佔中發起人戴耀廷自首完無被拘捕，帶去警署的膠樽無所用，返屋企得閒又寫稿，去美國《紐約時報》，篇文題為「What Next for Hong Kong？」（香港何去何從？），他一方面叫人結束佔領運動，另一方面又叫人唔交稅、延遲交公屋租等，都唔知呢啲行為合唔合法。
戴耀廷話，佔領運動漸漸失去民意支持，市民並非不支持真普選，而是參與者質疑長時間佔領道路的成效；加上部份示威者偏離非暴力公民抗命的本意，警方又暴力打壓，繼續佔領已成「高風險低回報」的行為。他認為雨傘運動並非一無所獲，因為運動能夠喚起年輕人一代政治覺醒，所得的已經比預期多。
他認為是時候結束佔領，重新思考新策略，走入社區，傳遞真普選的訊息，並爭取更多市民支持，透過拒絕交稅、延遲繳交公屋租金、在立法會拉布等不合作運動，堵塞政府運作，逼使政府回應訴求，比起堵塞道路來得有效。
高人話，戴耀廷呢啲書生論政，憑空想像，脫離現實，試過佔中呢一舖之後，大家好唔好再跟佢，真係要諗諗。佢叫人唔交稅，話唔交1蚊罰唔多，但萬一發動唔起幾萬人來拒交，只有幾百人唔交，人少政府就郁你啦，唔止罰款仲全部告上法庭，話呢班人有組織地拒絕交稅想嚴重「堵塞政府運作」(犯罪意圖講到明)，全部人告入，留埋案底點算? 你問戴生，佢又會話估唔到件事反應咁差，話個運動就由一個拒交稅的不合作運動，幾日內變成一個完全失敗的逃稅行動，同佢原意唔同咗，咁大家咪暈咗喺地？
當然你熱烈擁護戴生發起的行動，唔止唔交稅，仲去稅局門口抗議，意外地同稅局保安推撞起上來，戴生更加會話「我唔識你」，你唔係我運動的成員，我組織的義務律師有選擇權，佢地一定唔會幫你。
高人話，一個法律系副教授，成日教人做埋啲自己都無想清楚的犯法嘢，咁算點呢？
Ariel
** 博客文章文責自負,不代表本公司立場 **
選委會選舉的邏輯有點複雜，外界不易理解，但從結果可以看到端倪。
今屆選舉委員會界別共有1466名登記選民，當中1458人投票，投票率為99.45%。其中轉跑道的現屆旅遊界議員姚柏良以1,397票成為「票王」，而陳凱欣則以1,386票成為「票后」。觀乎50名候選人的票數差距，不難發現最後3名入局者，跟最高3名票數的出局者，其實票數相差不遠。
吳英鵬以1002票當選。
最低票數的3名當選人包括吳英鵬 (1002票）、范凱傑（1034票）、洪錦鉉 （1042票），而最高票數的4名落選人則包括馮英倫(988票）、4 伍婉婷(970票)及2名同票數的劉振江(954票)及鄧咏駿 （954票），最後一席入局者吳英鵬 ，僅比落選的馮英倫多14票，跟劉振江及鄧咏駿也只差48票。他們只是以些微票數飲恨。
馮英倫得票988票，僅以14票飲恨。
事實上，選委會界別的「選民」大部分來自大政團或大社團，佔近千人，所以若有大政黨或社團背景的候選人，好大機會當選；反之，若社團或政黨背景不強、處境較邊緣的「散兵」候選人，就要埋牙肉搏，好視乎候選人本身的形象同選舉工程是否突出，若形象好「行」、氣場較勁，當選機會較高，例如以1066票尾4位當選的陳宗彝，在選舉論壇中表現較突出，聲浪及氣場夠勁，就可以當選。反之，若形象太溫文低調，選舉工程又平平無奇，落選機會當然高。
10名落選者中，2人來自工聯會，包括副理事長曾志文 （793票）及副會長馬光如 （934票），過去都較低調，而工聯會又在反對輸入勞工等議題上得罪部分商界選民；另外形象較弱的包括全國青聯委員柯家洋 （813票）、公屋聯會總幹事招國偉 （887票）、香港正思研究院院長陳少波 （937票）、香港中小型企業聯合會主席郭志華 （947票）、香港測量師學會前會長劉振江 （954票）、觀塘區議員鄧咏駿 （954票）、西九管理局董事局成員伍婉婷 （970票）及前政助馮英倫（988票）。
高人話，選委會界別因要選多達40席，其實大部分選民都無法記得候選人的名字，故選委的投票取態就要剔走10名候選人，所以一般能力不太特出、低調、面目模糊的就會被剔走。
50名候選人得票
當選者 得票 政團
姚柏良 1397
陳凱欣 1386
李浩然 1360
李鎮強 1354 自由黨
陳恒鑌 1348 民建聯
魏明德 1345
陳仲尼 1343 民建聯
吳傑莊 1331
黃錦輝 1329
葛珮帆 1321 民建聯
梁美芬 1316 經民聯
林振昇 1311 勞聯
陳曼琪 1311
文頴怡 1308
劉智鵬 1275 教聯會
陳紹雄 1273
陳永光 1269 民建聯
簡慧敏 1268
何俊賢 1267 民建聯
何君堯 1241
管浩鳴 1233
樓家強 1231
何敬康 1210 新民黨
黃錦良 1201 教聯會
莊家彬 1194
李家駒 1193
林筱魯 1189
黃國 1187 工聯會
伍煥杰 1164
林琳 1160 民建聯
范駿華 1155
朱立威 1144 民建聯
梁子穎 1089 工聯會
蘇紹聰 1076
鄧銘心 1073 經民聯
陳祖光 1067
陳宗彝 1066
洪錦鉉 1042 民建聯
范凱傑 1034
吳英鵬 1002
落選者 得票 政團
馮英倫 988
伍婉婷 970
劉振江 954
鄧咏駿 954
郭志華 947
陳少波 937
馬光如 934 工聯會
招國偉 887 公屋聯會
柯家洋 813
曾志文 793 工聯會
