雨僑笑言要在生小朋友前搏老命去旅行。
雨僑拍完新劇，便出發到澳洲坎培拉拍攝旅遊節目，帶大家上山下海。她去了當地的魚市場拍賣會參觀，又出海睇潛水員捉鮑魚，「平時喺香港街市買鮑魚好似好簡單，今次見到潛水員揹氧氣樽跳落海捉鮑魚，再將佢哋拎返上嚟，真係唔容易！再加上海浪非常大，見到一米巨浪都是很平常嘅事，在船上都有不少人暈船同嘔，所以好驚險。」
網上圖片
雨僑到澳洲坎培拉拍攝旅遊節目，帶大家上山下海。
談到近年默默接job，究竟幾時才與老公羅力威補度蜜月呢？雨僑終於有好消息，「之前工作太辛苦，我說服老公，度蜜月真係唔夠，不如『度蜜年』，呢年諗到想去邊旅行就去啦！因為身邊朋友話咗生小朋友後幾年好難去旅行，所以我依家要搏老命去。」
雨僑計劃與老公「度蜜年」。（資料圖片）
雨僑第一站將會同老公和家人去日本石垣島，「結婚後我除咗少見老公，亦都少見屋企人，我哋兩個都好想帶屋企人去旅行，之後先再密謀度蜜年的其他計劃。」
網上圖片
