電視風雲再起，由「老虎仔」邱達昌同賭后何超瓊等合組的永升亞洲，正在密鑼緊鼓籌備競投免電視牌照，據聞老虎仔已經搵得前無綫總經理何定鈞出山，幫佢手組班投牌。

  

何定鈞在電視業的經驗甚為豐富，既可以幫老虎仔組班，亦有助佢投牌。其實永升財團已有相當電視及娛樂事業經驗，它的四個股東，邱達昌、何超瓊、富力地產老闆李思廉，以及聯想控股相關投資基金弘毅投資，邱達昌來自電視業世家，其家族曾營運亞視，何超瓊旗下賭場有豐富娛樂演藝的表演元素，弘毅在內地有很多電視製作業的投資，當中不乏賺大錢的生意。如今再加入何定鈞咁有經驗的電視人做管理層，投牌時如虎添翼。

 

由於何定鈞年紀已有71歲，估計佢都唔會當長工咁打，屬過渡性人物，除咗投牌之外，仲可以幫老虎仔睇住盤數，因為成立新公司，萬事起頭難，都要有一個熟悉電視業的人來揸數會好啲，睇住各樣開支，唔致於搞到失控。

 

老虎仔搵何定鈞幫手之後，相信港視的王維基就會更頭痕，因為佢的網台雖有拍劇的經驗，但對手亦搵來咁豐富電視業的人來掌舵，即使係從本地電視業經驗來講，亦唔可以話佢優勝過老虎仔同何定鈞啦。




Ariel

** 博客文章文責自負,不代表本公司立場 **