律政司司長袁國強離職，港澳辦主任張曉明接受大公文匯訪問，話對袁國強的辭任感到惋惜，高度肯定袁在任內的貢獻，稱讚他襟懷坦蕩。曉明哥又爆料，話特區政府一直挽留，但袁國強既已作最後決定，最佳辦法是表示尊重和理解。
曉明哥咁講，以免外界誤會袁國強只做半年就走，是出現什麼問題。佢打埋開口牌，話特區政府想挽留都挽留唔到。
建制派的評論都好一致，高度肯定袁國強任內的工作。民建聯李慧琼就形容袁在任期間，本港法治出現多場挑戰，包括佔中、港獨等，她認為袁國強以謹慎態度處理問題，令現時社會狀況稍為緩和。但她稱遺憾袁任內未能將佔中三子送上法庭，亦未能完成一地兩檢最後一步的本地立法。
律政司司長呢個位壓力之大，不足為外人道，特別是2014年佔中，2016年因為宣誓風波而釋法，以及將非法佔中和暴動者告上法庭，其壓力之大可想而知。在重重壓力下，袁國強腸胃唔多掂，去睇過醫生做晒檢查，結論係唔做司長會好番。
所以袁國強本來換屆就想退，但當時未搵到人接任，在中央大力挽留下，袁國強捱義氣做多半年，政府終於搵到鄭若驊接任，袁國強就功成身退啦。
Ariel
** 博客文章文責自負,不代表本公司立場 **
