搭巴士「送車尾」真係幾激氣。有網民昨日拍到一名男子追巴士時「送車尾」,惟司機拒絕開門,男子不忿擋在車前,阻止巴士駛離。九巴表示,正了解事件,若有人故意妨礙駕駛,車長可報警。
片段拍攝地點在港鐵大學站外巴士站,一名身穿恤衫西褲的男子,擋在巴士前大叫「係咪爭一秒你都唔開門呀?」之後他向拍片者說「我想搵站長」。拍片者回答「搭下班車啦先生!你唔好阻住成車人啦!」最後他跟拍片者一番理論後,不忿離去。
有網民認出,片中巴士是87K,來往大學鐵路站和錦英苑,6至12分鐘開出一班車。有網友指責阻車男不是「西裝骨骨 但好肉酸囉!」、「等你就係人情、唔等就係道理!」;但亦有人認為巴士司機不近人情「等巴士有時真係火都來」、「真係遲一秒都唔等人敢衰?」、「 有d司機又真係好衰既~上埋都唔會少忽肉」。
九巴則回應指,正了解事件,但根據法例,「任何人均不得故意阻礙或妨礙正在執行載客任務的巴士司機的駕駛工作」,若有人違反,車長可報警處理。九巴又呼籲,乘客切勿阻礙巴士前進或干擾車長駕駛行為,除影響行車安全,亦耽誤其他乘客的行程。