岑麗香離巢非為生B 轉投王祖藍旗下

娛圈事

岑麗香離巢非為生B 轉投王祖藍旗下

2018年07月21日 19:00 最後更新：20:53

原來香香轉去做王祖藍旗下藝人！

岑麗香自月前宣佈約滿無綫後，首次出席公開活動，親自解釋離巢原因，並透露已跟王祖藍旗下經理人公司簽約。自加拿大返港的香香，自言過去一個月過得非常充實，先跟丈夫強強出席兩個親友婚禮，再陪伴至愛的婆婆。香香說：「陪婆婆係最開心嘅事！仲揸車遊半個加拿大，都要幾日㗎，之後去法國拍廣告。（強強陪你去？）無啊！做嘢就自己去，都好吖，買嘢無人係隔離睇住。」

談到新方向，香香透露7月份剛簽約王祖藍公司旗下藝人。問到酬勞？她笑說：「唔得講㗎！佢哋唔畀講㗎！（簽幾耐？）呢啲到時先再講，都夠嘅。」至於未來工作方向，會拍劇還是內地綜藝節目？她說：「都鍾意拍劇嘅；同時都想試吓唔同嘅嘢，返大陸要做好多功課，學咗7年廣東話，學少少普通話都唔怕嘅。」現在是否自由得多？香香說：「自己想多啲時間陪屋企人。」

對於被指離巢為全力造人趕生B？香香說：「唔係，生BB方面會努力。」好姊妹李亞男變身老闆娘，可有催她生B？她說：「反而無，唔好咁大壓力，順期自然最好，最近都收到好多貼士。」她亦為祖藍跟亞男將當爸媽感到非常開心，但她不知也有待他們親自公佈BB性別。問到希望BB像爸爸還是媽媽？她笑說：「女仔似亞男多啲！（男呢？）兩個都係好朋友，你唔好迫我啦！」

往下看更多文章

王祖藍拍片晒四代同堂網民驚歎全家顏值如餅印：祖孫四代共用一張臉

2024年04月25日 17:00 最後更新：17:19

王祖藍家的基因真強大！

王祖藍與李亞男在2015年結婚後育有兩個囡囡，分別是現年5歲的大女王天韻（Gabby）及3歲的細女王海靜（Hayley），一家四口生活幸福美滿。王祖藍雖然工作非常忙碌，但一有時間就會陪妻女四圍去玩，還不時拍片分享一家人的生活點滴，近日他就分享了一條四代同堂的影片，網民都非常驚訝他一家四代顏值餅印一樣！

王祖藍在社交平台分享一條四代同堂的影片，並留言：「有一種幸福叫四世同堂。奶奶，祝您生日快樂，願您福壽安康」。片中王祖藍與兩個囡囡、王媽媽及王嫲嫲都出鏡，王祖藍先逐一問各人幾多歲，兩個囡囡分別表示3歲和5歲，王祖藍表示自己45歲，王媽媽則說自己65歲，之後王祖藍再問嫲嫲：「太太幾歲？」眾人一齊答：「96歲」，並向老人家送上生日祝賀。最後，王祖藍在片尾寫上，「四世同堂就是幸福的模樣，願你福壽安康，奶奶生日快樂！」

不少網民看過影片後都紛紛留言祝賀王嫲嫲，更直指王祖藍一家四代都好似樣，「王祖藍媽媽生了一個男版的自己」、「王祖藍生了一個女版的自己」、「祖孫四代共用一張臉」、「一家子一個模子」、「鼻子都一樣」、「一家人共用一張臉。基因強大！」亦有人指王祖藍的細女Hayley似吳尊囡囡neinei小時候，「小女兒好像吳尊女兒neinei」、「女兒為甚麼長的那麼像吳尊女兒小時候呀？」