博客文章
今晚大除夕，不少港人都會出街倒數派對，迎接2022年來臨，而今年除了每年慣常一、兩個地方有大型倒數活動外，今年新增了有不少新的好去處，包括中環海濱活動空間、寶蓮寺大壇大佛，都有表演活動，當然唔少得新地標中環街市，可以去。
countdown唔少得新地標中環街市。
在極具歷史價值的中環街市，舉行倒數活動，更有不少歌唱在場載歌載舞，胡鴻鈞、譚嘉儀、戴祖儀、王浩信，農夫，仲有聲夢學員冼靖峰及張馳豪等演出，與市民一同倒數共迎新年來臨，仲會首次在中街街市舉行煙花匯演，加埋活動免費入場，所以今朝開始，已有市民及歌迷入場排隊，準備霸定個靚位，欣賞及支持心儀偶像。
若唔想出街的市民，亦可以用Instgrams、Facebook或無綫電視J2渠道收看，同大家一同倒數同慶新一年到來。
Sebastian
** 博客文章文責自負,不代表本公司立場 **
電動車品牌MG在香港大舉擴張，今年計劃加開5個展銷廳。其中之一的九龍灣大型展銷廳今日開幕。
MG九龍灣宏光道億京中心展銷廳開幕。
開幕禮上，MG總代理富利堡老闆黃毅力向Sebastian透露，佢舊年去倫敦與MG及上汽集團的高層開會，最後商定今年大幅擴大在香港的推廣，要開5間展銷廳。
富利堡集團主席黃毅力。
由於內地有10個電動車品牌會在香港混戰，做展銷廳的黃金地段都十分搶手。黃毅力就馬上同億京集團聯絡，最終鎖定九龍灣宏光道1號億京中心的大地鋪租約，喺嗰度開展銷廳。
MG Cyber Star 跑車。
面對競爭激烈的電動車市場，黃毅力點諗？佢就話唔怕競爭，反而認為競爭愈多愈好。佢亦都唔怕「減價戰」，因為競爭唔係淨係減價錢，亦要講產品質素及售後服務。
另外，MG即將推出M9電動七人車，黃毅力估計呢架車會有良好的銷路，因為電動車同普通油車唔同，油車停車要熄匙，而電動車停車就不用熄匙熄冷氣，適合經常喺車內等候的人，例如家長平日去接載小朋友相當方便。
MG即將推出的M9電動七人車。
M9七人車內籠相當寛敞。
現場就有一位大老闆，出席開幕禮之後就講起，好有興趣買返一批七人車，話一架車一個月可以慳返3000蚊以上的油錢，一年就節省3-4萬，車越多慳得越多，條數好襟計。
