「藍變黃」商人搞嘢 搏免費宣傳？ 小心中伏

聲言會在港島區參加直選的Chickeeduck老闆周小龍，在愉景新城商場分店擺放手持「光復香港，時代革命」的黑色旗幟的「民主女神像」，聲言會連擺7日。

傳聞藍營中人有睇唔過眼，想去店舖示威抗議其做法。

周小龍在Chickeeduck愉城分店內擺放「民主女神像」。

不過，商界中人就覺得事件好離奇，周小龍擺放「民主女神像」前後，曾公開表示反對「港版國安法」的立場。網上有人翻出舊帳，話周小龍搵過大陸錢，當年好藍。他在 2007 年創立 The Rink Limited，成為公司行政總裁（CEO） 以及股權持有人。其後公司亦向內地發展，分別在 2017 年於重慶、2018 年於長沙及 2019 年於成都開設 The Rink 溜冰場，2020 年 5 月將 The Rink 出售。

近期突然咁高調，反對派中人對周小龍的行為有懷疑，有人擔心他是選舉無間道，認為這種人骨子裏只是利益掛帥，係人係鬼好難分。所以佢攞放完女神像之後，事件並沒有引起反對派支持。

商界中人覺得，都有可能有人忽然由「由藍轉黃」如此出位，是否想博傳媒幫佢做免費宣傳。所以，如果藍營有人去示威抗議，可能會幫人炒熱單新聞，搞旺個場。

Sebastian

** 博客文章文責自負,不代表本公司立場 **

電動車品牌MG在香港大舉擴張，今年計劃加開5個展銷廳。其中之一的九龍灣大型展銷廳今日開幕。

MG九龍灣宏光道億京中心展銷廳開幕。

開幕禮上，MG總代理富利堡老闆黃毅力向Sebastian透露，佢舊年去倫敦與MG及上汽集團的高層開會，最後商定今年大幅擴大在香港的推廣，要開5間展銷廳。

富利堡集團主席黃毅力。

由於內地有10個電動車品牌會在香港混戰，做展銷廳的黃金地段都十分搶手。黃毅力就馬上同億京集團聯絡，最終鎖定九龍灣宏光道1號億京中心的大地鋪租約，喺嗰度開展銷廳。

MG Cyber Star 跑車。

面對競爭激烈的電動車市場，黃毅力點諗？佢就話唔怕競爭，反而認為競爭愈多愈好。佢亦都唔怕「減價戰」，因為競爭唔係淨係減價錢，亦要講產品質素及售後服務。

另外，MG即將推出M9電動七人車，黃毅力估計呢架車會有良好的銷路，因為電動車同普通油車唔同，油車停車要熄匙，而電動車停車就不用熄匙熄冷氣，適合經常喺車內等候的人，例如家長平日去接載小朋友相當方便。

MG即將推出的M9電動七人車。

M9七人車內籠相當寛敞。

現場就有一位大老闆，出席開幕禮之後就講起，好有興趣買返一批七人車，話一架車一個月可以慳返3000蚊以上的油錢，一年就節省3-4萬，車越多慳得越多，條數好襟計。