個個都騷胸，晒股或者可以殺出一條血路！
出過兩本寫真集的松岡李那（Linah），今年趁書展再推出以男友視角做主題的《I'm yours》寫真集，攝影意念同形象都由Linah話事，她表示不介意性感，最緊要影得靚，所以寫真集內真的有不少噴血靚相。其中一輯銀她還邊吃零食邊扭腰晒靚股，但她對於33.5吋的白滑結實靚臀還未滿意，話想再大點，「最好大多兩吋啦，咁樣會性感啲。」
松岡李那（網上圖片）
舊年Linah都有出寫真，不過以卡通片《櫻桃小丸子》內的野口同學造型拍攝，將靚樣及好身材收埋，惹來粉絲不滿，Linah順應民意，今年以一輯Body能見度極高的寫真集挽回粉絲的心，她謂，「自己好鍾意影靚相，雖然已經32歲，但如Keep到都想繼續影，可能呢個都係保持住好狀態嘅方法。」
既然大個女，Linah決定自己話事，寫真相性感尺度完全無底線，「最緊要影得靚，但係Ivan(經理人)當然唔係咁諗，佢唔俾我咁性感，所以我哋揀相花咗好多時間，要我同Ivan同攝影師都點頭先揀。」Linah騷胸見得多，着熱牛露靚臀反而少見，「我pat pat幾結實，平日會搽椰子油護理，一星期至少做4次瑜伽同Gym，不過我想再大啲，最好大多兩吋啦！咁樣會性感啲嘛！」講到當日影呢輯相，原來令Linah相當痛苦，「我本身好鍾意食零食，又唔鍾意浪費食物，邊拍邊食當然開心，但仲要影其他寫真相要Keep fit，所以忍口忍得好辛苦呀！」
