內地公司樂視體育取得未來三季英超香港區獨家播放權, 外界傳聞轉播費高達4至6億美元(31億至47億港元), 樂視沒有公布金額,而樂視與其他電視台合作播英超的消息, 也搞到超混亂。
在周二樂視宣布奪得英超轉播權時,nowTV 在同一日亦宣布已與樂視達成共識,可以繼續播放英超賽事,不過樂視當日拒絕證實有關消息。 樂視亞太區執行總裁莫翠天在樂視體育發佈會後見記者,他沒有證實 nowTV 聲明的真確性,但強調未有可以透露與第三方合作的具體方案。
但一日之後,到周三中午,樂視和nowTV兩家公司發表聯合聲明 ,指雙方已就播英超達成原則性協議,並正積極洽談執行細節。由於新聞稿上有兩間公司聯絡人,大家都信nowTV可以播英超無 花無假,但是直播還是事後播,可否播全部賽事,就暫時未知。
當大家都覺得真相終於大白之際,香港寬頻(1310) 周三又公布已與樂視(LeTV)簽署諒解備忘錄, 在捆綁銷售樂視之網上媒體內容、娛樂及體育節目套餐, 包括英超聯賽合作,雙方正進行詳細討論。
吓,咁即係點呢?樂視究竟係自己獨家直播英超,還是和nowTV一齊播, 抑或和香港寬頻三家一齊玩,完全搞唔清。 一個轉播消息可以搞到超混亂,真係令人大開眼界。
照計nowTV母公司電盈(008)係上市公司,nowTV夠膽宣布已與樂視達成共識續播英超,照計不應該是流料, 否則上市公司發放虛假消息好大罪,但樂視遲一日才證實, 真係玩死電盈的股東。然後又殺出另一間上市公司香港寬頻話傾緊, 隻股周三公布消息就炒上,最後若然傾唔成,買咗股又點算呢?
Ariel
** 博客文章文責自負,不代表本公司立場 **