老婆永遠是對的!
孫耀威到電台宣傳新歌《最後最後》時,透露MV剛推出,他除參與這歌製作外,更親手剪接MV,「睇到尾會起晒雞皮,流眼淚。」他指歌曲背後訊息是珍惜身邊所有人,不要到最後才發覺已沒辦法去表達愛意。
孫耀威坦言近年性情確實有點改變,以跟太太陳美詩(Macy)為例,笑講:「有時兩公婆嗌交,我會據理力爭,如果我唔啱會道歉,如果我有道理會堅持。依家嗌交5分鐘,就會攬住Macy氹返佢。」
孫耀威指Macy甚少發脾氣,但若發起脾氣來就難以收拾,「氹咗仲嬲,跟著自己發脾氣,又再嗌過囉!(有無試過推佢落床啊?)吓!即係等我教訓吓佢先咁?(有無試過?)佢教訓我就有份!」