唔好以為靚榴槤只得貓山王一種　紅蝦、黑刺、老薑、四腳蛇食到停不了嘴

最近先後去了馬來西亞新山和檳城，馬來西亞很多美食，容後再講，但只講食榴槤都真是講極都講不完。
有一晚在新山食飯，那間酒樓的美食已經非常好，但主人家很客氣，食完飯還來一個榴槤宴，除了有享負盛名的貓山王外，還有紅蝦和黑刺。香港人很多都只識得貓山王，但當地人就說，不同榴槤就各有不同口味，它們就好似一個個品牌一樣，各有所好，一定要同場比較，才可分出高下，或者找出你最喜歡的榴槤。

黑剌圓身，吃下去感到味濃乾身

貓山王長身，吃下柔嫩香甜

開了榴槤就先吃貓山王，它的果肉較為淺色，官方版本說它的味道是柔嫩、苦甜、味濃，而黑刺就是順滑、香醇、清甜，但現場食的感覺就有些不同，只覺得貓山王已經非常好吃，非常香甜、好味。不過吃完貓山王再食紅蝦、黑刺之時，特別是黑刺就覺得黑刺乾身一點，除果肉是橙紅色外，味道甜中帶苦，比貓山王口感濃烈得多；紅蝦就介乎兩者中間，性格沒那麼鮮明。

我自己就很喜歡黑刺那種乾身和濃厚味道，以前食過貓山王已經覺得非常之正，但沒食過好似黑刺這些，就根本不知道甚麼是馬來西亞榴槤。

檳城攤檔的榴槤品種多到令人眼花瞭亂

之後去到檳城，親自去榴槤檔看一看，發覺榴槤的種類真的多得很，琳琅滿目，貓山王只是其中一種。據檔主介紹，他除了介紹貓山王、黑刺外，還叫我們試試老薑和四腳蛇，老實講榴槤這些名字好似品牌，改得古靈精怪，雖然當地人瑯瑯上口，但都只不過是一個名稱而矣，不過不同品種，食味的確唔同。

檳城榴槤檔主介紹不同品種的味

老薑是百年老樹，榴槤食落就有一種發酵的苦辣味，味道非常濃郁，十分特別；四腳蛇雖然略帶苦味，但相對就淡了一些。我很喜歡老薑的味道，真是發覺食榴槤就好似看美人般，如果你只是見過貓山王就已經覺得十分驚艷，但再看完其他，原來四大美人還在後頭。

聽當地人說，榴槤愈賣愈貴，主要都是很多好的榴槤，都已出口轉售到中國。榴槤都需要特別的氣候和環境，而且榴槤樹都要種五年才結果，是一個長線投資，而不同的園主就會透過自己的繁殖方法，開發出不同的品牌，各有不同的口味。若不去過馬來西亞吃榴槤，都不知道可以有那麼多選擇。去當地可以留一餐不吃飯，專門吃榴槤，簡直是「大滿足」。

一盒果肉打包帶回香港大約都只是400港元

食了好東西，當然想帶些回香港送給朋友，原來當地還有很好的服務，將榴槤果肉用保鮮紙一個個獨立包好，放入膠盒裡面，再加三層包裝，一點味道都沒有。由於馬來西亞榴槤的體型較細，一盒榴槤就不只一個，一盒大約要400港元左右，但是當你試過馬來西亞各種榴槤的美味，就會覺得400 元真是微不足道，自己食完，真的要買回來送給至親好友一試。

Sebastian

** 博客文章文責自負,不代表本公司立場 **

旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。

Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。

「旅遊義工」Agnes退休前任職跨國公司管理層。

退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。

收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。

因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。

Agnes話，每當想起這段回憶，自己能夠幫老人家完成心願，好有滿足感。

退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。

由新加坡回流香港發展的Marco，透過參與「旅遊義工」計劃重新認識香港。

Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。

由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。

做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。

最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。

各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。