」。

宣萱與羅敏莊相約見面

一同在曼谷吃喝玩樂。

睇表演睇得好開心。

之後，二人又去了餐廳歎地道泰國菜，宣萱以英文留言：「Only been here for a day and already having a great time with Mimi. She truly is a wonderful friend. Have a lot to learn from you!（只在這裡的一天，已經和Mimi玩得很開心，她的確是一位很棒的朋友，有很多值得學習的地方。）」

又去了歎地道泰國菜。

食得開心！

玩一日當然不夠，宣萱第二日再獨自坐BTS去找羅敏莊看電影，享受VIP式的睇戲方式，在進場前大歎不同的小食，是難得的體驗。不少網民看過宣萱的帖文都叫她要玩得盡興，亦有網民開心她終於不再PO只腳的照片，「終於見到樣啦～玩得開心」、「終於露面了，可惜只看到半邊，眼睛炯有神，很美」、「下次能不能po鼻子以下的照片😂」。

宣萱獨自坐BTS去找羅敏莊睇戲。

睇戲前先享受小食。

又再次食得開心。

原來係睇Timothée Chalamet主演的《旺卡》。

VIP式享受！