葵青警區夥拍老字號 自製低糖月餅送俾老友記

懷舊的店舖，熱哄哄的工場，各式各樣的器具，被蛋香、餅香充斥着，這裏就是葵青50多年老字號「大歡喜餅家」。一直以來，餅店由人稱「榮哥」、「忠哥」兩兄弟繼承衣缽，苦心經營，而他們製作的更加是坊間難得一見懷舊中秋月餅，如馳名鴨膶月、伍仁鹹肉月、蛋黃豆沙月和蛋黃雞油月等。

自製月餅嘅樣板。

謝Sir放餅入爐前映張靚仔相先。

而出於對中國傳統手藝的熱愛，葵青警區指揮官謝振中總警司近日就聯同當區少年警訊名譽會長會主席劉興華，耆樂警訊名譽會長會會長黎振東先生和兩會會員，一齊親身體驗用傳統手工製作月餅嘅過程。

葵青警區聯同少年警訊和耆樂警訊會員學習用傳統手工製作月餅。

謝Sir等參加者在「榮哥」、「忠哥」帶領下，將親手搓好嘅「雙黃蓮蓉月」，以及專為長者而調配的「少糖豆沙月」，放入今次活動特製並印有「提葵警剔」和「耆樂警訊」字眼嘅木製模具內，固定後再將月餅「拍」出。

固定材料後要將月餅「拍」出。

不過，「拍」月餅那陣子，就差點出現事故。原來謝sir因為力度過大，導致月餅脫模飛出，好彩謝sir反應夠快，隨手就將月餅接住，但大家都忍不住大笑，場面非常歡樂！

謝sir拍月餅時差點出現事故。

經過適溫焗製之後，月餅終於順利新鮮出爐。熱哄哄，而且香噴噴，睇落亦都相當好味。

老友記開開心心地拎到自製月餅。不知哪一個是謝Sir特製。

據知，這批自製月餅其後送俾一眾葵青區老友記，希望他們中秋節快樂之餘，最緊要係記得「提葵警剔」！

Sebastian

** 博客文章文責自負,不代表本公司立場 **

電動車品牌MG在香港大舉擴張，今年計劃加開5個展銷廳。其中之一的九龍灣大型展銷廳今日開幕。

MG九龍灣宏光道億京中心展銷廳開幕。

開幕禮上，MG總代理富利堡老闆黃毅力向Sebastian透露，佢舊年去倫敦與MG及上汽集團的高層開會，最後商定今年大幅擴大在香港的推廣，要開5間展銷廳。

富利堡集團主席黃毅力。

由於內地有10個電動車品牌會在香港混戰，做展銷廳的黃金地段都十分搶手。黃毅力就馬上同億京集團聯絡，最終鎖定九龍灣宏光道1號億京中心的大地鋪租約，喺嗰度開展銷廳。

MG Cyber Star 跑車。

面對競爭激烈的電動車市場，黃毅力點諗？佢就話唔怕競爭，反而認為競爭愈多愈好。佢亦都唔怕「減價戰」，因為競爭唔係淨係減價錢，亦要講產品質素及售後服務。

另外，MG即將推出M9電動七人車，黃毅力估計呢架車會有良好的銷路，因為電動車同普通油車唔同，油車停車要熄匙，而電動車停車就不用熄匙熄冷氣，適合經常喺車內等候的人，例如家長平日去接載小朋友相當方便。

MG即將推出的M9電動七人車。

M9七人車內籠相當寛敞。

現場就有一位大老闆，出席開幕禮之後就講起，好有興趣買返一批七人車，話一架車一個月可以慳返3000蚊以上的油錢，一年就節省3-4萬，車越多慳得越多，條數好襟計。