早兩星期跟幾位大學聚會。由於大家都是記者新仔，入息麻麻地，所以我們選擇「港式醉酒大法」，去有牛角扇的大排檔叫小食隊啤酒。
一年碰不到一次，大家見面少不免懷念一下讀書趣事。「Hall Can啲雞脾真係好好食！」、「最好食係酸辣粉，日日都要食」、「記唔記得做Project時梗會有九百幾個叫『Fianl Version』嘅powerpoint file？」
說完開心的「以前」，有同學就開始講不快樂的「現在」。之前在某網媒工作的同學L劈頭就說之前儲不到錢，近日忽然失業真忐忑。
「不如寄CV去我公司？」我說。
「你嗰間嘢紅底嚟嘅，唔做。」
此時另一個同學輕笑一聲：「你東家打唔到，西家唔肯做，點搞？俾我就求其搵間公司做住儲經驗先啦。」
「我再考慮吓先，未必做傳媒添啦。」L說做傳媒辛苦、人工低、做得不高興，不如轉行，語畢吹了一支大啤，怨氣好重。
「我都叫有過理想吖，咪又係成條鹹魚咁。」飯局後我乘小巴回家，L在醉倒前最後一句話在我腦海揮散不去。
在長期聽到「BB」聲的亡命旅途中，我想到L曾說過做記者是最大夢想，現在卻說考慮轉行，實在好可惜。
我不知道為何L的夢想如此經不起考驗，不過我肯定忽然失業這回事對他打擊很大。我見過很多人會因為失戀或金錢問題飲醉酒大放豪語，但大家都知道，每份工作都有開心不開心，有必要為了這種事發酒瘋？
直到這個星期一，L終獲另一間傳媒機構聘用，甚至為此特登打電話通知我：「之前飲醉咗遮。加上單嘢咁突然，個心唔定咪嘈下囉。」
我忽然明白了。
十幾歲仔，無家庭負擔、只要讀書就好，一切都很安定，所以那時日日都有的「Hall Can雞脾」可以令我們很開心。現在廿幾歲仔，難得可以跟朋友「港式醉酒」，又有甚麼好不高興？我們到底有甚麼不滿？
就像L一樣，「廿幾歲仔」不是投訴做得不高興。雖然只是二十多歲，但跟任何年代的人一樣，我們只是想呻呻「個心唔定」而己。
Kaga
** 博客文章文責自負,不代表本公司立場 **
